#تضحية_رجل_البارت_1
....
...
السلام عليكم اسمي يوسف من مواليد 1992
من احد محافضات العراق الحبيب اني اصغر واحد بالعائلة عندي 7 اخوات و2 اخوان وامي وابوية كلنة عايشين سوه شكلي عادي بس عصبي
تبداء قصتي بسنة 2007
ـــــــــــــــــــــــــــــــــــــــــ
بهاي لسنة اني جنت صف رابع اعدادي عمري 16 سنة اجانة اتصال عمي انقتل اشلون وليش محد يعرف كلنة طلعنة رحنة لبيت عمي مقتول بطريقة غامضة واكو واحد اعترف كال اني قتلتة اخذو لشرطة وانتم تعرفون بعد الاجرائات بهذا اليوم عمامي وابوية واحد عاند الثاني ناس تكول نسوي فاتحة وناس تكول ناخذ ثارنة يالة نسوي لفاتحة بقت كل واحد زوجتة اتزن براسة من عمامي علبو انتم مو زلم واخوكم دمة راح ومن هاي لسوالف واحنة نعرف كلش زين منو هيج سوه راحت ايام واجتي ايام طلعة سالفة براس ابوية اله اخذ
ثار اخوية يمعود اكعد عدل بدل ماكو قافل اله اخذ ثار اخوية فبيوم كلنة طلعنة من لبيت وابوية واخوية لجبير وعمي وابن عمي لجبير طلعو اخذو اسلاحهم وراحو للي كتلو عمي لمهم لنص لطريق وشافو واحد من زلمهم هجمو علية وبقو يرمون عليه 9 اطلاقات ضربو سبحان الله مامات وية ما ضربو اجتي لشرطة بس ما لزمتهم شردو اخذ لرجال للمستشفى اعترف على ابوية وعمي ياللة مات
اهنا صارت لطامة لكبر اخوية لجبير بسرعة سافر واخوية لوسطاني هلكد ميختلط بالناس ومنا بدت رحلتي وتعبي وتضحيتي ضحيت بدراستي ومراهقتي الي كل شاب عاش بيهة اله اني لمهم ابوية بقة من مكان لمكان يشرد عمي وابنة اختفه بقينة احنة بالواجهة اخوية لوسطاني راح لحكد اخوية لجبير بقيت اني بدوامة والله للكافر تكول خطية مااتمناهة لعدوي الي جنت امر بي بقيت عين على امي واخواتي وعين الابوية واخواني وحتى نفسي نسيتهة وكل هذا عمري 16 سنة لازم اتحمل كل لمسؤولية بقت امي واخواتي بالبيت واني اطلع من لصبح للشغل اجيبلهم مسواك ارجع لعصر اروح لشيخ لعشيره علمود نحل لقضية راحت ايام واجت ايام وابوية ماسلم نفسة اني صرت مطلوب للدوله بدون مااسوي اي شي اشتكو علية بقيت بس بليل اتواجد بالبيت لخاطر امي واخواتي بيوم اجيت لضهر حاره تكتل حر اجيت اشوف امي كلبي طك عليهة وية دخلتي للبيت بعدني ماشارب ماي مااشوف اله لشرطة مطوقة لمنطقة وطفرت على بيتنة اني بسرعة طفرت من لسطح على جيرانة دكيت باب لسطح خطية چنتهم خافت كلت لا تخافين اني يوسف ابن جيرانكم بس ابقة يمكم لحد متروح لشرطة خطية مكالت لا دخلتني للبيت وسدت لباب علية لشرطة داخلين على امي واخواتي وحدهن بالبيت احس لغصة بالعومي صارت لا تطلع ولا ترجع فكره تودي وفكره تجيبني
ام يوسف..... دخلت لشرطة علينة واني شسوي وين اضم بناتي اخاف عليهن من ولد لحرام داسو بيتي حتى بالكنتور فتشو بس مالكو شي مااعرف منو مخبرهم يوسف بالبيت بهذيج لساعة مااعرف شصار بية على ابني تخبلت بس ردت اعرف اخباره اخذت عباتي بعد ما لشرطة طلعت وطلعت على عمامهم بالارياف عايشين سالت عليه كالو ماجاي بقيت الطم واصرخ اكيد اخذو لشرطة
يوسف.....
