#تضحية_رجل_البارت_9
......
نامت والاطفال نامو اني مكدرت انام من فرحتي بيهم صليت وبقيت ادخن بره للساعة 7 رحت جبتلهم ريوك واتصلت بالولد يزينون الية سياره مثل مال لزفة رجعت للمستشفى بعدهم نايمين رحت يم لولوه بستهة من شفتهة فتحت عيونهة
صباح لخير عشقي
صباح لنور حبيبتي
وين جنت بليل فزيت ملكيتك
جنت بالحديقة ادخن يروحي
منمت حبيبي
لا يكلبي مااكدر انام بالمستشفى اخاف عليكم يلة كومي جبتلج ريوك كومي تريكي
تمام حبيبي بس اروح للمغاسل
تعالي اني اساعدج ساعدتهة نزلت من لچرباية اخذتهة للمغاسل رحت جبتلهة ملابس نضيفات من لجنطة دخلت عليهة غسلتلهة وبدلتلهة طلعت كعدت على لچرباية على فكره لمغاسل داخل لغرفة لان خاص
مشطت شعرهة ولبستهة اقدام كعدت بصفهة اسويلهة لفات صغار صغار وتتريك خلصت ريوك كعدت ام مصطفى هماتين للريوك خلصنة وبدت ام مصطفى تلملم بالاغراض اتصلت بعلي كلت من تجي جيب اهل لولوه وياك ينتضرونك اجتي لدكتورهة. كالت صباح الخير الاميره لنائمة خبلتي لرجال همزين مصار بي شي شنو هذا لحب عيوني
هههه اي دكتوره واللة اخاف عليهة اكثر من روحي
مبين عيوني اللة يحفظكم الحمداللة حالتهة كلش زينة ولعملية زينة بس لازم تتغذين زين وتاخذين هذا لعلاجات تعويض للدم بعد 7 ايام وتفتحين لخيط وانشاللة مابيج غير بس لعافية تكدرون اطلعون هسة
....
وية طلعتنة اجوي اهل لولوه ام مصطفى اخذت سند وام لولوه اخذت وطن اختهة بقت بالشقة ماجاية وية طلعتنة من باب لمستشفى وكفت لسياره الي زينتهة لولوه واحمد جان جايب مزيقة لولوه لضحكة مافاركت شفايفهة واني كلبي يرجف بفرحتهة طلعت جكليت وطشيت عليهة وامهة وام مصطفى يهلهلن ولمستشفى كلهة انجمعت علينة علي يصور بينة جانت اجواء زفة تخبل حتى ولدي يضحكون صعدتهم بالسياره ولمزيقة وصلتنة للبيت نزلنة بالشارع هماتين واهلي وجيرانة كلهم لتمو علينة ولعبو لعب بالشارع وكئنما زفة اباوع لولوه فرحانة كلش اهوي رحت يمهة حضنتهة كلت حبيبتي فرحانة
احلى فرحة واحلى مفاجئة الية مسويهة الي جنت اتمناهة سويتهة الية
همست بعدج مشايف شي بطايتي بستهة من راسهة وحضنتهة بقت بحضني لحد ماخلصت الاجوااء صدنة للشقة اول مدخلنة اختهة طشت جكليت علينة وهاي الي تطگ بالاعياد ميلاد كلة مثل نايلون مقصص 🎉🎉 مثل هاي دخلتهة للغرفة ونزلت جوه نذبح لضحاية جنت اني ماخذ وحده الاهلة وابوهة اخذ لسند وابوية لوطن يعني 3 ضحاية ذبحناهة منعدهة سوينة غده والباقي وزعنا للفقره احس لفرحة ماسايعتني صعدت فوه كلت هستوه نورت لشقة هي تباوع للزينة وفرحانة كالت شوكت سويتهن
مو بس اني سويتهن اختج ساعدتني بيوم جنتي بالغيبوبة اخر يوم كلة رتبتة جنت حاس ترجعيلي والحمداللة ماخاب ضني واللة رجعچ
