بلوتي القمر

البارت السابع

في بيت عبد المجيد الحناوي
ملك/ الرسول صل الله عليه وسلم لما ربنا أمره يجهر بالدعوه الإسلاميه ذهب وصعد جبل الصفا وقال بصوت عالي ياصاحباه فاجتمعوا اليه قريش فقال لهم أرأيتم لو أخبرتكم أن العدو يصبحكم أو يمسيكم كنتم تصدقوني ؟ قالوا نعم ماشهدنا عليك كذب قط قال فإني نذير لكم بين يدي عذاب شديد قال أبو لهب تباً لك سائر اليوم محمد ألهذا جمعتنا فأنزل الله عز وجل سورة المسد وقال تبت يدا أبي لهب وتب وللعلم يا حبايبي أن أبو لهب كان عم النبي صل الله عليه وسلم
طفل من اللي بياخدوا عندها درس مس على فكره انتي مبتفهميش حاجه وفاشله
ملك/ليه يالا عملتلك ايه
الطفل/ ازاي عم النبي كان كافر انتي عبيطه
ملك/ أنا اللي عبيطه وفاشله يافاشل يابن الفاشله وخرجت راسها من الشباك يا أم مروان يا ام مروان تعالي خدي ابنك ياوليه بدل ما اعلملك في وشه بالقطر ابنك الفاشل ابو عقل طخين دهون
أم مروان/فيه ايه بس يا مس ملك
ملك/بلا مس بلا بس ياوليه انتي شلبيه لمي عيالك عندي شغل خدي ابنك عند دكتور ياخد جلسات ذكاء والا وديه ياخدها حقن خلف يعر
أم مروان أخدت ابنها ومشيت وملك كملت الدرس وفجأه لقت فونها بيرن / يلا ياعيال روحوا خلصنا الدرس كده انهارده وردت على الفون ايه يا صرصار البلاعه انتي في أي بلاعه دلوقتي ...هناء فيه ايه انتي بتعيطي ... هناء طب اهدي طيب واتكلمي فيه ايه يانؤه بلاش تقلقيني عليكي
هناء بدموع / أخوكي المهزأه معدوم الدم والمشاعر أعااااااااااااااا
ملك/طبلة ودن أمي اتخرمت يخربيت حنجرتك يا شيخه ماله أخويا عمل ايه
هناء/طردني ابن المسلوعه وقال ايه ملكيش مكان في شركتي أبو شركتك ياجدع
ملك/طب خلاص اهدي وبعدين انتي اللي على طول تروحي متأخر وهو محذرك من ده يانؤه وكذا مره يقولك لو منتظمتيش هطردك
هناء/تصدقي انتي كمان مهزأه اه صحيح ما انتي أخته نفس الدم المعفن اتفووووه عليكي انتي واخوكي وقفلت في وشها
ملك/اه يابنت المقعبره بتقفلي على وداني منك لله يا احمد انت وهناء في ثانيه واحده صدعتوني
عند هناء ركنت جنب المسجد وكان مفتوح عشان وقت الصلاه قرب نزلت ودخلت مسجد النساء اتوضت وصلت ركعتين تحية المسجد وبعدين صلت أربع ركعات عشان تحس براحه وقعدت تقرأ سورة البقره ومستنيه الصلاه خلصت قراءه والظهر اذن شويه وقامت الصلاه وصلاة الجماعه بدأت طبعاً صلاة الظهر سراً بس صوت الإمام وهو بيكبر ويقيم الصلاه وفي الصلاه بيقول الله أكبر حست هناء أن الصوت دخل قلبها بطريقه رهيبه وكل ماتسمعه بيقول الله أكبر قلبها يدق بطريقه مش طبيعيه استغربت نفسها جدا خلصت الصلاه وخرجت ركبت عربيتها وروحت وصلت البيت /امااااااااااااا أنا جيت نورت البيت اه والله نورته هوب الكهربه قطعت
حسام/واضح انك نورتي حتى نورك غطى على الكهربه
ماما/ياختي ياريتك اتأخرتي شويه كنت خلصت تصبين والا أقولك بما انك نورتي البيت تعالي حطي فيشة الغساله في ودنك
هناء/يخربيت ظرافتك انتي وابنك يا وليه أله قوليلي يا ماما هو انتي دعيتيلي انهارده
ماما/اه ياضنايا قولت ربنا يوقفلك ولاد الحلال في طريقك ويكفيكي شر حاكم ظالم
هناء وهي بتوطي على ايد مامتها تبوسها / كفايه ياما أبوس ايدك وأكلمت بصوت هاني رامزي كفايه ياما كفايه ياما
ماما/ ايه بس يابت فيه ايه
هناء/ ياختي اتكعبلت فيهم اتكفيت على وشي
ماما/مين دول يابت
هناء/ ولاد الحلال ياختي اللي بتدعيلي بيهم احمد ابن أختك طردني يا اعتكاف ابن طردني من الشركه بتاعته ده زمان أمه اللي جايبهاله
حسام/تستاهلي عشان بتروحي متأخر
ماما/ونبي لأعزمه على دكر بط زمانك حارقه دمه وسابتهم ودخلت المطبخ
حسام بيبص لهناء بتفكير / هي أمك حقيقي والا بجد
هناء/حقيقي
حسام/ طب كويس افتكرتها بجد
