#تضحية_رجل_البارت_5
بعدهة دخلت لتلبيس لحلقات شايفين كمر ويكعد بالنص هيج جانت كاعده لابسة فستان اوف وايت لشعر سواد ليل مكياج خفيف واني جنت لابس بنطرون اسود وقميص اوف وايت وية ستره ولاكسسوارات كلنة منسقهن وية بعض جانت لصالة الكاعده بيهة عباره عن نسوان اول مدخلت كبت لهلاهل شفتهة كعدت يمهة بستهة من راسهة كلت صرتي حلالي ولازم اذوك لعسل الي بيج باوعت علينة وسبلت عيونهة كالت
بيلسان.... يوسفي لا تحرجني بداعت حبك الية
اخخخخ ولج لا تحلفيني بالحب واللة مااكدر مو كدامهم يروحي
هزيت راسي وابتسمت
لبستهة لحلقة وبست ايدهة وكل دقيقة احمداللة انو هي صارت حلالي كلت حبيبتي باجر نعقد محكمة اسبوع ونتزوج لان ماعندي تحمل لهذا لعسل كلة ابتسمت وهزة راسهة ماحبيت اطول لسالفة اخاف ابن عمهة يسويلي مشكلة شغلو لبنات ديجي اخذتهة من ايدهة ورقصنة سلو ثاني مره احضنهة لفيت ايدي على خصرهة وسحبتهة لحضني لزك بقيت اتنفس عطرهة
كالت يوسفي بعد لزواج تبقة تحبني
همست
تبقين مدللتي الوحيده.
واميرتي. وحبيبتي. وشريكة عمري.
تبقين ملكي. وملاكي. وكل النساء انتي الاولى وانتي الثانية وانتي الثالثة وانتي الاخيره
دمتي لي ياأجمل صدفة بحياتي
ضحكت وضحكتهة تجنن
همست
سبعون الف ابتسامة لا ايرادية حين اسمع ضحكتك
رجعنة كعدنة بستهة من راسهة كلت ديري بالج على نفسج لحد باجر حبيبتي واتصيرين بأسمي طلعت منهة رحت يم لزلم لشلة كالو نعوف ابن عمهة كلت لا لحد باجر اخذهة نعقد يالة هذا مو أمان اخاف يسوي شي لثاني يوم رحت عليهم لكيتهة جاهزة هي وامهة رحنة للمحكمة واحتراماً لامهة مااهواي تقربت عليهم بس امهة واللة كئنما اختهة لجبيره واللة دخلت بكلبي وهي كلة تكلي يمة ويمة كلت رحمة لوالديج الي يشوفج يكول اختهة مو امهة وانتي كلة تكليلي يمة
كالت
مازالك غالي يم بنتي يعني غالي علية يبعد روحي من هاي لحضة صرنة اصدقاء وبديت اسميهة يمة روحة مرحة بشكل مو طبيعي عقدنة محكمة طلعنة هلهلت ام لولوه وطشت جكليت رحنة اثنينة حضنتنة وباركتلنة اخذتهم تغدينة بالمطعم وطلعنة اخذنة ذهب كامل وخليتهة تأجر بدلة لحفلة لمهر وكلشي تحتاجة اخذتة الهة للعصر رجعنة للبيت واللة ابوهة ذهب وحتى ولد عمهة وعمهة لوسطاني بس هذا لنكس لصغير شلون بقة بسواد وجهة
اختهة واخوانهة يخبلون كلامهم نفسهة لمهم كعدنة ضحكة وسالفة للمغرب ترخصت منهم كلت بعد يومين لمهر همة ماعارضو لناس لان كلت مستعجل على لزفة
رجعت للشقة وشفت لولد موجودين وحابسين حسن بالغرفة كلت خلو لا يطلع ولا يعرف احنة ماخذينة تمام خلص حفلت لمهر وجانت كلش حلوه حددت موعد لعرس واتفقت وية اهلهة هي حنة وهي عرس بالقاعة بقيت بغداد بعد حفلة لمهر عفنة ابن عمهة كالت رجع للبيت يبو شسوه جاب كم رجال وكال ناهي على بت عمي جان متستحي تني على وحده متزوجة هوه انصدم شنو متزوجة كالولة عقدت محكمة هم بقة يصيح واله تفصخونهة واللة ابوهة ضاربة وطارده من لبيت كايلة من جنت تريدهة ليش مااخذتهة من الاول لمهم بقينة نطلع كل يوم واخذت كلشي تحتاجة حجزنة لقاعة سوه واجرت بدلة لحنة ولزفة واني اخذت ملابس هماتين بس كل هذا واهلي بعدهم مموافقين وكلشي صار غصب عليهم كلت يوم لجمعة هي حنة وهي زفة ليجي هلا بي ولميجي هم هلا بي حجزنة غرفت نوم على ذوقنة اثنينة دزيتهة هناك لولد استقبلوهة وصابغين لغرفة ومعدلين الاثاث اجة يوم لزفة واحنة طايرين من لفرح مجنت اتصور راح اخذهة وتصير حلالي واللة كل ماالمس ايدهة كلبي يرجف بيوم لحنة دخلنة سوه من باب لقاعة وكدامنة اطفال اثنين يرشون ورد اول مدخلت غنيت الهة
