العشق الممنوع

السادس وعشرون

السادس وعشرون
من رواية العشق الممنوع
#بقلم_مارلي_إيهاب
.،.،..،.،.،.،.،..،.،.،..،.،.،
كانت تجلس حورية بجانب والدتها وتريح راسها علي صدرها و انجي تلعب في شعرها لتهدئ بنتها
انجي بهدوء....  حبيبتي مش هتقوليلي مين الشخص ده و عرفتيه منين
حورية بهدوء.. انا معرفوش انا في يوم لقيت واحد باعت رسالة حب لوحدة اللي هي انا فكرته باعت غلط و قولتله حضرتك بعت الرسالة دي لشخص الغلط و عملت ليه حظر لقيته تاني يوم باعت من اكونت تاني بنفس الاسم والصورة وباعت كلام حب و رسايل غرام قولتله انت مين قالي هتعرفي بعدين وفضلنا كدة يبعت الرسايل وانا اقرائها وهو عارفني و عارف حاجات كتير عني عدي يوم و اتنين لغاية ما اتعلقت بيه وقولتله عايزة اعرف انت مين وتعرفني منين ونفسي اشوفك بس رده كان قريب هتشوفني تعرفي ان اترفدت من الشغل بسبب سرحاني فيه طول الوقت انا يا امي تعبانة من بعده عني
انجي بضيق... يا بنتي يمكن بيلعب بيكي ولا بيحبك ولا حاجه اعملي ليه بلوك
حورية بدموع.. لا مقدرش يا ماما رسايله دي اللي مصبرني علي عدم معرفته مقدرش ابعد عنه
انجي بحزن.... يا حبيبتي انا مش عايزكي تبقي واقفة علي هو مفيش حاجه ثابتة وهو لو بيحبك كان جه و اتقدم ليكي
حورية بإبتسامة و ثقة... هيجي يا ماما هو بيحبني وهو اكيد في حاجه معطله انه يجي يتقدم ليا بس هيجي اكيد هيجي
انجي حضنتها وهي حزينة علي حالة بنتها و حاولت تقنعها تبعد عن الشاب ده ولكن لا حياة لمن تنادي قضلت قاعدة جنبها لغاية ما نامت وقامت وهي مضايقة هيصرفوا علي البيت ازاي بعد ما بنتها سابت الشغل
الباب خبط و من سرحانها مسمعتش اول مره ولكن الخبط زاد فاقت وراحت تفتح وشافت واحدة اسمها هدي
انجي بهدوء... ازيك يا هدي
هدي سلمت عليها وقالت... الحمدلله يا حبيبتي
انجي بهدوء... اتفضلي
دخلت هدي وقعدت وقالت.... كنت جاية في موضوع كدة
انجي بقلق.. موضوع اية
هدي.... اهدي انا جيبلك شغل
انجي باستغراب.... شغل اية
هدي بإبتسامة.... شركة اللي انا شغالة فيها طالبة موظفين في الحسابات متخرجين من تعليم فوق المتوسط وتعليم عالي وانا قولت انتي اولي وانتي معاكي معهد تجاري وكنتي شاطرة في الحسابات
انجي بقلق... بس انا مش بقدر اقعد علي المكاتب علي طول ضهري بيوجعني
هدي بإبتسامة.... يابت متبقيش هبلة في ساعة بريك كل اربع ساعات وده غير المراتبات عالية يعني اقل مرتب هتاخديه في حدود 6000 جنية
انجي مردتش وكانت بتفكر
هدي بهدوء... بصي فكري من هنا بليل وردي عليا ولو هتيجي اصحي الساعة سته الصبح البسي و اجهزي وانا هعدي عليكي بالعربية ونروح سوا
انجي بهدوء... طيب الكلام خدنا تشربي اية
هدي... معلش انا مستعجلة لان ورايا حاجات كتير بس متنسيش تديني خبر
انجي بهدوء... حاضر طيب اقعدي اجبلك عصير سريع
هدي ابتسمت... تتعوض يا حياتي يلا باي
انجي... باي
وصلتها لغاية الباب وفضلت واقفة لغاية ما نزلت وقفلت الباب وهي بتقول في نفسها دي فرصة هحاول استغلها واشوف علاج لضهري ده ربنا معايا وبعدين حورية لازم تشوف دراستها احسن من الشغل انا اللي هشتغل
.،.،..،.،..،.،.،..،.،
عند ايهم ابتسم وقال... وحضرتك شايفة اية اتغير فيا بعد ما ست ريهام بعدت عني
شاهندا بضيق.. كل حاجة فيك اتغيرت بقيت غريب
حفلات وسهر مش بتروح صحابك مش بتقبلهم مش بتقابل البنات زي ما كنت وبقيت بتصلي مش مصدقة
ايهم ابتسم.... ومالك بتقوليها كدة وانتي مصدومة اقولك ليه لان رب المنزل مكنش بيصلي  والام كمان زيه و بقيتوا انتم اللي اتنين ميهمكوش غير البيزنس والمظاهر الكدابة بتاعتكم محدش فكر فيا وفي اخرتي اللي اكيد كانت هتبقي جهنم وانتم معايا وانتم كنتم هتشيلوا ذنبي و ذنب مهاب علي التربية الغلط اللي ربتهلنا
ريهام انا مستحيل افكر ارجع ليها تاني يوم ما اتجوز هتجوز واحده محترمة مش مع كل راجل شوية شوفي يا ماما انا اتغيرت بس للاحسن اتغيرت ودلوقتي حاسس اني كنت عايش وزمان كنت ميت الانسان اللي بيكون بعيد عن ربنا ميت بلا روح وحياة انت كنت ميت ودلوقتي بقيت عايش يا امي خلاص انا عرفت طريقي ومستحيل ارجع للي كنت فيه
شاهندا بضيق.... انت انا مش فاهمة مين اللي غير دماغك بالشكل ده
ايهم بحب... ربنا بعتلي اللي يصلح ليا حالي ويارب يصلح حالكم انتوا كمان
شاهندا بضيق... انت بتتكلم بجد يصلح حالنا ليه يا ايهم انت شايفنا اية
ايهم بابتسامة... مقصدش اقصد تقربوا من ربنا مش اكتر
شاهندا بضيق خرجت من الغرفة بدون كلام  ومكنش عجبها طريقة ابنها
..،.،.،،.،.،.،.،..،.،.،.،.
