#تضحية_رجل_البارت_2
....
تعالو اعرفكم على اصدقائي الي اكثر من اخوان الية
......
علي..... اسمي علي مواليد 1993 اصغر من يوسف بسنة شكلي عادي بس ضخم وطويل عندي 3 اخوات و3 اخوان وامي وابوية يوسف يصير ابن عمتي
ــــــــــــــــــــــــــــــــــ
اسمي محمد مواليد 1992 من عمر يوسف عندي اخت واخ واحد يوسف يصير ابن خالتي
ـــــــــــــــــــــــــــــ
اسمي احمد مواليد 1993 من عمر علي عندي اخت و6 اخوان يوسف يصير ابن خالتي
كلنة ندرس نفس لمرحلة وية يوسف كلنة تركنة سوه احنة مستحيل نتفرق عن بعض وكل يوم سوه لنص ليل لزواج. شايلينة من بالنة نحب سهر وضحك وتحشيش والاكل غير هذني مالنة خلكهن ونستنة اهم شي بس حياة يوسف كلهة تعب بتعب مايوم فرح اذا ما اجتة مشكلة بس هوه قوي اللة يكون بعونة
ــــــــــــــــــــــــــــــــــــــــــــــــــــــ
خلصت لفاتحة ورجعنة للبيت اني صح احب لشقة بس اموت على لثكل يعني بس وية لمقربين الية ميانة والباقين لا
كلنة نشتغل سوه كعدت لصبح وجاي ابدل اندك لباب
علي... صباحكم اني
لا هلا
اشكرك حبيبي اخذت چاي يوسف كعدت
محمد.... صباح لخيرررررات
هلا
محمد بعد روحي بعد ضلعي اتعال احبنك اشتاقيتلك اهواي
ولنبي اذا تقربت اخلي راسك بطاوه لبيض
محمد.... عابت
عليمن
على لعار علي اكو غيره
اها عدالي
اي اخذت لصمونة مالتة وكعدت للريوك
احمد..... ها لك عار تخونيني عازمة ضرايري واني لا
انچب بعد روحي وتعال اتزقنب
جا غير ابوسك بوسة ام لطكة
خزرتة انجب واكعد
احمد... باوعتلة صفح كلت ها مرتي تردين بوسة
محمد..... اوووووي حبيبي خجلتني
احمد..... ارفعي اشواربج خلي ابوسنج
محمد.... لا حبيبي اريد حلك
احمد.... بوية مريتي تريد حلك تعاي بعد شواربي
علي.... اوووي حبيبي اني اغار من ضرتي
احمد.... خاب يروحلج فدوه لعار انتي الج غير شي حوبي
كعدت وسحبت لبيض علية
يوسف.... انتم ماتبطلون اسوالف لسزية مالتكم
علي.... اووووي ليش تكرهني حووياتي
محمد.... معليج منة ضرتي هذا معقد
يوسف.... ابن لنعال منو لمعقد
محمد.... على رجلي حبيبي
يوسف.... ليمنة لو ليسره
هههههه مضحك
بعد هذا لمناكر كلة تريكنة وطلعنة للشغل بالشغل نفس لشي بس حيل متونسين
كعدنة للستراحة كلت
اكلكم شباب الي منكمل دراستنة
لكل.... شنو
اي شبيكم نكمل دراستنة ونخلي حياتنة وين ما انتهيت نكملهة
لكل... اي واللة شكو بيهة
ماشي لعد مابقة شي ويبدي لتقديم
لكل.... تمام كلنة وياك