فزت بيج فزت بيج
واله بيت اخليج
ياغنوة اغنيج واغنيج
وعلى حبي اهنيج اهنيج
وسدنج واباريج اباريج
وسهرج واناغيج اناغيج
وعساج بخير يهواي
اللة يديمج وياي
يتالي تعبي ورباي ورباي
ويلي تشاركني بالراي احتاجج انا اهوووواي
عازه ورده للماي للماي
تمنيت تمنيت غيرج ما تمنيت
عشكتج حيل حبيت
لهلج جيت وتعنيت
رايد شمعة لبيت تعيش وياي ياريت ياريت
وردتج الي اتصيرين تعويضه للسنين لبيهة احنة بيعيدين بعيدين
وانتي صدوك تسوين مليتي كليبي ولعين وبكربج عيدي عيدين اي عيدين
فزت بيج فزت بيج
اله بيت اخليج
ياغنوه اغنيج فزت بيج
مازال اني اغنيلهة هي تتمايل بخصرهة كدامي ولديجه يشتغل خلصت
علي..... اي جبناهة واجت
لكل.. ويانة
محمد.... ولجان صاحبهة
لكل... خذاهة
بقينة نركص واغاني وحده احلى من لثانية واشوف لسعاده الي بعيونهة دعيت اللة يتممهة على خير النة بقينة نص لوقت بعدهة رحنة بدلنة ولناس تعشت بدلنة ملابس لزفة رجعنة للقاعة دخلنة اثنينة وهماتين اغاني ودخولية اجنن اما علي ومحمد واحمد فيفي عبدو وتركص بيسو جانت
ملاك بنصنة وطلع اطباعهة اسبورتية وشقوجية فول بالحنة ولزفة ابد مكعدت اختهة تكلهة عيب لناس شتكول على ركصج جاوبهة واني شعلية بالناس حبيبي واخذتة وتسويلهة حركة على عناد لكل ترجع تكوللهة اركص بعرسي علمود ابقة سعيده وية زوجي كلت اروح فدوه لكلمة زوجي اخذتهة من ايدهة وسحبت اختة بقينة بنص لقاعة ردح لنص لليل لصراحة شفت علي مخلي عينة على اخت بيلسان كل متجي يمنة تركص هوه يجي يمي كلت ها ولك يبين نسحلت
علي.... اي وربك بلكت لقزمة مرتك تسويلنة واسطة
بيلسان..... زغرت عيوني كلت هاي منو لقزمة ولك
علي... بعد روحي يروحلج سبع سنوات لعار
بيلسان.... ههههه لو تموت مااسويلك واسطة
علي... لقزمة اني اعلمج
لكل..... ههههههه
خلصت لحفلة وزفونة للفندق وجماعتي بقو يرمون بالجو اجوووواء من لعمر تخبل حزت بكلبي اخوية لجبير مااجة للعرس لمهم دخلت للفندق وشفت ملاكي رحت حضنتهة بكل قوتي وكئنما اريد ادخلهة بروحي حبيبتي خايفة
ههههه ليش اخاف قابل راح تاكلني
ولج اموت على لسانج لعسل يعني مخايفة
لا يروحي انت يمي بس ها ميتة تعب ممنوع لمس
ليش كلبي بكيفج جد جدي مسموط لهاي لساعة
هههههههاي ليش شنو تنتضر وبعدين شنو راح تسوي
تعالي اكلج شنو اسوي
اممممم اي كول
لا حبيبتي موهيج اكول تعالي افتحلج لبدله
خزرتة انت متستحي
ها ام لسان خفتي
لا بس انت كلشي تريده سوه
هسة اني شكايل بس اساعدج بالبدللة ياروحي
حبيبتي بداعتي لا تحرميني من كل لحضة اريد اعيشهة وياج
امممم تمام
