البارت الثالث عشر
بقلم مارلي ايهاب
من رواية العشق الممنوع
..،..،.،.،..، ، ،
ايهم اتصل علي وجية وقاله بحزن... الو يا انكل
وجيه بهدوء... ازيك يا ايهم
ايهم بتصنع الحزن.... مش كويس
وجية بهدوء... ليه اية اللي حصل انت المفروض دلوقتي في الشركه
ايهم بتصنع..... بيجاد طردني
وجية بصدمه... عملت اية
ايهم بحزن... بنت رمت نفسها عليا وهو باين حد شافنا وراح قال ليه وهو طردني انا وهي وبابا لو عرف اني اتطردت هيطردني برة البيت يا انكل لو سمحت كلمهم يرجعوني والنبي
وجية بضيق... طيب يا ايهم بس دي اخر مرة وياريت بلاش الحركات دي في الشركه علي الاقل ما تصغرنيش قصاد الناس هناك
ايهم بحزن مصطنع.... حاضر صدقني هلتزم بالقواعد ومش هعمل اي حاجه غلط
وجية بضيق... اتمني اقفل انا هتصل بيجاد دلوقتي
ايهم... تمام
وجيه قفل معه واتصل علي بيجاد اللي كان قاعد في مكتبه
بيجاد بهدوء... اهلا يا فندم
وجية باحراج... ازيك يا بيجاد
بيجاد بهدوء.... انا الحمدلله يا فندم
وجيه باحراج.... طيب يا بيجاد في طالب عندك انت طردته انهاردة رجعه تاني
بيجاد بهدوء.... هو واسطة تبع حضرتك ولا ايه
وجية بضيق.... ابن واحد صاحبي بس انا شديت عليه وتعامله زيه زي الطلاب وكمان تشد عليه
وتعامله معاملة تانية عايزة يسترجل كدة ويعرف الشغل علي اصوله
بيجاد ابتسم... زي ما حضرتك تحب يا فندم
وجية بهدوء... هو هيجي دلوقتي دخله مكتبه واشرف علي شغله يا بيجاد وزي ما قولتلك
بيجاد بهدوء... تمام
وجية.... مع السلامه
بيجاد.. مع السلامه
الباب خبط وكان ايهم اللي دخل
بيجاد بهدوء... انا قولتلك ادخل
ايهم باحراج... لا
بيجاد بهدوء.... اتفضل اخرج برة وتخبط الباب ومتدخلش غير لما اقولك اتفضل
ايهم كتم غيظه وقال... حاضر يا فندم
خرج ايهم بغضب وخبط علي الباب ومسمعش رد بيجاد غير بعد خمس دقايق
بيجاد بهدوء.... ادخل
ايهم بضيق دخل. وقال.... استاذ وجيه كلمك
بيجاد بهدوء... اولا اسمها كلم حضرتك وتاني حاجه كلمني بس ده كمان مش معني اني هتهاون معاك بعد ما صاحب الشركة اللي كلمني لا اللي حصل انهاردة ده لو اتكرر تاني ساعتها بقي يا استاذ ايهم انت هتطرد بره الشركة دي مع توصيه شرف مني ان اخلاقك لا تسمح بشغل في شركات ويمكن متلقيش شغل تاني فاهم ولا افهمك تاني وشغل البو*س والاحضان ده يتعمل بره الشركة في النايت كلا*ب والشقق المش*بوها مش في شركة محترمة يا باشا فاهم ولا افهم اكتر من كدة
كان يتحدث بمنتهي الهدوء ولكن صوته كان يجيب توتر وخوف
ايهم بتوتر.... حاضر يا فندم
بيجاد بهدوء.... قدامي
ايهم مشي وراه ودخلوا المكتب وحورية وعمار اتصدموا انه يرجع تاني
بيجاد بهدوء... اتفضل علي مكتبك ولو سمعت اي شكوي منك اعتبر نفسك متطرود
ايهم بضيق... حاضر يا فندم
بيجاد خرج من المكتب وايهم نظر لعمار وحورية بضيق
عمار كان مضايق انه رجع تاني وهيفضل يهدد فيه
كلهم ركزوا في الشغل وبعد اربع ساعات جه معاد الخروج
عمار قال لحورية.. يلا
نزلوا مع بعض وايهم وقف قدامهم وقال بغضب.. انتوا بقي اللي قولوا اللي اسمه بيجاد ده علي اللي حصل في المكتب