اتفقنة بس اكيد اني اتكفل بالتقديم لان همة يرحون يتونسون لمهم راحت الايام واجت الايام انفتح لتقديم قدمت النة وسبحان اللة كلنة طلعنة نفس لمعهد مالتنة جهزنة امورنة بس هلمره اجرنة شقة قريبة على لمعهد بالزعفرانية رحنة اشترينة ملابس وتجهيزات كاملة وكلشي نحتاجة اخذنا مخلينة غريب يكعد ويانة بس احنة الاربعة كعدنة بالشقة مفروشة كامل من هنا راح تبدي مسيرتي ومعاناتي لحلوه ولمره داومنة اول يوم وتعرفون لمرحلة لاولى لازم حفلت تعارف يسوون سوينة هاي لتعارف تعرفنة على بعض وكل اشوية واحد طافر ويكول باع لصاروخ وباع مااعرف منو اني جنت قافل على لحب وهاي لخرابيط بس لصراحة لفتت انتباهي بنية ماشاللة عليهة خلقة واخلاق احسهة تختلف عن لكل مبتعده كاعده لوحدهة ملابس محتشمة اشوية مليانة اخدودهة اجنن شفايفهة مليانات مال كرط بيهة سمار لهنديات بس مو طوخ لا حنطية ولشمس ضاربة بوجهة لخدود حمر صايرات طولهة وسط يعني صدوك الي يكول حب اول نضره ههههه هاي اني بقيت اركز باادق تفاصيلهة صافن عليهة شفت اثنين شباب اجوي عليهة بس مكعدو يمهة وهي ضاجت ليش مااعرف اعتقد رادو يتعرفون علية ومقبلت هيج شي ردت اتقرب يمهة بس مااعرف شنو لمنعني بقيت اتمعن بتفاصيلهة معقولة بنت بالجامعة واسم مكياج
ماكو بوجهة كلشيتهة طبيعي وحتى انتبهت حواجبهة بس تعديل واللة مال كرط شكد ما احنة كاعدين هي وحدهة كاعده
محمد..... نحجي ونضحك انتبهت يوسف صافن نحجي وياه ماكو
اخذ احمد بطل لمي وفرغة على راسة
يوسف.... فزيت على شي ثلج براسي انتبهت احمد ماغلطت لزمت لساني لان بنات كاعدات يمنة بس خليتة يركض لجامعة كلهة فحطتة وبالاخير نعلت والديه
خلص لدوام ورجعنة للشقة بس صوره هاي لبنية طبعت بالي
لولد..... ها يوسف شبيك
مابية شي
ليش صافن اهلك بيهم شي
لا والله بس تعالو اكلكم شي
كلهم لتمو كعدنة بشكل دائره ومركزين وياية
كلت شوفو اني يمكن الله راح يوكعني بالحب
لكل.... 😳
ليش هيج تباعون
لكل..... كمل
اي اليوم من جنة كاعدين كلنة شفت بنية وحدهة منعزلة من لكل واجوي اثنين ولد مااعرف شنو حچو هي تعصبت عليهم وراحو بس
لكل..... ايييييي كمل
مااعرف ولكم احس سبت عقلي حفضت كلشي بيهة سمارهة ابتسامتهة طولهة هههه شبر ونص اخدودهة لمليانة وشفا.. احم احم
لكل..... كمل 😲 اح اح
وجع شبيكم
كمل بروح اهلك وصلت لشفا
واللة لو تكمل لكلمة افلش اسنونك
ولد لسطل مو صوجكم صوجي احجيلكم
محمد.... يبوووووووو خاين حقير انت تخوني
احمد..... اهئ اهئ اهئ بشون احسن مني حوياتي
علي..... يعني كل هاي انوثتنة وممكفيتك لازم اجيب لرابعة علينة
يوسف..... بس مو مثلجن لرابعة خايبين سبت عقلي وروحي
لكل .... بوية وعلي ها نچرة
يوسف.... 😡 شنو
علي.... ومحمد مال اروح ابوسهة لان خلتك هيج تنسطر
محمد..... ياربي وحده مثلهة تسطرني بسحر يم ام عباس
احمد...... فتح ياختة وصاح يبوووووو ام صكبان انا هم فد نفرين من هاي لقزمة
يوسف.... انجب مو قزمة طولهة يخبل
لكل..... ههههههه وعلي انته تخبلت
يوسف..... اخذت نفس وزفرتة كلت لا بعدني بعقلي بس سبتني هاي لسمره