اوووووف نزعتلهة لبدلة كل مكان كبالي اطبع بوسة بي فتحت شعرهة جنة حرير اسود وخلص بي عطرهة يموت اخذت ملابسهة وراحت تسبح اني حضرت لعشة على لميز رتبت كلشي طلعت من لحمام ولجسم ينكط مي ولشعر لازگ بالركبة لابسة برنص لحمام قصير وهي مدبدبة الله اجنن. اني من طبعي مااحب لمره لضعيفة احب لمليانة بس مو اهواي سمينة لا احب هذا لسمن الي يخلي لجسم متوازي وكل مكان مليان بيهة امووووت عليهة جسمهة يموت كلت حبيبتي تعالي تعشي
تمام يروحي
سحبتهة بحضني كعدتهة مااريدهة تفارگني بقيت اسويلهة لفات صغار واوكلهة بس شلعت كلبي فاهية بااكلهة بكل لكمة اطبع بوسة لصراحة اني من طبعي اكش مااحب احد ياكل لا بماعوني ولا يشرب من گلاصي بس اله لا احس كئنما اني الي دا اكل واشرب مو هي اوكلهة بالملعقة مالتي وارجع اكل وراهة ومن هذا ليوم تعودت على الاكل اول لكمة الهة مستحيل اول لكمة من الاكل تكون الية احسهة طفلتي وهي حبهة واحساسهة مو اقل مني خلصنة عشة رادت تلم لسفره مخليتهة كلت روحي بدلي وغسلي اني المهة واسبح واجي بقت تعاندني كلت ممنوع يلة روحي لميت ودخلت اسبح طلعت ريتني ماطالع شفتهة لابسة ملابس وية جسمهة تشك شك اووووف ولصدر طالع ومليان وكئنما شمام كدامي تقربت منهة همست
فكت زيجهة وشفت لنحل ملتم
وضلت بالعيون لنظره تتلعثم
كالتلي شجرالك يبو عيون لسود
كلتلهة لعسل كالتلي ماتلزم
تقربت عليهة وحضنتهة كلت انتي تريدين اتموتيني
كالت ليش يروحي اسم اللة عليك
انتي كلج عسل كدامي ولازم اضوك شلون
ابتسمت ونزلت راسهة رفعت راسهة بيدي كلت مااريد هذا لراس ينزل ابد بس حبيبتي عندي كم شرط اكوله الج قبل كلشي هزت راسة كالت كول كلت من ليوم ممنوع لسبح وحدج ممنوع تنامين من دون حضني ممنوع لتعب الج ممنوع لنوم قبل لفجر وممنوع تصحين قبل لضهر اذا اني نايم ممنوع تكومين من حضني ولباقي كلة مباح الج ابتسمت وكالت تدلل حبيبي كلت حبيبتي لازم تنطيني تصبيره يالة تنامين همست كلي حلالك وحضنتني بعدهة اخذتهة بكل رقة وحنان رحنة لعالمنة لثاني عالم وردي مابي بس اني وهي مجان يهمني دم عذريتة اكو اولا اهم شي اعرفهة شكد شريفة ومحافضة على نفسهة همست كلت صرتي ملكي وملاكي وحلي وحلالي عمري وسنينة لجاية لان لمضت مااريدهة بدونج مو حلوات وهسة وين تردين نسافر لصبح كالت كيفك سحبتهة لحضني ونمنة للصبح كعدت وهي بحضني بقيت صافن عليهة اكول الحمداللة يارب عوضتني بيهة بقيت ابوسهة من كل مكان بوسات خفيفة مااحب اسوي اثار اخاف عليهة تتأذه فزت مزعوجة شافتني ابتسمت وحضنتي كالت صباح الخير حبيبي كلت صباح لورد ولياسمين يلة كومي علمود نطلع للشمال كمنة تحضرنة وتريكنة وطلعنة للشمال وجانت اجمل سبوع بحياتي احس اللة عوضني الايام لتعبت بيهة وضحيت الاهلي ومابين بيهم شي وقررت اضحي لزوجتي بعمري لو رادتة رجعنة للبيت اهلي استقبلونة اهلي وباركولنة وهي لسانهة عسل كلهة تحبهة مرت حياتنة وايامنة تخبل تعلقت بية بشكل كمت من اطلع للشغل تتصل بية وتبجي تكول مشتاقتلك واني اعوف شغلي واجي عليهة اخاف بيهة شي علاقتي وية اهلهة كلش طيبة وية ولد عمهة اما عمهة وابن عمهة لنكسين ابد مشفتهم اختهة صارت اخت الية اما اخوانهة صغار بعدهم امهة اناديهة امي وابوهة يابة اكوله وهي نفس لشي الاهل تكول يمة ويابة اهلي يحبونهة واقاربنة كلهم يحسدوني عليهة كلمن