العشق الممنوع

البارت الخمسون

البارت الخمسون
من رواية #العشق_الممنوع
#بقلم_مارلي_إيهاب
...........................
في صباح يوم جديد في شركة وجية كان يجلس علي و بعض العملاء
فهمي... العقود جاهزة يا وجية بيه
وجية بجدية... طيب هاته يا فهمي يلا علشان نمضي العقود
علي اتكلم و العملاء الاخرين اتكلموا وعلي استغرب و لكن سكت
العقود اتحطت قدام وجية ومضي عليها ولسه علي هياخد الورق شاف وجية بيوجه الورق للعملاء التانين اللي مضوا الورق وقالوا.... شرف كبير لينا يا وجية بيه اننا نشارك حضرتك ده شرف نعتز بيه
وجية ابتسم.... طبعا انا اللي اتشرفت بمشاركتكم الصفقة دي اكيد يوم ما اشارك حد في صفقة لازم يكون قد المقام
كان يتحدث وهو ينظر لعلي اللي كان يجلس بصدمة وقال... وجية هو مش ده الصفقة اللي انا وانت متفقين عليها
وجية باستغراب شديد.... اولا اسمي وجية بيه ثانيا صفقة اية انت مجنون انت يا حبيبي شركتك بتعلن افلاسها ازاي بقي هتشارك في صفقة زي دي بملايين و بعدين يا علي انا كنت هساهم كاتبرع كدة بمبلغ بسيط يمكن يساعد شركتك في حاجه ومتعلنش افلاسها و يمكن حد يحب يتطوع ليك كمان ولكن انا مستحيل اشارك واحد معهوش الفين جنية علي بعض مش ملايين
الكل كان يلتزم الصمت و علي كان مصدوم لان ده كان امله الوحيد
العميل... طيب يا استاء وجية احنا هنمشي دلوقتي وهنبقي نتفق علي موعد تاني نتقبل فيه و نتكلم في التفاصيل
وجية ببتسامة... اوكية في انتظاركم مع السلامه
ا...... مع السلامه بعد اذنك
وجية بإبتسامة.... اتفضلوا
خرجوا العملاء و علي قال بصدمة... ليه بتعمل كدة انا اذيتك في اية
مراد كان لسه هيقوم علشان يخرج
وجية بهدوء... استني يا مراد خليك وانت يا فهمي خليك
وقال لعلي... شوف يلا انت غبي غبي لانك فكرت انك تلعب معايا مع واحد مينفعش اللعب معه
هقولك انا عملت كدة ليه وانت عملت اية اول حاجه انا كنت متعاطف معاك وناوي اساعدك ولكن اكتشفت حاجات كتير عنك زبالة اولهم انك ماشي شمال و بتهرب مخدرات في المخازن بتاعتك دي اول حاجه تاني حاجه فكرت فيها الصفقة دي و كنت عايز امولك بالفلوس وبعد ما الصفقة تنجح تديني حقي بس انت فكرت و طمعت في حاجات ملكش فيها
اولهم انك بعت واحد من رجلتك يشتغل في شركتي في الحسابات و يختلس فلوس منها و كنت بتاخد بسيط بسيط و كنت مستني نمضي العقود و بعدين بفترة تجي تقولي اشاركك علشان تسحب فلوس زي ما انت عايز مهو مال سايب
ده غير بقي ان ده كله مش تخطيطك ده تخطيط يوسف ابو المجد اللي الشركة اصلا مش بتاعتك دي بتاعته و انت ابن عمه صح ولا انا غلطت في حاجه
علي كان مصدوم  من كميية المعلومات اللي عرفها وقال..... انت عرفت ده كله ازاي
وجية ابتسم... عرفته من مطرح ما عرفته الشركة خلاص اه والواد اللي كان في الحسابات زمانه في القسم و بيعترف عليك وعلي نفسه و الشركة اتعمل ليها فحص شامل علشان يشوفوا المخدرات اه و البوليس مستنيك بره اخرج علشان تزور ابن عمك في البورش اللي فيه يلا اخرج مستني اية يلا
علي بصدمة ودموع... استاذ وجية انت كدة بتضيع مستقبلي
وجية ضحك بسخرية.... مستقبل اية يا ابو مستقبل انت تاجر مخدرات يلا بره فهمي مراد طلعوا بره البوليس علي الباب
مراد مسكه من ايده هو فهمي و طلعوا للبوليس وهو بيبكي و بيترجي وجية يسيبه ولكن لا حياة لمن تنادي
البوليس استلمه وفي ظابط دخل لوجية وقال... احنا بنشكر حضرتك يا وجية بيه علي تعاونك معانا
وجية بإبتسامة... لا لاشكر علي واجب
