Galaxy Dominator [The Labyrinth Of Miraculous Island]

Prologue

Ang kaharian ng Northern Riverland. Isa sa mga kaharian sa Land of Elixir na may mamamayang humigit kumulang kalahating milyones. Ang Land of Elixir ay mundo ng mahika. Bukod sa panloob na kapangyarihang tinataglay ng bawat indibidwal dito, ang mahika ay maaaring bilhin at ipagbili gaya ng mga bagay na napakikinabangan sa araw-araw na pamumuhay ng mga tao. May iilang indibidwal na ginawang hanapbuhay ang kanilang mahika. Ang mga indibidwal na ito ay tinatawag na Devata. Ang mga Devata na ito ay kabilang sa iba't ibang uri na mga Guild na tumatanggap ng mga trabaho na galing sa Council of Elixir Empire. Maraming guild ang nakarehistro sa Elixir Empire, isa na rito ang natatanging Devata Guild na nagsisilbing pangunahing bantay ng Northern Riverland Kingdom. Ang guild na kung saan di mabilang na di kapani-paniwalang pangyayari ang naganap, at muli, sa panibagong yugto ng guild na ito, mayro'ng magpapatuloy, na silang gagawa ng mga bagong pangyayari na di mawari kung ito ba ay totoo o sakuna lamang. Ang pangalan ng Guild na ito ay....... Riverland Phoenix.