العشق الممنوع

البارت التاني

البارت التاني من العشق الممنوع
بقلم مارلي إيهاب
،.،.،.،،،.،.،.،..،.،.،.،.،.،.،.،..،.،.،..،.،.،.،.،.،.،.
بعد خروج حورية من الكلية ركبت المكروباص لذهاب للبيت
وكانت مضايقة من عمار و قالت واحد غبي مفكر نفسه مين ده علشان يعمل كدة
بعد ربع ساعة نزلت ومشيت لغاية الحارة بتاعتهم وكان واقف الشاب اللي هزقته قبل كدة واسمه زياد وقف قدامها
زياد بضيق.... متأخرة يعني يا حور هانم
حورية بغضب..... وانت مالك هو انت كنت من باقي اهلي
زياد بغضب مسك ايدها وقال.... اسمعي بقي انا صابر و مستحمل لكن هتقلي ادبك عليا ده مش هيحصل ومتنسيش انا ابن المعلم هنا وبكلمة واحدة هتطردي انتي وامك من الحارة فبلاش تخليني اتجنن عليكي انتي سامعة ومتنسيش انكم مدفعتوش الايجار بقالكم شهرين افتكري ده.
حورية بدموع لمعت في عيونها وقالت بعزة نفس.... فلوسكم هتجي ليكم ومتنساش انت نفسك. انا مش بتهدد يا استاذ وعلي الفلوس اخر الشهر هندهملك علي الجزمة ومتفكرش انك ممكن تعمل اللي انت عايزة علشان الفلوس اللي علينا تبقي غلطان واوي كمان
وسابته ومشيت وهي دموعها تلمع
اما هو خبط رجله في الارض بغيظ وقال... غبي وهتفضل طول عمرك غبي
،.،.،.،.،.،.،..،،.،.،،.،.،.،.،..، ـ،..،.،،..،.،.،،.،.،..،.،.،.،.،..،
حورية طلعت علي شقتها ووالدتها شافتها....
انجي بقلق... مالك يا حبيبتي في حاجه حصلت
حورية بهدوء.... ابدا مفيش انا بس حسيت نفسي دوخت من الشمس هدخل اخد دوش واريح ساعتين لان ورايا مذاكرة كتير
انجي.... يومك كان حلو في الجامعة
حورية بهدوء.... الحمدلله بعد اذنك
انجي.... اتفضلي
ذهبت حورية لغرفتها
انجي.... ياتري في اية
في الغرفة دخلت حورية وهي مضايقة جدا وقعدت علي السرير وقالت... ازاي اجيب فلوس الايجار انا محتاجة الفين جنية يارب دبرها من عندك
وقامت وطلعت هدوم من الدولاب واخدتهم لتاخد شاور سريع
،..،.،.،.،..،.،،.،..،.،.،..،.،،.،.،..،.،..،.،.،..،..،.،..،،،..،
في بيت اكمل
كانت تجلس فتاة جميلة الشكل ولكن ليس جميلة القلب بعيون بني وشعر حرير وتعبئ وجهها بالمكب الكثير وتطلع مثل عروس المولد
تجلس جانب ايهم علي السرير بدون خجل
ريهام بدلع.... يلا يا حبيبي اصحي بقي
ايهم بضيق ونعاس... انتي اية اللي دخلك اوضتي عايز افهم
ريهام بهدوء... واية يعني ما انا في حكم خطيبتك
ايهم بضيق.... وحتي لو خطوبة مش جواز اتفضلي لو سمحتي اطلعي برة لاني عايز اغير هدومي
ريهام ابتسمت بدلع وقربت قبلته في شفتيه قبله سريعة وقالت.... اوك حبيبي
اما ايهم كان مضايق منها
قام اخد دوش سريع ولبس هدومه
ونزل كانت ريهام تجلس مع شاهندا
شاهندا بضحك.... حبيبتي انتي طول عمرك جميلة
ونفسي في اليوم اللي تتجوزوا فيه انتي وايهم
ايهم قطع كلامهم.... مساء الخير
شاهندا قالت... حبيبي كويس ان ريهام قدرت تقومك
ايهم بضيق.... اها
ريهام ابتسمت بخبث.... اية رايك نطلع حبيبي نتغداء برة
ايهم لسه هيرد شاهندا ردت.... طبعا يا حياتي واية المشكلة يروح معاكي
ريهام ابتسمت..... طيب يلا يا حبيبي
ايهم بهدوء... بس انا مش خارج لان في ضيف جاي انهارده ليا
ريهام باحراج.... اه طيب مش مشكله تتعوض
شاهندا بسرعة.... بس مش. مهم تتغدوا هنا مع بعضكم
ريهام ابتسمت...... معنديش مانع
شاهندا.... هخلي الخدم يجهزوا الغداء حبيبتي.