عمار شاف نظرت الغل في عيونه وخاف يتكلم... لا مش احنا صدقني
ايهم بغضب. امال هو عرف لوحده ولا اية بينجم والمكتب مفيش فيه كاميرات
عمار بتوتر.. صدقني مش انا اللي قولتله ولا حتي حورية
ايهم بغضب.. مش مصدقكم بقي وانا هقو
بيجاد قال... مش لما تتكلم عني تتكلم باحترام يا محترم
ايهم بتوتر... انا يا فندم
بيجاد بهدوء... يعني انت غبي اوي كدة المكتب كله كاميرات مش لازم تكون شايفها يعني مقعول شركة كبيرة زي دي مفيش كاميرات في المكاتب
وفي ناس وظيفتها تراقب المكاتب والشركة لو حصل اي حاجه غلط بيعرفوني فوراً يا ايهم
ايهم بتوتر..انا مقصدش
بيجاد بهدوء... انت بجح اوي نفترض انه هما اللي قالوا متبقاش غلطان و بجح يعني اللي زيك يخرس وميتكلمش ابدا ويحط لسانه جوه بؤه
ايهم بتوتر....اسف
بيجاد بهدوء... اتفضل امشي
ايهم مشي بسرعه علي عربيته
وبيجاد لف لحورية وعمار وقال.... انتوا هتروحوا سوا ولا اية
عمار بهدوء.. بنركب تاكسي يوصلها وبعدين يوصلني
بيجاد بهدوء.... تعالوا اوصلكم
عمار اتوتر... لا مفيش داعي يا فندم احنا متعودين علي التاكسي
بيجاد بهدوء....طيب ما انا موجود اوصلكم يلا
عمار اتوتر وبيجاد خد باله وقال... يلا
مشيوا الاتنين وركبوا عربية بيجاد اللي كانت Jeep وعمار ركب جنب بيجاد وحورية ركبت ورا
عمار كان بيفرك ايده بتوتر وبيجاد كان مستغرب من حالته دي اذا كانت حورية مش باين عليها اي توتر
بيجاد... العنوان
حورية بهدوء قالت. العنوان بتاعها وبيجاد وصلها قصاد الحارة وهي قالت... شكرا يا فندم
بيجاد ابتسم.... العفو
بيجاد فضل واقف لغاية ما شافها دخله الحارة
وبص لعمار وقال... عنوانك
عمار بتوتر.... مفيش دعي انا كدة كدة بعدها بشارعين هنزل اتمشاهم
بيجاد مسك ايده وقال... انت مالك يلا مكنتش مظبوط ليه انت ساكن هنا ولا لاء
عمار بتوتر.... ايوه صدقني ساكن هنا
بيجاد ساب ايده وقال... هوصلك اوصفلي العنوان
بيجاد فضل ماشي لغاية ما عمار قاله هنا
عمار بتوتر... شكرا يا فندم ما تتفضل شوية
بيجاد بهدوءء... شكرا يا عمار تجي بكرة بدري
عمار بتوتر... حاضر
ونزل عمار وبيجاد كان مستغرب من تصرفات عمار
عمار ركب تاكسي بسرعه يوصله الفيلا بتاعته
وصل وشاف عربية ايهم برة وخاف لا يكون قال حاجه لاهله دخل بسرعه وشافه قاعد وكان ينظر له بخبث شديد
عمار بتوتر... مساء الخير
الكل مامته وايهم ونور.... مساء النور
ايهم بخبث... اتاخرت كدة ليه احنا خارجين من ساعة
عمار بتوتر... كنت بتمشي شوية
سهر بهدوء.... انت سايب عربيتك ليه
عمار بتوتر.. لا ابدا مفيش حاجه بس مش حابب اسوق مش اكتر
عمار بتوتر... تعالي يا ايهم عايزك
ومسكه من ايده وشده علي اوضته وقال بضيق... مش هتبطل بقي تهديدك ليا كل شويه بقي ده جزاتي اني بثق فيك ومأمنك علي سري كل شوية تهددني وتلعب باعصابي مش كدة يا ايهم وللهي يا ايهم لو مبطلتش اللي بتعمله معايا ده لكون قايل لعمي علي اللي عملته النهارده ويبقي تهديد بتهديد بقي اية رايك بقي
ايهم بصدمة....
