Day-2
"ဒေါက် ဒေါက် BecBec.....Beccaaa"
Freenတံခါးကိုအဆက်မပြတ်ခေါက်နေသည်။သိပ်မကြာခင်မှာပဲ...
"အိုး ဟန်နီရောက်ပြီလား"
သူခေါ်သလိုဟန်နီလို့ခေါ်ပြီး မျက်လုံးတစ်ဖက်ကိုမှိတ်ပြကာတံခါးလာဖွင့်သောBecky။ခေါင်းလျှော်ထားဟန်ပါပဲ ရှန်ပူနံသင်းနေတဲ့ရေစိုဆံပင်ကို
အ၀တ်နဲ့ပတ်ထားသည်။
လက်ထဲက လီလီပန်းစည်းကိုBeckyထံပေးလိုက်ရင်း...
"၀င်လို့ရမလား"
မနေ့က အခန်းပေါက်ထိပဲပို့ခဲ့တာမို့ Freenခွင့်တောင်းခြင်းပါ။
"ဘာလဲ မ၀င်ပဲ ကျွန်မအလှပြင်ပြီးတဲ့အထိ ရှင်ကအခန်းရှေ့ထိုင်စောင့်မလို့လား။လာပါ။"
ပြောပြောဆိုဆို အခန်းထဲဆွဲသွင်းလိုက်သော Becky။
"ရှင် ဒီနေ့လဲမိုက်တာပဲ Freen"
ကုတ်အရှည်၀တ်ထားသော Freenကိုခြေဆုံးခေါင်းဆုံးကြည့်ကာ Beckyပြောလိုက်သည်။တကယ်ကြီး ဒီမိန်းမကနေ့တိုင်းအမိုက်စားပဲဆိုပြီးလဲ တပြိုင်နက်ထဲတွေးမိသွားသည်။
အနည်းငယ်ရဲသွားသောပါးနှစ်ဖက်။နေအုန်း အခုFreenရှက်သွားတာလား ။မနေ့ကတစ်နေကုန် Flirtထားတဲ့Freenကလေ။Becky အသည်းယားသွားရပြန်သည်။တကယ်ပဲVersionဘယ်နှစ်မျိုးတောင် ရှိနေတာလဲ...
"Beccaလဲ လှတာပဲကို"
"အပိုတွေကျွန်မကဖြင့် ဘာမှမပြင်ဆင်ရသေးပဲ"
"ဒီတိုင်းကိုလှတာ။အတည်ကြီး အခုတောင် မော်ဒယ်ထိုင်ခိုင်းပြီး ပုံဆွဲချင်လာရတဲ့အထိ"
"အို မရပါဘူးနော် ကျွန်မဒီနေ့ ပြတိုက်သွားမှာ"
"သိတယ်လေ။အဲ့က အပြန်ကိုယ်တွေနဲ့ ပြဇာတ်ကြည့်ကြမလား။လက်မှတ်၀ယ်ထားတယ်။ပြီးတော့ ညနေစာကိုလဲ ပြင်ဆင်ထားသေးတယ်။ဒါကBeccaကိုပြောပြတာပါ အဆင်ပြေမှပါ"
အဆင်ပြေမှပါပြောပေမဲ့ အကုန်စီစဉ်ပြီးပြီဆိုသောသူ။ဒီကဘယ်လိုငြင်းရမလဲ။ပြီးတော့ အလုပ်က client နဲ့တွေ့ဖို့ရက်ကလည်းမနက်ဖြန်မှ။မှတ်စုစာအုပ်ထဲမှ အစီစဉ်များ ကဗြောင်းကပြန်ဖြစ်လဲ Beckyကျေနပ်နေသည်။
YOU ARE READING
My Sarocha
Short Storyလုပ်ယူဖန်တီးထားတဲ့တွေ့ဆုံမှုတွေထက် သဘာ၀ဆန်ဆန်တွေ့ဆုံခြင်းတွေကိုပဲ သဘောကျတယ်.........
