بلوتي القمر

البارت السادس

طيب ازاي هتجوز واحده مبحبهاش ... هو انت يعني يا حسام بتحب واحده تانيه ما انت سنجل بائس مهزأ حزين محدش بيعبرك أهو ايه المشكله وبعدين دي بنت عمك ووصية عمك المريض وأبوك المرحوم ... بس برضه ازاي أتقبل فكرة اني مغصوب على جوازه ايه ده هو انا بنت ده حتى البنات مبقتش تتغصب على الجواز وبيتجوزوا على مزاجهم أنا كراجل أتغصب على الجواز ليه وبعدين مش عاوز أظلمها معايا .... طب وهظلمها ليه ملك مش وحشه بالعكس جميله ومحترمه ودمها خفيف وفرفوشه مش نكديه طب وليه أظلمها وبعدين ممكن الحب يجي بعد الجواز يا حسام وحتى لو مجاش حب تكفي الموده والرحمه وحب العشره أوفى وأعمق بكتير من الحب التاني أنا هسيب كل حاجه على ربنا وأقوم أتوضى وأصلي استخاره وانام واللي فيه الخير يقدمه ربنا
تاني يوم الصبح ماما/ بت يا هناء اصحى يلا ياغيبوبه منك لله تعبتيني
هناء/ كمان ساعتين بس ياماما وهقوم كده كده زمان الوقت لسه بدري
ماما/ بدري من عمرك يا حيلتها الساعه8الا ربع
هناء وهي بتنط من على السرير ياختاااااااااااااااااي ومش عارفه تصحيني بدري ياما ده التوكسيك هيولع في أمي
ماما/ ولعتي ملقيتي اللي يطفيكي ياسافله مخلفه بلطجيه خلصي وغوري خلي البيت يروق من أشكالك المعفنه اللي تسد النفس دي
هناء/ ياوليه هو انا بنتك والا بنت الجيران فيه ايه ياوليه لو انا درتك قولي متخافيش
ماما/ ياختي اتوكسي وروحي على شغلك خلي البيت ينضف وسابتها ومشيت قامت هناء أخدت شاور سريع ولبست وشاح مغربي كاكاوي وخمار وكوتش وشنطه لونهم أبيض وخرجت سلاموز ياموزه وخلي حس ينفعك ونزلت بسرعه ركبت عربيته وراحت شغالها قابلتها زميلتها مروه ايه يا هناء فينك من ساعتها ده الساعه 9 وربع ومستر أحمد قالب عليكي الدنيا الإجتماع كمان ربع ساعه وانتي قافله الخزنه على ملف الصفقه
هناء/ هااااااااااارسوووووح ده انا هيتعمل مني بطاطس مهروسه 🥺 تعالي معايا يامروه انا خايفه
مروه/ هناء انتي عارفه اننا اخوات واني عمري عمري عمري ماهتخلى عنك أبدا مهما كان ايه مستر أحمد في مكتبه سلميلي على الشهدا اللي معاكي ورفعت جيبتها الطويله بإيدها وطلعت تجري
هناء/ بت يا مروه اه ياكلبه خشب أصيل يا أبو رحاب أصيل ياخويا روحي يارب توقعي القهوه عليه وزي ماهيعمل فيا يعمل فيكي يا أوطى من كعب الجزمه أما أروح أقابل قدري وعملي الإسود أنا عارفه بحبه على هم ايه ده بس ياربي والا هو كده القلب يسيب خلق الله ويروح يحب اللي بيهزأه القلب ده تحسه عدو الكرامه اه وربنا اه والله ........ راحت هناء على مكتب أحمد لقيت صوته طالع وبيزعق بطريقه مفزعه جداً مع المحاسب خبطت على باب المكتب
أحمد بصلها بجنب عينه ورجع بص للمحاسب وهو بيتكلم / انت لو منتبهتش لشغلك أكتر من كده يا مصطفى انا هضطر أفصلك عشان الإهمال ده مينفعش وميرضيش ربنا ده مش لعب عيال ده شغل ومهم جدا كمان يبقى. لما ألاقي سيادتك ملغبطلي في الحسابات ومش مزود ألف والا منقص ألف وبس لأ دي ملايين يا أستاذ هي حاجه من اتنين يا اما سيادتك كنت نايم وانت بتشتغل يا اما قابض انك تبوظ الشغل وفي الحالتين هيكون ملكش مكان في الشركه بتاعتي اخرك معايا الشهر ده لو متظبطش وشغل اتظبط أنا هضطر أفصلك ودي حاجه أكيد هتزعلني لأنك بتضطرني أقطع عيشك اتفضل على شغلك وافتكر قوله سبحانه وتعالى ( وقل اعملوا فسيرى الله عملكم ورسوله والمؤمنون ) صدق الله العظيم اتفضل خرج مصطفى وأحمد اتحرك من مكانه وراح وقف قدام هناء واتكلم بهدوء / الساعه في ايدك كام يانؤه
بقلم لؤلؤه محمد
استغربت هناء جدا من هدوءه واستغربت أكتر لما قالها يا نؤه لأول مره / الساعه 9 و10
بكل هدوء مره تانيه / واجتماع شركة الحناوي وشركة الجمال امتى
هناء واستغرابها بيزيد / كمان خمس دقايق
ولسه محتفظ بهدوءه / جهزتي ورق الصفقه يانؤه
هناء وهي بتبص للأرض / لأ
/ ليه
/لسه واصله حضرتك رفعت عيونها لاقيتها مثبت نظره عليها ببرود أنا أسفه والله مش هتتكرر
/هي فعلاً مش هتتكرر يانؤه
بصتله هناء باستغراب من طريقته وغموضه في الكلمه اللي قالها ولاحظ هو استغرابها وعدم فهمها رد وكمل جملته ارجعي بيتكوا نامي يا هناء واحده مهمله ومستهتره زيك ماتلزمنيش في شركتي
اتعصبت هناء جدا من أخر جمله قالها وردت وهي بتبصله بتحدي وغضب أنا اللي ميشرفنيش اني أشتغل في شركتك اصلا يا أستاذ أحمد خليهالك بلها واشرب مايتها تولع انت وهي في يوم جمعه
بص أحمد في عيونها جامد ولأول مره يلاحظ لونهم العسلي الفاتح / اشمعنى الجمعه يا نؤه
هناء/ عشان أجازه متلاقيش مطافي تطفيك انت والغرزه بتاعتك اللي مخلياك بتدوس على خلق الله كده ومن غير سلامو عليكو
عاوزه كومنتات حلوه زيكم كده تشجعني اكمل