ريهام ابتسمت..... اتفضلي يا انطي
شاهندا سابتهم و ريهام قامت وقعدت جنب ايهم وقالت بدلع... علي فكرة انت وحشتني وبقالك. كتير
مش بتكلمني ممكن افهم اية السبب
ايهم بضيق.... انتي عارفة كويس السبب ومع ذلك. بتتكلمي وكأنك متعرفيش
ريهام مسكت ايده. وقالت... صدقني. انا مش عارفة انت بتتكلم عن اية
ايهم بضيق... انتي روحتي تقبلي اياد رغم اني قولتلك انا بكرهه
ريهام ابتسمت بدلع.... بس هو صديق طفولتي يا ايهم
ايهم بضيق... وانا بكره ده واحد قذر وانا بكرهه
ريهام ابتسمت بدلع وقالت.... خلاص ما تزعلش نفسك يا قلبي هقطع علاقتي بيه تمام
ايهم ابتسم... تمام
شاهندا... يلا يا ولاد الاكل جاهز
ايهم بهدوء... معلش ماما تخليهم يحطوهم في الجنينة
شاهندا.... تمام
ايهم اخد ريهام من ايدها وطلعوا علي الجنينة وهي كانت تجلس بحضنه
والخدامه جابت الاكل وحطته قدامهم
ومشيت
ريهام بدلع.... مش. نحدد معاد الخطوبة بقي يا ايهم تعبت صحابي في النادي بيتريقوا عليا بسبب عدم خطبتنا لغاية دلوقتي بقالنا سنتين مرتبطين
ايهم بضيق... انا الاول انجح بالكلية وبعدين افكر اخطب وبعدين ما احنا كدة حلوين
ريهام ابتسمت... خلاص زي ما تحب
ايهم.. يلا ناكل
في نفس الوقت يدخل شاب ب سيارته ويركن وينزل من. العربية وهو لبس نظارة شمس وقميص اسود وبنطلون اسود
ورن الجرس
الشغالة... اهلا اتفضل حضرتك مدام شاهندا في الصالون
.... شكرا
دخل الشاب علي الصالون وكانت تجلس شاهندا واول ما شافته فرحت جدا وقالت.... عمار
عمار بإبتسامة.... خالتو حبيبة قلبي عاملة اية
عمار حضنها
شاهندا... انا كويسة يا حبيبي انت عامل اية مش بنشوفك
عمار بإبتسامة.... بدات الجامعة علشان كده مش هتشوفوني كتير
شاهندا بضيق... مش فاهمة انت ليه دخلت الجامعة الحكومية ليه مدخلتش الجامعة بتاعة ايهم
عمار ابتسم.... اهو تغير جو المدارس والجامعات الخاصة لاني زهقت بس اكيد لو معجبنيش هرجع للجامعة بتاعة ايهم
شاهندا ابتسمت... اللي يريح هتاكل معانا بقي انهارده و نور عاملة اية و ماما وبابا
عمار بهدوء.... كويسين وبيسلموا عليكم امال فين ايهم انا قولتله اني جاي
شاهندا بهدوء... هو قاعد مع ريهام بيتغدوا في الجنينة لو تحب تروح تاكل معهم وتدردش
عمار بضيق... لا انا مش بحب ريهام وهي مش بطيقني
شاهندا بحزن... ليه بس يا عمار البنت كويسة جدا يا حبيبي
عمار بضيق... هي مصطنعة كل حاجه فيها مصطنعة حتي الجمال هي مصطنعة فيه هي من كتر عمليات التجميل انا بشوفها زي العفريت
شاهندا بحزن... حرام عليك ريهام بنت ناس كبار في البلد ولازم حبيبي تهتم بمنظرها و شكلها قصاد الناس
عمار.... تمام يا خالتو انا مش هقدر اقنعك. بوجهه نظري وانتي كذلك
لسه شاهندا هتتكلم شافت ريهام وايهم داخلين عليهم
ريهام بهدوء.... ازيك عمار
عمار بضيق... كويس
ايهم قرب يسلم عليه وعمار قام وحضنه.... عامل اية جاهز للهزيمة
ايهم ابتسم.... انت اللي تبقي جاهز للهزيمة مش. انا
عمار ابتسم...... هنشوف يلا
ريهام ابتسمت.... هتلعبوا بلايستيشن
ايهم... ايوه معلش يا حبيبي انا مدي معاد لعمار
ريهام ابتسمت.... مفيش مشكله اشوفك بعدين باي
باي عمار
عمار بضيق.. باي
شاهندا.... مش هتاكل الاول يا عمار
عمار ابتسم.... بعديم يا خالتو يا عسل لما اخسر ابنك الاول يلا تعالي
ايهم خدوا علي غرفته وقعدوا الاتنين قدام البلايستيشن
عمار بهدوء وهو يلعب... روحت الجامعة انهاردة
ايهم ابتسم... لا
عمار ابتسم... كنت متوقع يبني انت المفروض يا ايهم تبقي في سنه تالته لكن انت في اولي بسبب انك كل شوية تسقط
ايهم بلا مبالاة... مش مهم انت عملت اية
