بلوتي القمر

الفصل الحادي عشر

رواية بلوتي القمر بقلم لؤلؤه محمد الفصل 13
عند قصي كان في مكتبه وسمع صوت عالي بره خرج لقى بنت ضهرها ليه وبتعيط والظابط بيقولها/ يا انسه حضرتك بتعيطي ليه دلوقتي بقولك لازم البطاقه عشان اعملك المحضر
البنت/ وأجيبلك البطاقه منين دلوقتي يعني بقولك الشنطه كلها اتسرقت والبطاقه فيها انا عاوزه افهم انت ازاي بقيت ظابط أصلاً بذكاء الحضانه ده
الظابط / لا ده انتي قليلة الأدب بقى وبتغلطي طب وحيات أمك لأكون حاطك في الحجز
قصي / فيه ايه يا سعد
سعد/ الأنسه جايه تعمل محضر وممعهاش بطاقه لا وبتغلط كمان
قصي/ هناء !!! انتي شنطتك اتسرقت فين
هناء/ عند المول ...
قصي/ طيب هي بتقولك شنطتها اتسرقت والبطاقه كانت في شنطتها تجيبهالك منين فعلاً دلوقتي اعملها المحضر تعالى ورايا لو سمحتي ودخل مكتبه/ اتفضلي يا هناء بتحبي عصير اللامون
هناء/ ايوه ليه
بصلها قصي / وبتقولي عليه هو اللي ذكاؤه ذكاء حضانه أكيد بسألك عليه عشان تشربيه يروق أعصابك بدل ما انتي شبه الطفل اللي حد أخد منه لعبته كده
هناء/ انت جايبني هنا تهزأني وتتريق عليا والا ايه تصدق أنا غلطانه اني جيت وراك أصلاً وانا الغبيه كنت فكراك محترم طلعت مهزأ
قصي بصدمه / انا مهزأ تصدقي انتي اللي لسانك متبري منك فعلاً صدق اللي قال خلي بالك من القصير لأن ربنا أخد من طوله وحط في لسانه
هناء/ قصدك ايه يعني أن لساني طويل وكمان بتتريق على طولي اه ما أكيد لازم تتريق على طولي ما انت لو اتهزيت هتنزل بلح
قصي/ أنزل بلح ؟
هناء/ايه يا بطرمان النباهه يا برميل الذكاء مش فاهم انك نخله والا البعيد مبيفهمش اه صح دورلي على شنطتي وهاتهالي ومن غير بعد اذنك ومشيت من غير ماتسمع رده
قصي واقف مصدوم منها ومن كلامها / هي مش كانت تعيط من شويه وعامله شبه الكتكوت المبلول ياشيخه تبا لكي
عند أحمد كان قاعد في مكتبه وفجأه لقى الباب بيتفتح بعنف بص على الباب بغضب لقى هناء /فيه يا هناء مالك بتعيطي ليه وقام من مكانه راحلها اهدي طيب تعالي اقعدي ومسك سماعة الهاتف مروه هاتي عصير لامون لو سمحتي بسرعه وراح قعد على الكرسي اللي قدام هناء اهدي يا هناء واحكيلي حصل ايه حسام ومرات عمي كويسين
هناء/ كويسين الحمدلله
أحمد/ طب الحمدلله اومال فيه ايه بس مالك
هناء/ شنطتي اتسرقت مني عند المول وكان فيها الفون والفلوس حتى البطاقه والفيزا
أحمد/ طب وعملتي بلاغ
هناء ومرضتش تحكيله الخناقه بتاعتها هي وقصي / اه عملت بلاغ بس انا لاقيت اني قريبه من هنا قولت اجي أتخانق معاك أقصد اقعد معاك يووووه أقصد أرن على حسام من عندك يجي ياخدني عشان اعصايبي تعبانه ومش قادره أسوق
أحمد وهو بيضحك/ ياستي عاوزه تتخانقي معايا اتخانقي عاوزه تقعدي معايا ياريت والله هو انا أطول هناء هانم تقعد معايا وبعدين ياستي أخلص شوية الشغل اللي معايا ده بس ونروح مع بعض
هناء/ تمام تحب اساعدك
أحمد/ يعني لو مش هتعبك ياريت
قعدوا يشتغلوا مع بعض وبعد تلات ساعات خلصوا