اجتي چنت جيرانة كالت لشرطة راحت من لمنطقة اذا تريد تطلع اطلع واللة ماكلت لا طلعت رحت على كرايبنة قريبين علينة لليل يالة رحت على قرية بيت عمامي لان احنة عايشين بالمدينة وصلت لعمامي كالولي وين جنت امك اجتي وكلبهة محروك عليك قبل ساعة رجعت للبيت اني كلشي. ولا امي بنص ليل رجعت لبيتنة وكلهة تصيح من وراية بس اني اريد امي اريدهة تطمئن علية رجعت للبيت ولكيتهة كاعده بنص لحوش وتبجي علية دكيت لباب على كيف علمود لا يخافون كلت يمة هاي اني يوسف افتحي لباب هي فتحت لباب ونامت بحضني تصرخ وتبجي يجوز انتم تشوفونهة شي عادي بس والله بهذا اليوم تصعب على لكافر حالتنة اني من بيت لبيت وامي واخواتي مينامن ليل كلة لمهم بقيت حاضن امي لصدري لحد ماارتاحت واطمئنت اني بخير شفتهة ورجعت للقرية يم عمامي بس كل هذا بسبب عمي صار دفع ابوية للغلط وهوه انسحب بقينة بنص لنار اني واهلي ابوية اعناد بشكل عجيب يسمع من لناس بس من اهل بيتة مايسمع بقينة فتره على هاي لحال احس نفسيتي كلش تعبت اهموم لدنية على راسي كلشي شفنة جوع اهانة مذلة كلشي يخطر على لبال بيوم ابوية دزلنة خبر راح اسلم نفسي احنة اهنا تخبلنة كل هذا لتعب ولركض وصارلك اشهر وهسة تريد.تخرب كلشي علينة بقينة. نتصايح واصواتنة علت بس منو ياخذ حجي بعد يومين سمعنة ابوية سلم نفسة منو مقشمره عمي كايلة سلم نفسك واني اطلعك بس بشرط انت اتشيل لتهمة كلهة وهوه مو ابوية الي كتل ابوية جان بس يسوق راح ابوية بحجي اخوه وعافنة كلنة وراه 10 اطفال وزوجة صح بعض من اخواتي متزوجات بس احنة لولد بعدنة صغار مشايفين من حياتنة شي اخواني الاثنين لكبار بقو مسافرين اله اني من هذا لوكت شلت مسؤولية اكبر من عمري ابوية بعد مسلم نفسة كعدنة وفصلنة فصل عشاير انطينة افلوس وتعاهد للطرفين محد يندك بالثاني وهمة يسحبون لشكوه من ولد لعمام ويبقة بس ابوية بالسجن كلشي ماحصلنة من عمي لا دفع ويانة فصل ولا شي كلة وكع براسي اني سقطو لشكوه علية وعلى اخواني صراحة فرحت كلت يرجعون علمود ارتاح من لمسؤولية بس صار لعكس شافو حياتهم اهناك وكل لمشاكل على راسي تعبت حيل تعبت نحكم ابوية اعدام راح للتميز ورجع انحكم مئبد 20 سنة انسجن بسجن بادوش بالموصل بقينة كل فتره اخذ امي ونروح علية بس ابوية كل يوم مخابرنة يريد رصيد كل يوم يخابر يكول بيعو لبيت وطلعوني من لسجن وكل ميكول شي نكلة من ايدك رحت وره كلام اخوك اجة عمي علينة كال اريد 40 ورقة لان دفعتهن للمحامي علمود ابوكم واحنة بدون تفكير دفعنالة 40 ورقة بعنة لسياره ونطينالة لفلوس ابد مكال خطية اخذهن وراح بقيت اني اشتغل واخواني مناك يدزون النة بس ميكفي امي واخواتي كامن يشتغلن باليف ولخياط ولتطريز