الظابط.... القانون هياخد مجراه وهيتعاقب زي ما يوسف اتعاقب بظبط
وجية.... ياريت
الظابط.... ان شاءلله يا فندم بعد اذنك
وجية... اتفضل
خرج الظابط و مراد كان واقف مصدوم من اللي حصل قدامه واللي مكنش متوقعة اما فهمي كمان مكنش متوقع حكاية البوليس دي كان مفكر ان مجرد امضي عقد وخلاص
وجية بابتسامة... شوف يا مراد من انهارده الشغل الصفقات الكبيرة اللي بتتعمل كل فترة دي تتعمل بعد الصفقة علي طول اول باول مش عاوز غلطة زي دي تتكرر انت مخدتش بالك من السرقة اللي بتحصل وتاني مرة تنتبه علي كل كبيرة و صغيرة فاهم يا مراد
مراد باحراج... فاهم يا فندم واوعدك غلط زي ده مش هيتكرر تاني
وجية... اتمني يلا اتفضلوا علي مكتبكم
مراد وفهمي... حاضر يا فندم
خرجوا الاتنين ومراد دخل المكتب متعصب وكانت لسه انجي لسه داخله المكتب و قلقت من شكله المتعصب
مراد في نفسه... ازاي غلطة زي دي تعدي عليا ازاي يسحب الفلوس و انا ازاي امضي علي ورق. زي ده من غير ما ابوص عليه مش قادر استوعب غلطة زي دي ومن عيل ملهوش اي لازمة
انجي كانت متابعة انفعالاته ومكنش عندها الجرأة تسأل اذا كان في شغل تعمله او لا
بعد مرور بعض الوقت كان مراد هدي شوية وجلس علي المكتب بتعب
ومد ايده بدون اي كلام بالملف وهي اخدته وهي ساكته
وابتدت تراجع فيه
....؟...........................
في الصعيد كانت تجلس رحمة علي الارض بوجع تبكي بقهر
وكانت رحمة بنت هزيلة الجسد رفيعة جدا و جسدها صغيرة وهي قصيرة الطول بنسبة لعمر اللي يشوفها يقول بنته مش مراته بسبب قصرها وجسدها تشبه الاطفال
الباب خبط ودخلت الخادمة وحطت الاكل علي السفرة و خرجت بهدوء
رحمة ببكاء... يارب خدني مش جادرة اعيش في الوجع ده بعد ما اذيت الكل و خذلت امي بس ولله ما كنت اجصد ابدا هو اللي ضحك عليا و فهمني انه بيحبني وهيتجوزني انا مكنتش اجصد ولله
وفضلت تبكي ودخلت والدتها الغرفة وقالت بحده...
جومي لمي خلجاتك علشان تسافر مع جوزك مكان ما هيروح
رحمة بقهر و دموع... امي ابوس يدك يا اما ارحمني و سامحني احساسي بالذنب عم يموتني سامحني احب علي يدك
ولسه هتقبل ايديها صابحة بعدت بحده وقالت... عمري ما هسامحك يا رحمة انتي بنسبة ليا موتي و حضرت الحداد بتاعك مش عايزة  اشوف خلجتك تاني تغوري من اهنا و متعتبيش الدار ده تاني كفاية ان عمر مستحملك بالعافية
رحمة بقهر.. حرام عليكي يا امه احب علي يدك ارحمني انا غلطانة وغبية اقسم بالله ما كنت اجصد اعمل اجدة يا امه هو اللي اغواني
صابحة رفعت ايديها و ضربتها كف وقعها علي الارض وهي صرخت بوجع وقهر و بكت
صابحة بغل.... كفاية راسي اللي مش عارفة ارفعها قصاد اخوي و مراته و ابنه انا بنتي ماتت ماتت
وخرجت  وهي مقهورة

  اما رحمة تبكي بوجع وقهر وهي تندم علي فعلتها.
...............................
في مكان اول مرة نروحه كانت تجلس مريم وتطعم ابنها انس ذات الاربع سنوات
مريم بابتسامة جميلة... هم يا جمل يلا يا قلبي كل علشان تكبر كدة و تبقي راجل قد الدنيا يلا
انس بعبوس... مث عايث كلت خلاث
مريم بهدوء.. طيب يلا علشان تنام الوقت اتأخر يا انس يلا تغسل سنانك و تنام
انس... اوك تعالي يلا
..،.،،.،.،،.،.،..،،..،.،.،.،.،.،.،.،
في البيت اللي كان بيذاكر فيه كان يجلس زياد بغضب و ضيق من امه و ما فعلته كان يغلي في نفسه وحاسس بكره لامه بيزيد
.......؟.......................  
هنا ينتهي البارت اتمني ينال اعجابكم

بكرة هنزل تلات بارتات
ومن يوم السبت  هيبقي كل يوم بارت