الية حبيبتي اخذي راحتج اني اروح اسبح واطلع يم لولد واذا تحتاجين شي اتصلي بية طلعت يم لولد كلهم ملتمين كام علي واحمد رادو سند وطن جبتهم الهم احمد اخذ سند وعلي اخذ وطن ومحمد لازم سلة يفترون على لكاعدين لازم يدلعون الاطفال والي يخلي اقل من 25 يرجعوهة الهم ولازم لاثنيناتهم يخلون متنة ضحك لمو لفلوس. باسو لولد وانطوهن للبنات كالو واللة ولدك من هسة بيهم خوش ربح يلة يل شلة تعالو نعد ونفرز للتقاسم واحنة ميتين ضحك كالو يعني انتم لميتو. لفلوس لمو تنطوهن ليوسف ولده
باعو علية كالو لا هذا عار عنده افلوس بس احنة لازم نجمع مصرف النة غير عمام لولد كام عليهم اخو علي لجبير صكطهم اصكط واخذ منهم لفلوس وداهن لولوه وهذولي ماتو قهر واحنة ميتين ضحك عليهم صار لغده وتغدينة اخواتي راحن ولشلة لتعبانة اخذو نسوانهم وراحو بس علي بقة يمنة لان اخت لولوه موجوده هوه يحبهة يموت عليهة بس لبنية مو من هذا لنوع مال حب ومن هاي لسوالف وهوه من اعترفلهة هي رفضت كالت اني مو مال هيج سوالف بعدني ادرس وساعة لقهر مالتة راح خطب بس ممتفاهمين هوه وخطيبتة باوعت علية واحس لقهر مالي كلبة هوه صافن على تحركاتهة خليت ايدي على رجلة كلت تهون يخوي لا تضوج
هز راسة وذب حسره كال سمطت جد جدي كلت ميصير بعد انت خاطب باوعلي كال فسخت لخطبة لان مااكدر اتخيل غير زهور بحضني ابتسمت كلت خليهة علية يجيك لصافي
😳 كول واللة
ههههه واللة
اخخخ بوية واصير مثلكم نتمرتك
هههه اي
وهيج ادللهة مثلك لعار
انچب ولك
وعلي فرحت
دوم انشاللة
لليل كلهة فضت بقينة بس اني واهل لولوه وباجر اختهة لمزوجة تجي كمت وية زهور نضفنة لبيت لان خطية لوحدهة تتعب وغسلنة لمواعين كلت زهور اكدر احجي وياج
اي خوية احجي واللة انت غالي عندي
زهور شنو رايج بعلي
هاااا
اي علي ليش ترفضينة
يوسف اني مارفضتة هوه اني رافضة لعلاقة الي يريد يسويهة وياية اني مااحب هيج شي الي يريدني بيت اهلي موجود وثانياً
هوه خاطب ماكو داعي للكلام
بس هوه مكدر يكمل وية الي خطبهة يكول مااكدر اخلي وحده غير زهور بااسمي
رفعت راسهة واحس السعاده انرسمت بوجهة عرفتهة هي هم تحبة كلت يعني اذا خطبج توافقين علية
سكتت محجت
كلت لسكوت علامة لرضى
ابتسمت كالت الي يكولة ابوية مااخالف كلامة فرحت من ردهة كمت رحت للغرفة مالتة بعد ماخلصنة كلشي وحتى ملابس لولوه غسلتهن زهور كلش نفس طبع لولوه زهور
شفت لولوه ترضع بالاطفال كلت ها مريتي اليوم ملتهي عنج وماشفتج
لا حبيبي عادي اعرفك مشغول
شلونج اليوم
الحمداللة احسن
اكلتي زين
اي حبيبي
بالف عافية اكلج يروحي هذولة ليوين يبقون هيج يرضعون
ههههه سنتين اذا اللة راد
اهااااا 🥴
ههههه ليش
جد جدي راح ينسمط لازم بس اباوع عليهة مااسوي شي بس هذني ملكي ليش همة ياخذوهن
