عفريت الباشا

البارت السادس عشر

اللهم صلي علي سيدنا ومولانا محمد عليه افضل الصلاه والسلام

_______

البارت الخامس عشر

كانت تنظر لهم بابتسامه بلهاء

فرح بابتسامه/ اهلا يا طنط اكيد حضرتك مامت مريم وشادي انا زملتهم في الجامعه ودي بنت عمي سهيله احم انا اسفه اني جيت من غير معاد انا بس كنت عايزه شادي في موضوع

صفاء بخبث / شادي امم لا يا حببتي انتي منوره اتفضلوا اتفضلوا

لتدخلهم صفاء المنزل ومعاها كل من سهيله فرح

صفاء بفرحه / شادي في بنتين شبه الممثلات عايزينك

شادي وهو ينظر بصدمه لفرح وخجل فقد رأته وهو مربوط / احم فرح انتي ايه الي جابك دلوقتي قصدي ايه الي يووووه

فرح بضحك/ وعملي فيها فندام وفي الاخر القيك مربوط الربطه السوده دي

عمر بخبث / بسم الله ماشاء الله ايه الجمال داااا اكيد ماما نحله عشان تخلف العسل دا كله

ستونه بغضب / اتحشم يا واد انت تعالي يا بنيه اقعدي في ريحي

فرح بغباء / يعني اقعد في ريحها اقعد في ريحها ازاي يعني

شادي بتوضيح / قصدها تقعدي جنبها

لتذهب فرح وتجلس جنابها وسهيله التي جلست بخجل شديد وعيون ابوحنفي لا تتركها

مريم / منوره يا بنات مكنتش حابه تشوفوني في موقف زي دا

سهيله بضحك / صحيح انتوا ايه الي رابطكم كده

شادي بغضب / اسألي بنت عمك ما انا اتخانقت بسببها

فرح بغضب / نعم يا خويا هو انا كنت ضربتك علي ايدك عشان تدافع عني وتضرب العيال يعني انا كنت هتصرف

ستونه بفخر وفرح / هو ضرب العيال في الجامعه يا بتي

فرح / ايوه يا تيتا كان فيه عيال بتعاكسني بس هو قام بالواجب وبزيادة بس انا كنت هقدر اتصرف وحدي

ستونه بفخر / كلام ايه عاد ده هي الرجاله خلصت لما تتصرفي انتي راجل ياض يا شادي اما اقوم افكك عشان طلعت راجل

ليضحك الجميع بشده

شادي بغضب / طلعت راجل يا ستي ايه الي بتقول دا هو انتي كنتي فكراني دكر بط

ستونه وهي تفكهم/ لا وانت الصادق كنت فكراك بطايه يعني من شباب اليومين دول ايشي تيك توك واشي فيس بوك والعبه الخربانه دي الي اسمها بنجي

عمر / قصدك ببجي

ستونه/ ايوه هي المخروبه دي

مريم بهمس لعمر / تخيل لو عرفت ان امك بتلعب ببجي

عمر بضحك / هتهزق امك

سهيله بخجل / احنا كنا جاين عشان نشكر شادي عشان الي عمله مع فرح وكده وكمان احنا خفنا تحصلك مشكله مع والدك