بقينة نحچي وكملنة دراسة تعشينة ونمنة هههه اريد انام علمود لصبح يطلع بسرعة واشوف لسمره
كعدت لصبح سويت رويك ملكي النه لان مزاجي فول سبحت وبدلت واني اغني وتعطرت كلشي جهزتة وكعدتهم
علي..... اني ويوسف انام بنفس لغرفة كعدت على عطره بوية موش عطر يسطر وعلي جان يغني واشوف لفرح بعيونة ابد مشايف يوسف هيج فرحان واللة من لبارحة حجالنة كلنة فرحنة لفرحتة يحجي بلهفة وحب اندعينة تكون من نصيبة هاي لبنية ومن حجة احنة. اندمجنة وياه على كد ميحجي من كل گلبة وية كل كلمة ياخذ نفس ويذبة تحسة من اعماق صدرة ياخذه جان يدندن وهوه يمشط صوتة حلو
يوسف.... حبيبتي منين منين حبيبتي ضوه لعين احبهة حب مجانين جانت اغنية حسام لرسام حبيبتي من بغداد
محمد..... كعدنة يوسف ونعرفة من هيج يسوي ريوك ملكي يعني مرتاح واول مره هيج فرحان نشوفة لصراحة خفت علية لان مجربيهة كل ميفرح تجي مصيبة اسم اللة
كعدنة كلنة تريكنة وكملنة شزنة لمواعين كلمن لم افراشة اخذنة اغراضنة وطلعنة للجامعة انتبهنة على يوسف اول مافات للجامعة عينة ادور هاي لبنية صار عدنة فضول انشوفهة على وصفة الهة وهيج معجب بيهة
يوسف.... دخلنة للجامعة واحس كلبي يركض قبل رجلية جنت ادورهة بكل مكان بس مشفتهة دخلنة للمحاضره وطلعنة رحت لنفس لمكان لجانت كاعده بي لبارحة اوووووف جان اشوفهة اهناك وهم لوحدهة كاعده كعدت قريب عليهة اوووووف بقيت صافن عليهة وافكر هاي لوصارت الية وين اضمهة مااخلي احد يشوفهة يا ترى هاي هم مرتبطة واني هيج تعلقت بيهة يارب يطلع كلبهة فارغ ومابي احد ولكم انتبهة عليهة شامة بشفتهة من فوك يعني لشامة بالتحديد مال لشفايف اخخخخخ بوية اموت على هيج شي منا لشفايف مليانة وبيهن شامة اخ مال كرط وعلي انتبهت على ايدهة ماكو لا خاتم ولا شي اوف ولج بسارفعي عيونج خلي اشوفج عينة بس بالكتاب ابد متباوع
محمد.... انتبهت على يوسف صافن بمكان باوعت اني. ولولد للمكان جان اكو بنية كاعده بي وابد ممنتبهة ليوسف صافن عليهة اخذت مناضر احمد وشمرتهن علية كلت
يمعود البسهن وابقة صافن لا تفضحنة وهسة كتلنة يصير فلس ماجاوبني اخذهن لبسهن وبقة صافن عليهة كلنة صفنة وياه بس مو على لبنية لا علية هوه معقولة هيج اكو گلب يتعلق بالشخص من اول مره لصراحة لبنية ماناقصة شي خلقة واخلاق نيال اهلهة على هاي لتربية مازالنة كاعدين ابد ماختلطت وية احد ولا رفعت عينهة
كلت... يوسف. يوسف. يمعود يوسسسسسف
ها
وجع شاف من عافك
ها
سلامتك بعد روحي وين وصلت جاي كهوهة
اخخخخ ولكم مازالهة كبالي مااكدر احجي وياكم
احمد... كوم احجي وياهة
انچب
بعد روحي ممحتاج شي
علي... اي صدك كوم صارحهة
اكل نعل انتة
اسف مااكدر اكلك حبيبي
محمد.. يوسف لا واللة حجي لصدوك يعني عن جد عاجبتك لبنية ترى شوف مبينة لبنية مو من هذني الي بسرعة ينضحك عليهة