هناء/ ياااااه اخيرا ده انا جالي الغضروف ياجدع
أحمد / غضروف وجدع انتي بتدرسي ايه في الكليه بتاعتك دي حاسك انتي وملك بتروحوا تدرسوا بلطجه وترجعوا
هناء/ الواحد ياما يعيش ياما يشوف يا اخويا
أحمد/ بقيتي بيئه أوي يا نؤه
هناء مع نفسها أله مالك ياض ماتنشف كده من امتى وانت بتتكلم بنحنحه يعني
أحمد / ألوووو
هناء/ هاه
أحمد / هاه ايه اللي واخد عقلك يتهنى بيه ياقمري
هناء/ 😳😳🙂
أحمد/ احم احم طب يلا نروح
هناء / يلا وقاموا روحوا وهما في العربيه أحمد شغل أغنية اضحكي خليني أضحك ضحكتك بترد روحي ربنا وحده اللي علم بعشقك ازاي يا روحي
هناء في نفسها / أله أله لا اله إلا الله هو ماله الواد ده مش راكب على بعضه ليه / احم احم الأغاني حرام يا شيخ أحمد
أحمد في نفسه / ده انتي بت فصيله أبو سئالتك يا شيخه طب ماشي/ أيوه صح انا اسف وقلب الأغنيه وشغل نشيد ( ياما كان فيها ممالك الا وجه كل هالك مهما نوره طال ظهوره جاي ليل اسود وحالك جاي ليل عالدنيا ضلمه )
هناء/ جاي ليل اسود وحالك وجاي ليل عالدنيا ضلمه ايه ده يا ببلاوي هات صباره يا راجل وادفني هنا بالحيا
أحمد بضحك/ انتي مشكله يا هناء بجد والله صدقت مرات عمي انك بلوه
هناء/ بلوه ؟ أنا بلوه يا شلوكه يابلوكه ياحبي الدربوكه يا مصطبه هد يامشط الكد يا ابره مصديه يا حبل المعديه
أحمد/ باااااااااااااس ايه بلاعه واتفتحت
هناء/ بشهقه / مين دي اللي بلاعه ياعومااااار
أحمد بيقاطعها / بس كفايه خلاص ياستي اني اسف حقك عليا
هناء/ عفونا عنك
وصلوا عند البيت لقوا ناس كتيره ملمومه عند بيت هناء وعساكر وبوكس
هناء / يالاهوي امي طلعت بتاجر في الأثار والا المخدرات كان قلبي حاسس يا اعتكاف يابنت بلحه
أحمد باستغراب / هي ستك اسمها بلحه
هناء / ايه ده انت مكنتش تعرف اسمها بلحه وأمها كان اسمها عنايات مش عنايه واحده هقهقهق
أحمد/ هو انتي مش ملاحظه انك قاعده هنا بتقلشي واحنا مش عارفين فيه ايه فوق
هناء/ اه والله تعالى نشوف فيه ايه ومشيت بسرعه
أحمد وهو بيخبط كف بكف / طب والله عقلها مش مظبوط ومشي وراها
واحده من الجيران / ايه ده يانؤه انتي مش مخطوفه
هناء / مين دي اللي مخطوفه يا ام سماح
بقلم أمل محمد ( لؤلؤه )
أم سماح / ده أمك بتصوت من العصر وبتقول انك اتخطفتي وحسام أخوكي بلغ البوليس والدنيا مقلوبه يابنتي
هناء/ هاااارسوووح يا فضيحتك يانؤه وطلعت تجري على فوق
اعتكاف / ياترا عملوا فيكي ايه ياهناء عملوكي شاورما والا باعوكي أعضاء يا ضنايا هي فيها أعضاء ياربي ده كل حاجه فيها ضاربه حتى عقلها ممكن خدوا كبدتها شوحوها ببصلتين والا خدوا مصارينها وعملوها ممبار يالااااااااهوااااااااي والا خدوا الصلب عملوه في شوربه والا خدوا
هناء/ باااااااااااااس سبتي ايه تاني ياخدوه يا وليه ده انتي لو ضايع منك بقره والا جاموسه مش هتعملي كده يخربيت الكافر
اعتكاف وهي ماسكه الشبشب وحدفته في وشها / كنتي فين يا صايعه يا ضايعه ياتربية الشوارع ياللي مشوفتيش بربع جنيه تربيه