......... حورية وهي رجعة البيت شافت زياد وقف قدامها وقال بعصبية وهمس علشان محدش يسمع .... مين يا محترمه اللي كنتي نازلة من عربيته انطقي
حورية بغضب... وانت مالك
زياد مسك ايديها بعنف وقال... اقسم بالله لو ما اتعدلتي معايا وردتي عليا لوريكي وشي التاني يا حورية
حورية زقته بغضب والناس كانوا ينظرون وهي كانت علي وشك البكاء.... ابعد عني انت انسان معندكش كرامه
وسابته ومشيت علي بيتها بسرعه اما هو نظر لها بغضب
طبعت وكانت كالعادة انجي مستنية واول ما شافت انجي حضنتها وبكت
انجي بقلق... في اية يا حبيبتي مالك
حورية قعدت في حضن انجي وهي بتقول.. الزفت زياد كل شوية يتعرضلي يا ماما
انجي بضيق... عملك اية الكل*ب ده
حورية ببكي.. انا كنت رجعة انا وعمار مع المدير بتاعنا في عربيته وهو شافني وريح يقولي انتي كنتي راكبة مع مين مردتش اقوله وقولته انت مالك راح قالي اتعدلي معايا بدل ما اوريكي وشي التاني وفرج الناس عليا
انجي بهدوء... وانتي اية اللي يخليكي تركبي مع مديرك العربية يا حورية انا قولت عمار بيركب معاكي التاكسي علشان بترجعي بليل وبخاف عليكي حد من السواقين يطمع فيكي ويعمل حاجه بكون مطمنه ان هو راكب معاكي ولكن تنزلي من عربية ملاكي واتنين رجالة قاعدين فيها الناس تقول عنك اية وعني اية وعن تربيتي ليكي يا حورية
في التاكسي الناس مش هتقول اتنين رجالة ركبين لا سواق ومعه زبون تاني لكن عربية ملاكي ليه يا حورية تجبي لينا الكلام ده يا بنتي
حورية بحزن... انا مقصدش صدقيني يا ماما بس هو اصر انه يوصلنا واتحرجنا نقوله لا حتى عمار في الاول رفض ولكن في النهاية وافق
بس اوعدك مش هتتكرر تاني اوعدك بس متزعليش مني
انجي بضيق... ادخلي اوضتك يا حورية
حورية بدموع... ماما لو سمحتي
انجي بضيق... لو سمحتي ادخلي اوضتك
حورية دخلت غرفتها تبكي اما انجي كانت مضايقة من تصرف بنتها واللي ممكن يجيب الكلام ليهم
.،.،..،.،،..،.،.، ،
اية رايكم في تهديد عمار لايهم
ورايكم في كلام انجي لحورية
مستنية تعلقاتكم وتوقعتكم
أنت تقرأ
العشق الممنوع
Romansaبنت جميلة جدا وفقيرة هيحبها اتنين اغنياء وقرايب يا تري هي هتعمل اية وهيكملوا في العشق ده ولا هيتفرقوا اتمني الرواية تنال اعجابكم ولو عجباتكم متنسوش متابعة والفوت في كل بارت