يشوفهة يتمنة مثلهة بيتة بس متخلص حياتنة من لمشاكل دائماً تسمع كلام يغثهة تجي تشكيلي بس تكول اشكيلك كصديق مو اريدك تتعارك وياهم امي كلش تحبهة فتره تقريباً 3 اسنين عشنة وية اهلي بعدهة قررت اطلع بيت وحد اريد زوجتي ترتاح وتتمتع بشبابهة اريدهة تلبس الي يعجبهة وتنام وتكعد بكيفهة احسهة وية اهلي متضايقة بس متحجي مدللتني دلال يبووو تخليني اعشقهة اك#تضحية_رجل_البارت_ثر ابد متنطي مجال لغيرهة يهتم بيه ولا تخلي لنفسهة غلطة علمود اتصير مشكلة بس شغلة وحده والي هي تصدك بااي شخص بسرعة ودموعهة ترخصهن على كلشي واني كلشي ولا دموعهة شفت ابوهم شكد حنين عليهن تمنيت ابوية هيج حنين طلعنة بيت وجهزتة كلة على اختيارهة من طلعنة وحدنة يعني بشكل ارتاحيت موطبيعي عرفتهة شكد مدبره وطبخهة يجنن كام ميعجبني اكل اله من ايدهة جنت اهواي اشياء مااكلهة بس من هي تسويهن اكلهن كل مره يسمعوهة كلام انتي شسويتي بي مغيرتة جان مياكل هيج بس حظج خلا ياكل جان ميقبل احد ياكل وياه وهسة اول لكمة الج جنة من نطلع خطار عبالهم عرسان جدد نازكة وكلشيتهة حلووو بيوم بين عدهة اعراض حمل وجنت طاير من لفرح راح تجي ثمرت حبنة ماخليتهة تشيل اي شي اريدهة بس ترتاح جنت كلشي اني اسوي اغسل لمواعين واطبخ وانضف بعدهة اخذهة للحمام اسبحة وامشط شعرهة ترجع لفراشهة من جنت وية اهلي هماتين اغسل وياهة لمواعين علمود لا تتعب لان عدهة تمزق بديهة واخاف تتمرض بس هي شاطره بكلشي كلشي تحب تتعلم وتسوي تعلمت على خياطة لملابس وطبخهة درجة اولى حلوياتهة تخبل احمد تزوج من شافنة هيج كال سويتولي واهس للزواج كلمن يشوفنة يكول كئنما تراك بحبكم ولمساعده لبعض ومحمد هماتين تزوج وعلي خطب كل يوم ينجموعن يمنة همة ونسوانهم بس احمد ومحمد يكولون من نرجع للبيت اتصير مشكلة بيناتة بسببكم ليش يابة واللة يوسف هيج يسوي لولوه واللة يوسف هيج مداريهة والله هيج يحبهة وكلشي واضح علية ويبين عليهم كلنة ولولوه هماتين تموت علية ومداريتة ومتعانده وووووووو كل يوم هذا حالهم بس احنة مينكتب النة لسعاده ولازم بعد هاي لسنوات لحلوه نبدي بالتضحية بس هلمره لتضحية هوه طفلي الي ماشفنا ولا لمسنا لولوه طرحت وتمرضت بقيت محتار شنو اسوي شكد رادو اوديهة يم اهلهة بس مقبلت كلت من هي زينة اريدهة ومن تتمرض اعوفهة مستحيل اتصير زينة واوديهة الاهلهة فتره مرت يالة كدرنة نتخطة الي صار والحمداللة رجعنة لحياتنة لحلوة بيوم لولوه كالت اهلي حيجون علينة كلت هلا بيهم رحت جبت كل لنواقص للبيت وبدينة نضف ونرتب وهذا طبع لولوه لو لصبح منظفة لبيت وعرفت خطار حيجي لازم لبيت كلة تعزلة تعزيل شامل يومين واجوي اهلهة ابوية يحب ابوهة كلش اهواي من يجون اهل لولوه نبقة بيت اهلي بس للنوم نروح لبيتنة لان اهلي كلش يحبون اهلهة تعشينة وخلصنة ورحنة لبيتنة للسهره ام لولوه روحهة شبابية كعدنة اني وام لولوه فريق ولولوه واختهة فريق بالعب لدومينو احنة من نخسر ام لولوه تصفق وتعيب على بناتهة عبالهة احنة فزنة ومن احنة نفوز تبوز بس متنة ضحك بعدين من عرفت لعكس يصير للفجر صلينة يالة نمنة بقو يمنة 4 ايام بس كل مره تكون من اجمل الايام