يوسف.... اي اعرف مو تشوف نسبيت عليهة
كولولي شسوي
لكل.... صفنة بوجهة منعرف شنو لجواب لان اخاف يصارحهة وترفض او عدهة علاقة لو متقبل اهواي افكار اجتي بالنة بس هوه ابد ابد مو ويانة
علي..... عندي لحل
يوسف.... بصلاة محمد عليك
اي والله
لكل.... كوول شنو لحل
شوفو خلي وحده من صديقاتنة نتعرف عليهة كلش زين ونجربهة هي زينة لو لا بعدهة ندزهة تتعرف عليهة ونخليهة تختلط ويانة وشوية اشوية نخليهة تتقرب من يوسف
لكل.... اي ومحمد خوش فكره ومن ضمنه نعرفهة تحب هيج اسوالف لو لا
يوسف.... موافق. بس لا تتأخرون بعلي اموت
لكل.... يوسف شبيك
يوسف.... مااعرف وراس امي احس من اباوع عليهة كلشي بية يرجف
لكل.... لصراحة لوضع مو مال تحشيش وشقة لان كلش جدي بكلامة لمهم بقينة نتعرف على الاصدقاء بنات ولد تعرفنة على بنية اسمهة حنان اللة يستر عليهة خوش بنية مر تقريباً اسبوع عرفنة حنان خوش ابنية ودائماً تسأل يوسف شبي بس منجاوبهة كل يوم يوسف يجي يكابل هذا لمكان ويكعد مر شهر وهاي لبنية نفس كل يوم ابد متغيرت بس صار عدهة صديقات اثنين او 3 ما لولد ابد متتقرب منهم. صدك احنة هم نعجبنة بيهة وباااخلاقهة يعني تختلف عن لباقيات بكلشي
يوسف.... مر شهر واني على نفس لوضع واحس شي الهة بداخلي يكبر يوم عن يوم. الله خالق هاي لبنية تختلف عن كلشي منتبه عليهة وعلى كل تصرفاتهة الله عليهة ضحكة تجنن وابتسامتهة اتشك كلبي وعلي قررت اخلي حنان اتصادقة علمود تعرفهة زين ثاني يوم بالجامعة هم نفس لمكان بس هل مره مو وحدهة وياهة بنات كاعدات كلت
شباب اذا حنان تجي خلي تتعرف عليهة
لكل... تدلل
حنان..... هلوووووو اخواني اشلونكم
لكل.... هلا بالضلعة كلنة بخير
اخ يابة اللة عوضني ب 4 اخوان عسل مثلكم
يوسف.... حنان اني مو اخوج
اي واللة اخوية معزتك چبيره عندي
حنان روحي تعرفي على هذيج لبنية
منية منهن
شبيج هذيج لدبدوبة
غمزتلة وكلت ها يوسف لسناره غمزت
ولج من اول ماداومنة وهي سحلتني سحل
افه وانة اختك اله اخليهة تجي يمكم
يوسف... وعلي يا حنان اذا جبتيهة يمنة وتعرفت عليهة الج مني. اي شي اطلبينة
تمامممممم تدلل خيو يلة چاووووو
حنان.... بعد كلام يوسف احس كلبة نار على هاي لبنية صار عندي فضول اعرف سحرهة شنو وخلت يوسف هيج يذوب بيهة ويوسف من لنوع يكره لحب وهاي لسوالف رحت عليهن كلت
هلوووو بنات اني اسمي حنان ممكن نتعرف على بعض ونصير صديقات
لكل.... اهلا وسهلا حبيبتي نتشرف بيج
اني اسمي نور مرحلة اولى تكنلوجيا حاسبات
واني اسمي فرح من نفس لقسم
واني اسمي بيلسان نفس لقسم كلنة من بغداد
حنان واني هم من بغداد ونفس لقسم مالتكم تعرفت عليهن كلهن واخذت كل معلوماتهن وحتى ارقامهن وصرنة صديقات تواعدنة على ثاني يوم نفس لمكان نتشاوف
......