فاطمه مامت أحمد / ايه يا اعتكاف ماكنتي لسه بتعيطي على البت أول ماشوفتيها بتضربيها والا اكمنك اطمنتي عليها يعني ماخلاص ياوليه حصل خير
اعتكاف / حصل خير ايه بالمشاكل دي كلها ده حسام وشعيب وقصي بيدوروا عليها من العصر وهي خارجه الساعه 10 راجعالي بعد العشا كنتي فين يا مقصوفة الرقبه
أحمد/ كانت معايا يامرات عمي هناء اتسرقت منها شنطتها وكان فيها كل حاجه حتى الفون وجيت فضلت معايا لحد ما خلصت شغل وجينا مع بعض
اعتكاف ياختاااااااااااااااااي بتقول شنطتها اتسرقت وقامت تتفحص بنتها جرالك حاجه يابت حد عورك لايكون غزك بمطوه والا رش في وشك ماية نار
هناء / ياوليه هي أي مصيبه وخلاص تشبعي فيها لطم
حسام وهو داخل البيت جري ووراه شعيب وقصي
وهو بيحضن أخته / هناء حبيبتي انتي كويسه فيكي حاجه ياروحي حصلك حاجه
هناء / أنا كويسه والله يا حسام مفيش حاجه
حسام / اومال كنتي فين من ساعة ماخرجتي من عند قصي
هناء/ كنت قاعده مع احمد نروح مع بعض عشان مكنتش قادره أسوق
بص قصي لأحمد كده وقال في نفسه وتقعدي معاه ليه ماكنتي قوليلي وانا كنت أروح والا هو كده ناس ليها خناق وناس ليها حظ
شعيب / عامة حمدالله على سلامتك
بقلم أمل محمد ( لؤلؤه )
قصي/ شنطتك لاقيناها ومسكنا الحرامي وانا اديتها لحسام
بصتله هناء وافتكرت لما خبطت فيه عند المسجد ولما كانوا عندهم في البيت ولما كانوا في القسم ولاحظت قد ايه هو كاريزما وشخصيه قويه / شكرا لحضرتك
قصي ابتسملها بمعنى العفو وقال في نفسه / طب ما انتي رقيقه وكيوته أهو بس يخربيتك لما بتتحولي يا شيخه
شعيب / نستأذن احنا بقى يا جماعه
اعتكاف / لا والله ماينفع لازم نقعد تعشى مع بعض
قصي / معلش يا مرات عمي مره تانيه بإذن الله عشان بتول في البيت لواحدها
اعتكاف / ممكن أسيبكم تمشوا بس بشرط انا عازماكوا على الغدا بكره بإذن الله وكده كده بكره بإذن الله الجمعه يعني أجازه مفيش شغل
شعيب / اتفقنا يا مرات عمي بعد اذنكم يا جماعه وروحوا شعيب وقصي
عبدالمجيد / طب نستأذن احنا كمان يلا يا جماعه
فاطمه / حاضر يا حاج
اعتكاف / متنسوش العزومه بكره بإذن الله يا جماعه
عبد المجيد / حاضر يا أم حسام يجعله عامر
هناء/ ممكن ملك تبات معايا انهارده يا عمو
عبدالمجيد / ماشي يا حبيبتي مش مشكله يلا يا جماعه تصبحوا على خير
الكل / وانت من أهل الخير ياحاج
ملك وهناء دخلوا الأوضه غيروا هدومهم وقعدوا مع بعض
هناء / بت يا ملوك
ملك / ايه
هناء/ هو أخوكي مش مظبوط كده ليه
ملك/ مش مظبوط ازاي يعني مش فاهمه
هناء/ بقى منحنح اوي كده ويقولي يا نؤه ويتكلم ويهزر ويشغل أغاني هو فيه ايه
ملك/ أحمد أخويا طلع منه ده كله 😳 انا كده اتأكدت
هناء/ اتأكدتي من ايه ؟
ملك/ اتأكدت أنه بيحبك باين عليه أوي بصراحه
هناء/ لأ بيحبني ايه انا كنت بحبه عشان مكنش بيطيقني وكان بيهزأني
ملك بصتلها بقرف/ مش بقولك طول عمرك مهزأه نامي يا هناء نامت عليكي حيطه اتخمدي وراحت نامت ونامت هناء بعدها على طول