هههه حبيبي تغار من ولدك
اي انتي خاصة بس الية
هههههه مخبل
اي بيج غير
رحت يمهة اغنيلهة
انتي يلچنچ بطة
ويلاد عمچ ورطة
يخوفون چنهم شرطة
واني لفقير لنازك كل عمري مامتعارك
حبيني هلكد هلكد
حبيني ماكل الاحد
وان چان اهلج سؤلوج كوليلهم بس يوسف
هههههه اموت عليك حبيبي
مادامج تحبيني
هل ممكن تبوسيني
هل ممكن تخليني
ارسم سماي عيونج
اقسم قسم ماخونج
هل ممكن اكتب اسمچ
بكلبي واصير نبضچ
اتصيريلي عيني وعيني
مادامج تحبيني
طاير بحبچ طاير
ياحلوه يم ضفاير
وبحالي مدري شصاير
اكتب شعر اتغزل
يم داركم اتعنة
جيران حسو بية
خزروني روحة وجية
واني احلفلهم بالله
ياعمي صفو لنية
مادامج تحبيني
علفركة لا تعوديني
مااريد اضيع اسنيني
مادامج تحبيبني
لاعب هواج بريتج
صيريلي نخلة بيتي
حبيني اكثر واكثر
لعشك احلا منسمر
لوجيت اهزج مشتاك
حفنت لبلح اسگيني
ــــــــــــــــــــــــــــــــــ
رحت عليهة سحبت ايدهة كلت صارلي سنين مامتوسد هذا لحضن جهالج اخذو مني خلتني بحضنهة واحس كل لتعب راح نمت نومة كئنما صار اسنين منايم فزيت اله ساعة 12 لظهر لولوه نايمة هماتين. كمت لكيت ام لولوه مسوية غده ولبيت كلة نضيف وعمي كاعد بالهول رحت غسلت وسويتلي چاي زهور رادت تسويلي مخليتهة سويت ريوك لولوه واخذت لصينيية الهة كعدتهة غسلت وخليتهة تتريك اني متريكت مااشتهي اخذت علاجهة وزهور راحت يمهة بدلت الهة وام لولوه بدلت للاطفال ورتبو لغرفة طلعت لولوه يمنة ابوهة شافهة فتحلهة حضنة راحت بحضنة خلت راسهة وبقو يحچون سوه صبت ام لولوه غده تغدينة وزهور غسلت لمواعين كلت عمي شنو رايك بعلي كال واللة ازلمة ولنعم منة
يعني عمي لو طلب منك زهور تنطيهة اله
كال مانلكة احسن منه بس هوه خاطب
لا عمي فصخ لخطبة مامتوالمين
وحبيت اخذله زهور اريدهة اله
اذا زهور موافقة ماعندي مشكلة بس تكمل دراسة
كال خلي نرجع لبيتنة واللة كريم
رحت يم لولوه وخليتهة تحچي وية زهور واخذت لموافقة منهة ولولوه طايره من لفرح لان اختهة راح اتصير قريبة عليهة للعصر اتصلت بعلي كلتلة االي صار كام يهلهل ويركص احس فرحتة مثل فرحتي من زوجت لولوه كلت الله يجمعكم سوه وهوه كل ساعة يكلي ولك لعار طلع براسك حظ وتعرف تحل مشاكل وتجمع اثنين بالحلال من هسة اكلك حاجز سنيد لبنتي وبقينة نضحك كتلة مااريدك تلفي علية هل يومين لا تحرج لبنية وطفرهة منك كال لا يمعود بس خلي اسجلهة بااسمي اله اسمط جد جده سديت لخط منة وبدو اقاربنة وصديقات لولوه واخواتي يجون ناس وره ناس كلهة تحب لولوه اجوي زلم ونسوان علينة تقريباً 10 ايام ولناس تروح وتجي لولوه فتحت العملية مالتهة وصارت زينة طلعت الاربعين مالتهم واهلهة راحو بقينة بس احنة بالبيت مرت الايام ولدي بدو يكبرون ويتشابهون كلش اهواي بس لفرق