"مالك صارة وشك يا يوكي؟"
سألتها بشبش البتاكل في شيبس دوريتوس.
"كيف يعني مالي صارة وشي؟ المدير المعفن القذر د ... اسي دي قواعد ليهو؟!!! ... كيف يعني ... كيف يعني في الرحلة الاولاد براهم و البنات براهم؟!!!!"
اتدردقت في الواطة و كان واضح انو باقي الشلة عاملين فيها ما بعرفوها.
"يوكي عليكككك الله ما تفضحينا قومي من الواطة .. اسي امك تجي تقول لينا بتلعِبو بتي كورة!!"
قالت ليها سجك وهي ما بتعاين ليها عشان ما يقولو بتعرفها.
بعد ثانية فجأة قامت و قررت انها تمشي تسأل المدير بنفسها لأنه الخردة ديل -وزي اسمهم- ما نافعين.
"يا مدير!!"
اقتحمت الأوضة زي خروف العيد الهارب من الضبح ، اتنهد المدير و سب بصوت واطي و قرب يبكي.
"يوكي للمرة الأربعمية خمسة و ستين ألف و تلتمية اربعة و عشرين مااا تخشي بدون ما تدقي الباب"
"يا مدير أنت ما فاهم!! انا جاية لشي مهم!! .. اح اح احم.. بصفتي نائبة رئيس الصف الثاني"
"السابقة"
قاطعها المدير .. فطبعا بعد ما جا و شاف الفوضى الفي الفصل قرر أنه ما يعتمد على مس سوسة في التوظيف تاني"
"المهم زي ما كنت بقول .. أنا شايفة انو قرارك كان غير حكيم بفصل الاولاد و البنات في الرحلة المدرسية و أوريك الأسباب :
●أول حاجة نحن ك بنات م حتقدر نشيل الحفاظات و الفرشات و محتاجين خدم يشيلوهم لينا.
●تاني حاجة الأولاد لو خليتهم يمشو براهم ما ح يهتمو بروحهم و لا ح يتظبطو و أشك أنهم ح يستحمو أصلا لأنو مافي بنات عشان يتجهزو ليهم.
●تالت حاجة مافي تالت حاجة لكن أنا دايرة اكتر كلام.
المدير عاين ليها و حاول يتمالك نفسه.
"يوكي اطلعي"
"لكن"
"يلااا!!! االنلعبعتلتبثصماع!!!!"
دخل المدير في نوبة من نوباته العجيبة و في شائعات بتقول إنو سمّا المدرسة وهو في وحدة من النوبات د"
"حقير معفن"
__________________