هناء/ هدخل أغير هدومي بقى واجي ... دخلت غيرت هدومها ومسكت نوتة مذكراتها وكتبت ( أحببتك ولكني لم أرى منك سوى القسوه التي ومن المفترض أن تجعل قلبي يقسو عليك ولكن قسوتك نار وقلبي حديد ينصهر كلما زادت نار قسوتك زاد قلبي حبا ولين ) وقلبت الصفحه وكتبت ( وكأن قلبي أقسم يحبك ويتعبني ) قفلت دفتر مذكراتها ورفعت أيدها وقالت يارب اللهم اجعلي نصيب فيما هو خير اللهم اختارلي ولا تخيرني اللهم انت تعلم أن قلبي ليس بيدي ولكن نصيبي وقدري بيدك فقدرلي ماهو خير وفجأه جه في ودنها صوت الإمام وقررت انها تصلي العشاء في المسجد ده وفعلاً وقت العشاء خرجت وراحت تصلي في المسجد وأول ما دخلت طبعاً صلت ركعتين تحية المسجد وشويه والعشاء أذنت وسمعت صوت الإمام تاني ورجع قلبها يدق تاني وشويه وقامت وصلت سنة العشاء والإمام أقام الصلاه وبدأ يقرأ الفاتحه وهنا هناء قلبها بدأ يدق جامد أكتر من الأول لدرجة أنها كانت حاسه أنه هيغمى عليها الإمام كان صوته جميل جدا وفيه هدوء وخشوع لدرجة أن الناس في المسجد بدأت تعيط لما بدأ يقرأ ( وجاءت سكرة بالحق ذلك ماكنت منه تحيد ونفخ في الصور ذلك يوم الوعيد ) وهناء بدأت تعيط وقلبها حاسه أنه هيخرج من مكانه خلصت الصلاه وفضلت هناء قاعده مكانها لحد ماتسترجع نبضات قلبها المسروقه شويه وهديت وقامت تروح وهي خارجه كانت بتحاول تشوف الإمام بس مش عارفه وروحت زعلانه أنها مشافتهوش أول ماوصلت البيت سمعت صوت عالي من جوا فتحت ودخلت على طول تشوف فيه ايه لقت حسام أخوها بيزعق / أنا مش هتغصب على جواز يا ماما أنا مش عيل تمشوني على مزاجكم
ماما/ يابني ملك بنت عمك وبنت خالتك ومحترمه وطيبه وغلبانه وعارفه ربنا ايه المانع
حسام/ المانع اني مش عاوز أتجوز بالطريقه دي سيبيلي حرية الإختيار لو سمحتي انا مش عيل وساب البيت وخرج وقعدت مامته حطت أيدها على رأسها مش عارفه تعمل ايه
هناء/ فيه ايه يا ماما جواز ايه وغصب ايه اللي بتتكلموا عنه ده
ماما/ يابنتي والدك الله يرحمه كاتب وصيه أن حسام يتجوز ملك وانتي تتجوزي أحمد والوصيه دي بعلم عمك كمان وهما اتفقوا على كده .......
في بيت عبدالمجيد الحناوي
ملك/ كنت فين يا احمد اتأخرت انهارده يعني على طول بتيجي المغرب
أحمد/ كنت بصلي العشاء في المسجد اللي قريب مننا ده وجيت يا لوكه ليه فيه حاجه وماما وبابا فين
ملك/ تقبل الله يا حمودي ماما وبابا راحوا لعمو عبد المطلب صاحبه يسلموا عليه عشان لسه جاي من السفر هو ومراته وأولاده
أحمد / طب ومستنوش ليه كنت أسلم على شعيب وقصي
ملك/ تتعوض بقى بكره بإذن الله نبقى نروح انا وانت وهناء وحسام نسلم على بتول
أحمد اول ماسمع اسم هناء افتكرها وافتكر عيونها العسلي المختلطه بالدموع وسرح
ملك/ ألوووو ألووووووووو انت ياعم
أحمد فاق من سرحانه وبصلها / هاه بتقولي حاجه يا لوكه
ملك/ حاجه ده انا قولت حاجات يابرنس
أحمد / برنس !!! بطلي بقى الجو ده واعقلي شويه انا هدخل أغير على أما تجهزي الأكل عشان جعان
ملك/اثبت مكانك لاتولع وانت واقف .. ممكن افهم ايه اللي انت عملته مع هناء ده دي كلمتني وكانت منهاره من العياط هي عملت ايه يعني لده كله وبعدين يا أستاذ يا محترم من المفترض انها بنت عمك وكمان متنساش أن هي وحسام ليهم نص الشركه دي يعني زيهم زيك بس هما اللي سايبينك تديرها عشان حسام مش غاوي وهناء مش بتفهم في الإداره ممكن افهم بقى بأي صفه حضرتك تطردها
أحمد/ هي هناء عيطت جامد ؟
ملك/ 😳😳 هو ده كل اللي لفت نظرك في كلامي ده كله
أحمد/ ملك مش بهزر هي هناء عيطت جامد بجد يعني زمانها زعلانه مني ومتضايقه ؟
ملك/ بخبث وتضييق عين وانت مالك مهتم أوي كده
أحمد بلغبطه / لا مهتم ولا حاجه هي حره وبعدين غلطت وخدت جزاءها وولا كلمه تانيه في الموضوع ده انا هدخل أغير وانتي جهزي الأكل يلا ودخل بسرعه قبل ماترد
ملك/ أقطع دراعي لو مكنتش بتحبها 🙂