سند عنده شامة مثل لولوه بطرف شفتة و وطن عنده غمازه مثل زهور صار عمر ولدي 6 اشهر وبد يكعدون واني ولولوه سوه سوه ابد مااعوفهة تتعب علي راح تقدم على زهور وخطبهة وسوو حفلة تخبل وعلي لكاع ماسايعتة من لفرح كال شهر وازف مااتأخر وبعدهة بشهر ازوجو وزواجهم جان يخبل اني ولدي نفس لاستايل لبسنة ومريتي جانت اميره يمنة خلصت لزفة بعدهة 3 اشهر اخذت لولوه ولدي وطلعنة سفره للشمال وتونسنة كلش اهواي رجعنة للبيت لولوه كالت اريد اروح للدكتوره اخلي منع دائمي اني ضجت مااريدهة تمنع وبنفس لوقت مااريد تنعاد لمئاسي كلت كيفج حبيبتي اخذتهة ثاني يوم وراح للدكتوره الحمداللة سوت منع وطلعنة صار يوم ميلاد ولدي سويتلهم حفلة تخبل بس مو بالبيت لا اكو قاعات مال عيد ميلاد مو كبار اهواي عزمت كل اقاربي واقارب لولوه وصارت حفلتهم اتجنن ولولوه لبست بدله تخبل وتاج اميره صارت ولدي واني قوط لبسنة كلنة نفس لشي حفلتنة تجنن صارت خلصت لحفلة ورجعنة للبيت مرت الايام واحنة اسعد عائلة من طلعت من بيت اهلي لولوه احسهة ارتاحت ومتنقهر على كلشي ولودي صارو غلات امهم عندي بس لولوه تغار متريدني احبهم اكثر منهة تكول اني انانية اريد حبك بس الية كبرو ولدي ولساناتهم اطول منهم مثل لشلة لتعبانة مالتنة بيوم راجع للبيت اول مافتحت لباب مال لشقة ركضو علية وهمة برنص لحمام
سند... هلوووو باباتي اللة يثاعدك
يساعد حيلك سندي
وطن.... لدوه بابة
يكوي حيلك وطني
وطن.... لا اني وطن مامة انت رجال
ليش بوية لرجال مايريدله وطن
وطن... ها ماادلي
سند.... بابة سبحينة
نعيماً يروحي
وطن.... بابة هاك ماي باااااارد
هههه فدوه الكم
بيلسان..... الله يساعدك يروحي
حبيبتي ويساعدج يكلبي بستهة من طرف شفتهة
سند وطن... 🙈 لا تتمرتكون عيب
هههههه منو معلمكم هاي لكلمة
عموووو علي لعار
بيلسان..... بخزره عيب هاي لالفاض زعلت منكم
طفرو عليهة اثنينهم لا ماميتنة لا تزعلين احنة نتشاقة وياج احنة نحبج بعد منحچي هيج زغيرونتي
بيلسان..... شنو
سند.... بغمزه صغيروني
وطن.... اي بطايتي
يبوسون بيهة واني ميت ضحك عليهة وهي تريد تبچي رحت خليتهة بحضني وطردتهم كلت يله روحو زعلتو الاميره مالتنة بقيت ابوس بيهة وهمة يضحكون كالو ها ماميتي رضيتي لان يوسفج باثچ
بيلسان.... ولكم ادبسزية لساناتكم زفره منين متعلمين
سند.... علي يعلمنة
يوسف.... عوفيهم حبيبتي يلة باباتي روحو بدلو علمود نتغده سوه
راحو بدلو ملابسهم واني دخلت سبحت وطلعت لكيتهم وية امهم كل واحد يجيب فدشي للغده كعدنة نتغده كعدو يم امهم اباوع عليهة متاكل لكمة لسند ولثانية لوطن شبعو باسو ايدهة كالو عاشت ايدج عثولة باسوهة راحو غسلو وكعدو يباعون للتلفزيون لان موبايل ممنوع متنطيهم بيلسان تكول موزين عليهم سحبتهة لحضني كلت تعالي اغديج بنيتي ضحكت وغديتهة خلصنة لمينة لمواعين اني سويت شاي لحد ماهي غسلت لمواعين بعدهة رحنة لفراشنة تمددنة لولد نامو واني مكدرت انام بس متمدد كلت