يوسف.... اباوع حنان راحت عليهن وبقت تحجي وياهن وتضحك اهواي بقت يمهن كاعده ياللة تمنيت اروح يمهة واسمع ضحكتهة اجتي حنان ونافخة روحة علينة اعرفهة راح تذلني ياللة تحجي الي اريده
حنان.... هاااي
يوسف.... هلا حنان احجي بسرعة
واللة مااحجي شي لان جوعانة وعطشانة
يوسف.... كومو جيبولهة كلشي تريده واني ادفع بس خلي تلغي وتريحني
راحو لولد بدون نقاش كل واحد جايبلهة شي واني كاعد على اعصابي
حنان.... احححح هسة كعدت وزن تدلل شنو تريد تعرف
يوسف... كلشي
سألني
لولد.... اكلي نعل واحجي شنو عرفتي عليهة
حنان.... احجي عادي كدام هذوله واشرت على محمد واحمد وعلي
يوسف... باوعت عليهم ورجعت باوعت عليهة كلت هذوله روح روحي ماينضم عليهم شي غردي
لكل بعد كلبي انت كلنة سكتنة وصار هدوء
حنان..... شوف اسمهة بيلسان مواليدهة 1998 لا متزوجة ولا مخطوبة ولا اي شي خالية مختلية من بغداد عدهة 2 اخوات و2 اخوان عدهة عمام اثنين وعمات اثنين ومن عشرية ل******
لكل هههههه خرب بيومج حتى عشيرتهة عرفتي
حنان..... شعبالكم اني حنان مو ياهو لجان اخت يوسف وعلي واحمد ومحمد
لكل.... والله ولنعم منج
يوسف... اي كملي
حنان.... شتريد بعد
بس هاي لعرفتي عليهة
لا عرفت شتحب وشتكره وين ساكنة
دحجي فدوه اروحلج
شوف تكرهة ما تكرهة لشباب ليحبون لبنات ويومية وية وحده وبسبب هذا. رافضة لعلاقات لعاطفية ولزواج اكثر لون تحبة لوردي والاسود تعشق لاناقة والي يسطرهة بعطره ومن تزعل زعلهة بسيط ترضة بنستلة نمبر وان ههه كيوت ورةحهة مرحة تحب لضحك ولشقة وتكره علاقات وصداقات لشباب والبنات لمشبوهة وهذا كلشي وها اخذت رقمهة هماتين
يوسف..... انهجم بيتج ولج هاي لو اني متعرف عليهة سنة يالة اعرف هذني كلهن
هههههه اني حنان حبي
لكل.... خرب انه ام زكي متلحكج
حنان..... يوسف تعال اكلك شي
لكل احجي اهنا لا ننعل يومج
يوسف..... احجي حنان مااضم شي على لولد
خوش انتم جبتوهة لنفسكم شوف اخوية حضرولكم كل واحد رصيد ابو 10 الية وبليل اخليك تسمع صوتهة
يوسف....... 😳 بصلاه محمد عليج
حنان ومحمد
شلون ولج
هههههه شلون خليهة علية بس بشرط لرصيد هسة يجي بجهازي خوما ادفع من جيبي
يوسف. علي انعل والدي لمايجيبلج رصيد كومو هسة جيبولهة وتعالو
لكل دروح واحنة شعلينة انت تسمع صوتهة لو احنة
يوسف..... باوعتلهم بترجي كلت ينطيكم كلبكم تكسرون فرحتي صار اشهر وايام. واسابيع انتضر هاي لحضة لا تكسرون كلبي
محمد.... يوسف بيك شي هاي انتة هيج تحجي
اي اني هيج احجي ولكم سبت حالي واللة اني الي راسي ما يطخ الاكبر واحد لهاي ام شبر ونص راسي ينزل الهة اتمناهة الية اليوم قبل باجر
لكل..... لصراحة تفاجئنة بيوسف هيج ضعيف كدامهة وهوه ميعرفة مجرد نضرات وبس ياربي رحمتك هيج لحب يسوي كلنة ندعي مينكسر كلبة وتصير من نصيبة طلعنة كلنة جبنة رصيد للچلبة حنان استغلالية لحقيره اني اعلمج هاي لخاطر يوسف واللة
حنان ههههههه غصب ماعليكم اخذت 3 ارصده وانطيت واحد ليوسف كلت اخذ حبيبي انت تستاهل بس هذولة لا
ويجي يوم الكم تتوسلون بية على واسطة شوفو من يسويلكم اله اذلكم وانة اخت يوسف
ـــــــــــــــــــــــــــــــــــــــــ