اشوية ياله صرنة احسن ابن عمي خلولة لاسقة بسيارتة وفجروهة لحد هسة محد يعرف لسبب بس اني متاكد نفسهم الي كتلو عمي مرت سنة كامل اشوية ارتاحينة من لمشاكل رجع بيوم عمي علينة يريد اختي لابنة بس احنة نعرف جوه راسة لعبة لمهم احنة ماقبلنة وابوية جان رافض بس عمي ابو لمصايب اشلون يعديهة سلامات راح على ابوية بالسجن وقنعة لثاني يوم ابوية دك علينة وكال لجمعة يجون ياخذون اختك واني تخبلت بقدنة نجادل مليت من لمشاكل كلت ماعلية بس اعرف اخوك تخلص مصلحتة ويطلكهة محد اقتنع بكلامي انطينة اختي سنة همة زينين بقة عمي يدور فلوس منة ويتحجج من شاف كلشي ماكو بدو يسوون مشاكل وية اختي واختي اعناد اكثر من ابوية اجتي زعلانة مره مرتين واحنة نرجعهة عيب ولد عم ومن هذا لحجي اخر شي جابوهة يمنة وبقت زعلانة سنتين وبالسنة لثالثة طلكهة ابن عمي وهنا كلهة سكتت لان عرفو كلامي صح احنة وعمي صار خراب بيناتنة ومشاكل كلش اهواي صارت تبرينة من بعض اخوية لجبير رجع من لسفر وقرر يتزوج حده شايفهة اهناك وقفل لوهي لو ماكو لمهم اتزوجهة وطلع بمشتمل بس والله الي اخذهة لا خلقة ولا اخلاق والحمداللة اخواتي اتزوجن بقن بس 3 ممزوجات و1 مطلقة اني تخرجت من لسادس وطلع اسمي معهد تكنلوجيا بغداد اخوية لوسطاني طلع اسمة بتكريت اداره واقتصاد تقريباً وضعنة استقر وتعودنة على لعيشة حالتنة صارت احسن بسنة 2013 على بداية 2014 رحت ادرس بغداد اجرنة شقة ماسكنة بالقسم لداخلي بغداد حلو كلش اهواي بيهة لزين وبيهة لشين لصراحة كلش تونست بهاي لفتره طورت من نفسي شفت ناس عوضت ايام لتعب ولمشاكل بس بقيت احن. الامي اهواي احنة من طائفة لسنة كاعدين ندرس كلنة بالشقة اجانة تهديد لازم نعوف لمكان من جهة مجهولهة ليش لان احنة غربة عن لمحافضة وانتم افتهموهة يردون يسوون طائفية عندي اصدقائي بغداد كالو معليك بيهم وتعال يمنة ادرس شفتهة ثكيلة لان اخوية لچبير سكن بغداد بعد سنة من زواجة هوه مكالي تعال يمي خلص هاي لسنة وهي بس شهر وتخلص لسنة اتصل بية اخوية كال يوسف عوف لدوام وارجع مازال هددوكم وامي سمعت تخبلت لازم ترجع كالت جانت الاوضاع مو زينة بداية داع،،،، ش وهذا ثاني حلم راح نزلت دمعتي بعد شنو راح تضحي بي يايوسف اول تضحية لمواهقة وثاني تضحية لدراسة اخذت غراضي وطلعت للكراج ردت اصعد بالسياره سألني لسايق انت سني لو شيعي اهنا تفاجأه من سؤالة كلت كلنة اسلام كال اخوية مو قصدي شي بس يكولون داع،،،ش تنصب سيطرات وهمية وتاخذ اخوانة لسنة الي جاية من بغداد وتاخذ الشيعة الي راجعة لبغداد كلت اخوية اذا نزلوني انت عوفني وروح لا تباوع وراك كال ماشي اهنا حز بكلبي صوت امي حنيت لصوتهة اخذت تليفوني واتصلت بيهة حچيت وياهة بس ماحسستهة بشي شبعت من صوتهة ياله سديتة وصلنة نص لطريق لسايق كال اتشاهدو وصلنة لمنطقة مهجوره اتشاهدنة دكت علية امي فتحت خط وهي تصرخ مااعرف من كايللهة اني بخطر ولو اعيش لو داعش تذبحني كلت يمة يروحي انت حبيبتي والله كلشي ماكو الي اللة كاتبة يصير لا تضوجين نفسج