عمار ابتسم... اليوم كان جميل بص يا سيدي عربيتي عطلت في الطريق اضطريت اركب ميكروباص
ايهم بقرف... معقول ركبت القر*ف ده وجنب الناس دي انا مرة حصل فيا وركبت وكان شكل الناس ولبسهم كان زفت
عمار ابتسم بهدوء.... لا علي فكرة الناس عاديين جدا مفيش فيهم حاجه انت بس اللي متكبر
ايهم بضيق... ومتكبرش ليه ابن اغني ناس في البلد مش من حقي يعني المهم كمل
عمار بهدوء.... شوفت حورية من الجنة كانت قاعدة جنبي كانت جميلة جدا حاولت الاغيها في الكلام ولكن كانت بتصدني دايما ونزلنا احنا الاتنين في نفس المكان عند الجامعة وكملتها مشي وراها وكنت بعكسها وهي واقفت واتعصبت عليا وكان شكلها جميل بس عصبية جدا
ايهم بهدوء.... اها عجبتك يعني وهي من الناس الجاهلة اللي بتقول مفيش صداقة بين الولد والبنت او الارتباط
عمار ابتسم... هي مش جاهلة ولكن هي اصلا مكنتش قابلني
ايهم... اها متديهاش وش هي هتجي عندك لما تعرف انك من عيلة غنية في البلد هتجري وراك
عمار ابتسم... ممكن
ولكن فجاة صرخ وقال.... كسبتك
ايهم بضيق... يا اخي ارحمني مش فاهم ليه حظي في اللعبة دي وحش جدا
عمار ابتسم... لانك فاشل يا استاذ ايهم في العب انا همشي دلوقتي ولينا مقابلة تانية علشان الحق اخلص المذاكرة اللي ورايا
ايهم بسخرية.... هتضيع عمرك في المذاكرة يا عمار
عمار ابتسم.... لا ده اللي في يوم من الايام هيخليني حاجه يا ايهم
ايهم ابتسم.... براحتك
عمار... مع السلامه
وخرج من الاوضة ونزل سلم علي شاهندا
شاهندا بهدوء... طيب اتغداء الاول
عمار قبل ايديها وقال.... حبيبتي كفاية اني شوفتك معلش ورايا مذاكرة كتير ولازم امشي
شاهندا... خلاص زي ما تحب ربنا معاك
عمار ابتسم.... يارب مع السلامه
شاهندا... مع السلامه
وخرج عمار وركب عربيته ومشي
اما ايهم جهز نفسه علشان يخرج يسهر كالعادة
شاهندا بهدوء... بلاش انهاردة سهر علشان يا حبيبي تروح الكلية بكرة
ايهم بهدوء... ماما انا عندي معاك مع صحابي اقولهم اية يعني مش جاي
سمع صوت والده اكمل بغضب..... انت معندكش دم يا بني ادم انت هتفضل طول عمرك مستهتر ومش همك حد فاشل في الدراسة وفاشل في الشغل مش. فالح غير في قله الادب وصورك اللي بتتنشر في الجرايد كل يوم بسبب كل اللي بنيته انت هتدمره في لحظة يا استاذ ايهم ولا اقول يا دنجوان
ايهم بضيق... هو انا مالي هما اللي ما بيصدقوا يشفوني في مكان يصوروني انا تعبت منهم مش عارف اخد راحتي
اكمل بغضب... انت عايز تجلطني بجد انا تعبت تعبت منك وفقدت الامل فيك انا واقفت كل حساباتك في البنك والعربية تسيب مفتاحها دلوقتي بسرعة مستني اية
ايهم بضيق... ليه يعني كل ده
مهاب بهدوء.... اسمع الكلمة يا ايهم
ايهم بضيق... ماشي وحط المفتاح العربية
اكمل بغضب... علي اوضتك ومفيش خروج لو عرفت انك خرجت هيكون يومك اسود معايا وبكرة تروح الجامعه سامع
شاهندا بقلق... اهدي شوية يا اكمل صحتك
اكمل بغضب... طول ما ابنك في حياتي هتجلط
وسابهم ودخل اوضة المكتب اما ايهم جلس بضيق... يعني حتي لو روحت الحامعة هروح من غير فلوس
مهاب بضيق... هو ده اللي بتفكر فيه بس انا مش فاهم انت يا بني مفيش كلام بيأثر فيك
وتركه وطلع علي غرفته
اما شاهندا قربت من ابنها وقالت... متضيقش نفسك يا حبيبي انا هديك الكريدت كارد بتاعتي بس في السر تمام
ايهم قبل والدته في جبهتها... حبيبتي يا ماما
شاهندا... انا دايما عايزك مبسوط مش مضايق متزعلش من بايا ومهاب هما خايفين عليك
ايهم... اوك حبيبتي هطلع اريح. شوية بما ان مش خارج
شاهندا... تمام

انتهي البارت اتمني تنال اعجابكم