بلوتي القمر

البارت الأول

=أنا جيت من السوق ياما ورفعتلك راسك وجبتلك حاجات ياست الكل هتخليكي منشكحه كده ومزقططه اه والله اه والنعمه

ماما * يابت ده ابن البط عوام طالعه لأمك وريني جبتي ايه ياضنايا

= شوفي ياست الحجاجيج جبتلك بطيخه

* مين قالك أن دي بطيخه يا هناء

= البياع قالي دي بطيخه بس مستويه أصل الناس بتشيل البطيخ من الشجره وهو لسه أخضر فالراجل المحترم الكومّل ده سابه لحد ما اصفر

* شجرة ايه ويصفر ايه يابنت الجزمه وجبتيها بكام

= ١٢٠ ج بس يا ماما راجل طيب ومحترم اوي الله يكرمه

* الله يهدك انتي وهو في ساعه واحده يابنت جزمه وجبتي ايه تاني يانيلة

= جبتلك ماما يا طاسه أقصد طاسه يا ماما الراجل قالي تيڤال أصلي ونضيف على قد تقلي بيضه وصغننه ومحندقه كده وب٩٥ج بس

* اه اه قلبي هتشليني يابنت المشلوله

= بعيد الشر عنك ياما يا أم الغوالي 🥺💔

* جبتي ايه تاني اشجيني

= جبتلك بقى ايه فجل من اللي بتحبيه ومجبتش جرجير عشان انتي مبتحبهوش وجبتلك منه ب١٠٠ج يكفيكي شهر كلي وادعيلي

* لا لا كده كتير كفايه ضغط وسكر كمان عاوزه تجبيلي المراره ده جرجير يابنت الهبله

= ياما انتي شايله المراره أصلاً التسويقه اللي فاتت وبعدين الوليه بتاعت الخضار قالتلي ده فجل وده سيريس أخضر مورور أهو

* ده انا اللي هسربك مع كلاب الشوارع يابنت الكلبه الجربانه ده جرجير وسبانخ يا مايله

= طب ماعلينا من ده كله جبتلك كوسه

* هو احنا بناكل كوسه يابنت الموكوسه وكمان جايباها شايخه

بقلم: لؤلؤة محمد
= اومال ألبسها بامبرز هقهقهقهق ايه ده بس يا وليه هدي أعضائك بلاش الشبشب الجلد ونبي يالاااااااااااهوااااااااااي الحقوني هتاكل كبدي 🏃🏃🏃🏃

* لا وانتي الصادقه هاكل مصارينك مصرون مصرون يا ميلة بختك في بنتك يا اعتكاف

= بيبقى في رمضان بس يا غاليه هقهقهق

* بتقفلي باب الأوضه عليكي قال يعني مش هطولك طب ورحمة أمك يابنت أمك لأكون مستنياكي وجيباكي من أحشائك حشئوش حشئوش 

= خليكي قاعده كدهون يا وليه مش طالعالك هروح أكلم ملوكتي

أكمل والا ايه ؟