هذا الاقتباس هديه منتصف اليل ليكم يا حبايبي
اهو بسليكم عشان محدش يزهق
_________
الشيخ بجديه / ها يا بنتي موافقه
العروسه بتفكير / اممم احتمال
الشيخ بستغراب / احتمال يعني موافقه ولا مش موافقه
العروسه بحيره / مش عارفه يا عمو الشيخ هو ساعات بيتعصب عليا
الشيخ بغضب / يابنتي انا شيخ مش مصلح اجتماعي وعايزه اعرف موافقه ولا لاء عشان نكتب الكتاب
العروسه / شوف هو انا بحبه
الشيخ بملل / تمام
العروسه بحيره / بس بحسو مش قد المسؤليه
الشيخ بزهق / خلاص يا بنتي لو انتي متردده اجلي الجواز شويه
العروسه بغضب/ نعمممم عشان تيجي وحده تانيه تخطفوا مني
الشيخ بتعب / يعني موافقه
العروسه بتفكير / اممممم
الشيخ بغضب / يابنتي خلصيني عندي كتب كتابين تاني وتلات طلاقات عايز الحقهم ......لا حول ولا قوة الا بالله
العروسه بحزن/ حتي انت كمان يا عمو الشيخ بتزعقلي.......كلكم زي بعض
الشيخ بهدوء / مش قصدي يا بنتي
العروسه بتفكير/ طب ايه رأيك يا شيخ اجربو شهرين
الشيخ بغضب / يا بنتي هو فستان
العروسه/ طب ما هو بطل يهتم فيا زي الاول يا عمو الشيخ
الشيخ بنرفزه/ يا صبر ايوووب
العروسه بحزن / وانت عارف يا شيخ ان الاهتمام مش بيطلب
الشيخ وهو يحاول تمالك اعصابه / معاكي حق يا بنتي بس خلصيني الله يخليكي قررتي ايه
العروسه / امبارح جابلي شورما مثلا
الشيخ بصدمه مصطنعه/ وانتي مش بتحبي الشاورما؟؟! لا والله ملوش حق
العروسه بنفي/ لا يا عمو بحبها كتيررر بس كان نفسي في بيتزا
الشيخ بغضب / حسبي الله ونعم الوكيل اتفضلي كملي
العروسه بشك/ تعرف امبارح بليل رنيت عليه وكان موبايله مشغول
الشيخ وهو يود ان يبكي/ يمكن بيكلم حد من صحابو يابنتي ارحميني
العروسه بغضب/ لا اكيد بيخوني انا قلبي حاسس انو بيخوني
الشيخ بهدوء / خلاص يا بنتي نرمي الماضي ورا ضهرنا ونبدأ صفحه جديده
العروسه بهدوء / ماشي......بس انت تعرف هو عمل ايه قبل كده في فرح بنت عمو راشد
الشيخ بغضب/ مش عااايز اتنيل اعرف انا اكيد عامل خطيئه في حياتي وربنا بيعاقبني....... استغفر الله يارب
العروسه/ يعني أوافق يا عمو الشيخ .....انا بحبو
الشيخ بغضب / تعرفي يا بنتي انا اول مره اقولها بلاها الجوازه دي وبناقص الفلوس الي هتطلع منها
العروسه بفرحه / يعني حسيت بيا يا عمو الشيخ
الشيخ بغضب / لا والله يا بنتي حسيت بي هو..........
________
اقتباس حلو اهووو وطويل
عشان تصبروا عليا البارت الجاي وأنا هدلعكم
أنت تقرأ
عفريت الباشا
Acakولو كان للجنون إسمً ثانِ لكان لهم ....ماذا يحدث لو اجتمعت شخصية الباشا مع شخصية المشاغب ماذا سيحدث