ولك يمة لا تحرك كلبي عليك شجابك يبن بطني
يمة اشتاقيتلج وماكدرت ابقة للصبح
ولك يمة راح تموتني انت
لا يمة اسم اللة عليج شايفتلج عار يموت
ولك انت زينت لشباب اموتك لو تكول على نفسك عار انت حبيبي
ها يمة معوزة حنان شني
اخ من سوالفك متجوز منهن
هههه اموت عليج
دير بالك على نفسك يبعد امك
انشاللة يمة
سديتة منهة وبقينة لطريق كلة هدوء وماكو سيارات وصار 7 ساعات من طالعين من بغداد حتى لرايح للبصره هم وصل واحنة بعدنة. لسايق يمشي على ضوه لقمر ممشغل لايت لسياره هستونة عبرنة منطقة نباوع ورانة داعش نصدت سيطره وهمية كلنة گلنة سترك يارب الحمداللة عبرنة بالسلامة كلهة كامت تتصل بمعارفة ويخبروهم بهذا لمكان داعش موجود الحمداللة بعد معانات طويلة وصلت للبيت هستوني دخلت للفرع مالتة وجان اشوف امي ونسوان لمنطقة كاعدات بابنة وتنتضرني بره شافتني واجتي تناشغ علية اخذتهة بحضني وبقت تصرخ بكل صوتهة وتتفحصني خاف صايرلي شي سلمت على نسوان لمنطقة الي موجودات يمنة ودخلت للبيت اخواتي سلمت عليهن دخلت سبحت تعشينة ونمت ولثاني يوم كعدت مكسر تكسر طلعت وبدت مسيره لشغل مالتي كلشي شتغلت دراسة وماكو ولحب شايلة من قاموس حياتي ولزواج عداوه اني وياهة بس اني بية طبع مو حلو انو مااحب شخص يشرب بكلاصي ولا ياكل من ماعوني ولا ملعقتي كلشي الية خاص واذا احد منشف بالمنشفة مالتي مستحيل انشف بيهة ولازم بكل وجبة تمن اكو بالاكل اذا ماكو يعني مااكل
صح جنت بصغري مدلل بس بهاي لسنين طلع لدلال من خشمي صارت حياتي عباره عن شغل داعش من احتلت لموصل كسرت لسجون وطلعو كل لمساجين ومن ضمنهم ابوية هم طلع وجانت يافرحة لماتنوصف
بس بقينة مو صلح وية عمي كطعنة لعلاقة ونكطعت لمشاكل وياهة وهاي كلنهة من سنة 2007 الى سنة 2014 كلشي شفت بهاي لسنوات لراحت جوع ظلم مذلة مشاكل كلشي يخطر بالكم ضحيت بمرااهقتي وحلم دراستي ضاعت بس بهاي لسنوات شفت وتعلمت احس هاي لسنوات بسرعة خلتني اوعة على لدنية وبديت اعرف لصح من لغلط اهواي تعلمت منهة شكد ما كسرتني لدنية بس اللة سبحانة وتعالى وياية واكف وهسة صار عمري 22 سنة احس كلشي ماشفت غير لمشاكل لهذا قررت لا زواج ولا حب بيوم جانت اكو فاتحة يم اقاربنة رحنة اني وامي بقينة نفتر وية لولد دزوني للبيت يم لنسوان اشوفهن شكم مره موجوده وشنو محتاجين دخلت للمطبخ صحت
سامية سامية
ها خوية.