تاني يوم
اعتكاف وهي بتفتح شباك الأوضه / قومي يا كلبة البحر منك ليها الناس بتصلي الجمعه وجايين وانا اللي قولت هتساعدوني وظنيت فيكوا الظن الوحش طلعتوا هتفضلوا طول عمركم معفنين نفسي اعرف هتفتحوا بيوت ازاي
هناء وهي بتحط المخده على وشها / بالمفتاح يا كوكي اقفلي الشباك وشغلي المروحه بقى
اعتكاف وهي بتمسك الشبشب / وحيات امكوا لو ماوقفتوا انتباه حالا لأكون مقطعه الشبشب الجلد عليكوا
هناء وملك قاموا من على السرير بسرعه ملك / كله الشبشب الجلد قومنا خلاص يا حاجه
فاطمه مامت ملك / شاطره يا اعتكاف عيال متجيش غير بالعين الحمره
هناء / لا وحياتك ده بالشبشب الجلد
اعتكاف / البسوا يلا واخرجوا ساعدونا عشان صلاة الجمعه هتخلص والناس تيجي يلا منك ليها
ملك وهناء راحوا يلبسوا هناء لبست فستان بنفسجي وخمار أبيض
وملك لبست من عند هناء فستان كاشمير وخمار اسود وخرجوا
بقلم أمل محمد ( لؤلؤه )
شويه والباب خبط وراحت هناء تفتح / توتو يا توتو وحشتيني والله يابت وحضنوا بعض تعالي ادخلي
شعيب / طب وأنا قرطاس لب والا ايه مش هتسلمي عليا يعني اعتبريني زي أختك حتى
قصي / أهو ده تمامك بالظبط
ضحكت هناء وبتول وقصي أخد باله قد ايه هناء ضحكتها حلوه ورجع حمحم واستغفر ربه
هناء / ازيك يا شعيب ازيك يا قصي
/ الحمدلله
هناء/ اتفضلوا حسام زمانه جاي من الصلاه
حسام/ مين جاب في سيرتي
شعيب / ياريتك جبتي سيرة ربع جنيه مخروم
حسام/ ده انا اللي هخرم دماغك مالي ياض
شعيب وهو بيمثل الخوف / تخرم دماغي اثبت يا حضرة الظابط محضر شروع في قتل أهو
حسام/ لا لا حضرتك هو اللي خرملي ودني الأول
شعيب / لأ انت اللي خرمت دماغي
حسام / لأ انت اللي خرمت ودني
قصي / والله لو ماخرصتوا انتوا الإتنين لأخرم عليكم
سكتوا خالص وخافوا منه
أحمد / ايه ده يا قصي انت مقعدهم شبه التلاميذ اللي متذنبين كده ليه
قصي/ صدعوني ياعم
هناء/ بضحك على شكل حسام وشعيب / الأكل جاهز يا جماعه اتفضلوا
شعيب/ ممكن أتحرك يا قصي
قصي / اتفضل
حسام / وانا
قصي / ياعم اتنيل انت كمان وهما معديين ضربهم على قفاهم
هناء ضحكت على اخرها وهي بتقول لحسام / داين تدان ياحبيب أختك
حسام/ لأ ظريفه يابت
قصي / ضربه على قفاه اتكلم معاها عدل
حسام / ياعم دي اختي
قصي / برضه اتكلم معاها عدل
قعدوا كلوا وسط ضحك وهزار وكانت قعده جميله جدا
اعتكاف / ربنا يديم الفرحه واللمه ويديمكم لبعض ويديم محبتكم يا حبايبي
الكل / امين ويديمك لينا يا حاجه
بعد الأكل والشاي العصر أذن
قصي / يلا ننزل نصلي يا جماعه
اعتكاف / طب منصلي كلنا هنا جماعه
شعيب / ياريت والله بدل ماننزل قوموا يلا نتوضى
اتوضوا كلهم
حسام / يلا يا قصي إمّنا انت
قصي / ماشي وبدأ قصي الصلاه وهنا نقف لحظه ايه ده ايه اللي بيحصل ده ده نفس الصوت أيوه هو نفس صوت الإمام اللي خطف قلبها من أول مره لحظه ده معناه أن الصوت ده صوت قصي يعني قصي هو الإمام اللي خطف قلبها مش معقول