حبيبتي شبيج مو على بعضج
اخخخخ ولدك متعبيني واللة
ههههه شبيهم
لا تضحك واللة ماالحك حتى اسبح كلشي يردونة سوه وهسة مديل جديد عدهم يردون اخت
اي واللة ياريت نجدد بعد اميره ثانية تجينة
باعتلي بنضره قهر ممنوع اله بعد سنة ضحكت وعضعضتهة من وجهة خلص ليوم واجة يوم زواج زهور وعلي طاير من لفرح سوينالة زفة لكل تتمناهة خلص عرسهم ولولوه فرحانة مخليتهة تتعب بيهم رجعنة للبيت بدلنة وارتاحينة رحت جبتلهم عشة تعشينة ونمنة لثاني يوم كعدت لولوه تشتكي من ظهرهة للعصر اخذتهة للدكتوره لازم تفتح لمنع لان يأثر على ظهرهة فتحت لمنع ورجعنة للبيت نفس روتين كل يوم بس حبهة بكلبي يزيد مينقص امووووووت عليهة لثاني يوم كلت حبيبتي اخذ سند وياية للشغل وخلي وطن يمج لا تسوين اي شي كومتة تريكت وانطيتهة علاج وصيت وطن ميسوي وكاحة يدير باله على امه وغده اني اجيب من بره بقيت اسبوع كامل على هذا لروتين يوم اخذ سند ويوم اخذ وطن بعدهة صارت زينة كلش اخاف من تتمرض اني ولا هي الحمداللة صارت زينة ورجع بيتنة نور بيهة بيوم اتصلت عليهم كلت.تحضرو نطلع للمطعم نتغده جان لجو حلو لا حار ولا بارد رجعت لكيتهم مخلصين اني هماتين سبحت وبدلت وطلعنة رحنة تغدينة وبعدهة للحديقة رحنة بقينة كاعدين ولولد يلعبون ومتونسين كلش اهواي اشوية اجه علينة سند وبيده ابنية تخبل مدبدبة وبيضة لعيون زرگ اية من لجمال اجة يضحك كال مامة شوفي هاي اسمهة عسل صديقتي ضحكنة علية كلت ابنج خوش يصيد
سند..... بغمزه كال تربيتك حبيبي
متنة ضحك رجع اجة وطن هماتين لازم بنية تشبه الي جابهة سند بيلسان دكت على صدرهة كالت عزه لعزاكم فضحتوني ولكم
وطن.... اعصابك ياحلو هاي صديقتي شهد
شهد وعسل توئم بس يخبلن اخذهم يوسف يعتذر من اهلهم طلع لولد صديق يوسف كعدنة سوه وتعرفنة عليهم ولبنات. لازكات لسند وطن يبو شكو سالفة مابيهة خير علي معلمهم عليهة رجعنة للبيت وهمة واحد يكول للثاني صديقتي احلى اجوي يم بيلسان كل واحد نايم بطرف بحضنهة باوعتلهم كلت ولد لسطل كومو هاي عسولتي اني
ثنينهم.... هاي شبيك بابة تغار
اي اغار منكم سنتين حرمتوني منهة انتم اخذتوهن وهسة اخذتو حضني باوعتلي كالت محد ياخذني منك يروحي بس لموت عافتهم واجتي كعدت بحضني لميتهة بحضني خلت خشمهة بركبتي وتتحارش بية كلت كد لحرشة انتي سند وطن بسرعة هجمو علينة يوخرون بيهة يردون بحضنهة وهي متقبل تريد حضني كومتهم رحنة للچرباية سند نام على صدري وطن على يدي ليمنة ولولوه على ليسره نمنة للصبح احس بسعاده وية عائلتي