بعد اخوج شوفي شكم مره عدكم للغده وتحضرن بالمطبخ لا تخلن غريبة يمجن
تدلل بعد عمري ماكو غريب انشاللة
يلة بعد اخوج
دااريد اطلع وجان وحده توكف باب لمطبخ
كلت بدون زحمة خوية اريد اطلع
ها
بكلبي وجعا.. انتي متفتهمين وخري اريد اطلع
انت منو
ليش يمة اطلعيلي جنسية
ها لا بس احسك مو غريب
اها بدت لعطلات
اوووي هاي شبيك
وجعوي وخري من طريقي لثكل حلو للبنية بوية
بوية شنو هاز كاروكي
لا واللة ميشرفني اهز كاروك وحده مثلج
اسمي هيام
ههه عذراً بس اني مو لسلطان سليمان.اخاف عبالج ه، ني لبلمطبخ حريمي رفعت ادية اثنينهة كلت لا بوية انتي غلطانة اني ولنسوان مثل لشيطان ولملايكة
ههههه شنو قصدك احنة ملايكة
احم لا عيوني حشى لملايكة منج انت لشيطان ياخذ منج ادروس خصوصية
هههه دمك خفيف
اهووواي شارب مي وصار خفيف
مكتلي شنو اسمك
اسمي قندره بحلكج وحلك امج لماعرفت تربيج دفعتهة وطلعت شافوني شلتي لتعبانة هههه رحت اغسل كالو
محمد..... ها حبي خلفت بعدك
بعصبية انعل ابوك يابو ابوهة طخيتهة اريد اغسل منهة بانزين هنوبة اخلف منهة
احمد..... اعصابك حبي
دنعل ابوك لابو حبك وياك
علي..... يارب توكع بالحب على وجهك وايديك بجيب بنطرونك
لكل. ههههه دعوت ارمله وعدهة 10 جهال
صراحة اضوج من هيج بناات احب لبنية لثكيلة اموت على ربهة هيج بنية بس الي تشمر نفسهة على لولد تلعب نفسي منهة صبو غده ولشلة مالتي تعرف مااحب احد يشاركني بااكلي
صاحوني يمهم كلت شعجب مو عوايدكم يلعارات واحد باوع على لثاني وضحكو عرفت اكو براسهم شي. لان كل مره ميخلوني اكل بس هل مره اني صرت الوت منهم قبل لكل يم لطباخ خليت الية وتغديت رحت كعدت بنصهم
كلت اي واللة خوش كعده اعرف محمد يكره لشعر بالاكل جانو جايبيلي نلعقة ونطوهة الية باوعتلهم صفح من كل عقلكم اكل بيهة
لكل.... ها ليش
هيج عاجبني اليوم اكل ب ايدي
لكل... هااااا
وجع شبيكم
محمد..... حبيبي اني مرتك ليش مدلعني بالكل
تدللين حبيدتي وداعت هاي شواربج لجنهن مكناسة باب لحاره ليوم اخبلج من لدلع سويتلة لكمة بيدي وبحركة سريعة خليت لشعراية
فتحي بوزج يابعد كل هلي
محمد...... بعد روحي فتحت حكلي من يوسف خله لاكل بحلكي تفاجأة برد فعلة رجع ياكل عادي هستوني بديت واحس شي بحلكي وية الاكل لناس كاعده لا اكدر اذبهة ولا ابلعهة واعرف شعراية اكو طفرت للمغسلة وكلشي بمعدتي ذبيتة
يوسف..... ههههه رقم واحد
احمد وعلي..... شبيك محمد
يوسف..... خطية حامل مريتي ونفسهة تلعب يجوز من لحم
لكل.... هههههه متبطل اسوالفك
حبيبي حمودي تعالي اني اوكلك علمود تشبع
ها
وجع شبيك
لا مابية شي بس انت شبيك اليوم
ابن لنعال فوك ما ادللكم
دلل يابة براحتك
سويتلة لكمة وخليت بيهة شحم وهذا يتخبل من لشحم وهم نفس لشي طفر ورى محمد
بقة بس علي وهذا لعار كلشي ياكل ماعندة شي لا بقية ياكل ويكول رحمه واللة والديك خليتهم يكومون
ضحكت عليهم وكمت شربت جاي وطبعن مخلصت من الي اسمهة هيام ابد رحنة ورى لبيت نغسل بالجدوره ولبنات ويانة ملتهين بالشغل.
علي.... يوسف
وجع شتريد
اكلك ذيج منيه
منو
شبيك هذيج لتباوعلك
اها
اي
هاي الي رادت تختصبني باب لمطبخ
لكل..... ههههههه تعال نفحصك اخاف حامل
وجع يلة كلمن لشغلة
اجتي يمي الي اسمهة هيام
هلوووو
هلا
اشلونك
من اللة زين خير شعندج
ماعندي شي بس اريد اعرف اسمك
نط علي من مكانة كال اسمة يو... بعدهة ممكمل بعكس ايدي وبطنة كلت انت لصم لا تتدخل
هيام اوووي تبين معقد
اووووي مااحب لخفيفات عمة
محمد.... هههه عمة تعالي اني اكلج شنو اسمي عوفي هذا عنده عقده من لبنات
احمد.... ولي لك اني اموت على خفيفة تعالي يمي
علي..... انتم بس شوفوهة جنهة صاروووووخ
هي لتفتت علينة من كال صاروخ باعت لعلي ابتسمت كمل علي كال مزنجر
لكل هههه....
ـــــــــــــــــــــــــ