عند مهاب في الشركة
دخل مكتب والده بعد ما استاذن
مهاب بهدوء.. بابا كنت عايز اجازة شهر
اكمل بهدوء... ليه يا مهاب
مهاب بهدوء... محتاج اسافر وافصل شوية مش قادر حاسس اني تعبان
اكمل بهدوء.... حبيبي لو في حاجه احكيلي
مهاب بهدوء... مفيش بس انا محتاج ارتاح بس مش اكتر
اكمل بهدوء... طيب يا مهاب خد الشهر اللي انت عايزه
مهاب بهدوء... تمام شكرا وانا مش هتاخر عن الشهر باذن الله
اكمل بهدوء.... قولي هتسافر فين
مهاب بشرود.... امريكا
اكمل بهدوء......  طيب بس باعد نفسك ليه كدة
مهاب بهدوء......  مفيش حابب افصل هناك
اكمل بهدوء...  طيب يا حبيبي
مهاب... بعد اذنك
اكمل بهدوء... اذنك معاك
مهاب خرج و هو ينوي علي شئ.،..
،.،.،،.،.،.،..،.،.،..،
عند عمار خرج من الشركة وكان يقف بيجاد امام الشركة
بيجاد ابتسم بخبث.....  عمار
عمار وقف بضيق.... نعم
بيجاد ابتسم بخبث.... مش انا اعترفت لحورية بحبي ليها
عمار بصدمة... نعم
ياتري بيجاد بيخطط لاية
،.،.،..،.،.،.،..،.،.،.،..،.،.،..،.
في البيت عند زياد روح البيت كانت والدته قاعدة ومعها بنت جارتهم وقالت.. تعالي يا زياد يا حبيبي
زياد بهدوء... السلام عليكم يا اما
والدته... عليكم السلام يا حبيبي تعالي اقعد معانا
زياد بهدوء... معلش تعبان وعايز ارتاح
والدته بخبث... بس تعالي اعرفك علي فرحة بنت جارنا الجدد
زياد بضيق من والدته.....  اهلا
والدته بخبث... اقعد اقعد
جلس زياد علشان ما يحرجش والدته.... 
والدته واسمها مديحة....  البت فرحة العسلاية دي بقي عندها 19 سنه و زيك يا زياد معاها الاعدادية
زياد بضيق... اها
مديحة بخبث... ولسه جايين من البلد عندهم وهيسكنوا هنا و هيبقوا قريبين مننا اوي
زياد بضيق.. قصدك منك انتي ستات مع بعض انا مليش في قاعدت الستات بعد اذنك
ودخل غرفته ورزع الباب بعنف
سبب حرج لفرحة اللي اتكلمت بحرج.... انا لازم امشي دلوقتي بعد اذنك
مديحة بضيق من ابنها وقالت... لا اقعدي شوية
زياد ميقصدش
فرحة بدموع... معلش يا طنط لازم امشي بعد اذنك
وخرجت بسرعة ومديحة دخلت عند زياد بضيق وقالت....  انت اية اللي عملته ده حرجت البت
زياد بضيق... واللي انتي عملتيه ده اسمه اية يا ماما بصي الشغل ده مش بحبه وللي في دماغك انسيه فاهمة انسيه لاني مش هقبل بيه ابدا
مديحة بغضب.... مش فالح غير تجري وراي بنت خطا*فة الرجا*لة
زياد بغضب... هي معملتش حاجه علشان تقولي عليها كده مش ذنبها ان جوزك كانت عينه منها متحسبيهاش حاسبي جوزك مش هي هي رفضت حرام عليكي تظلميها
مديحة بغضب.... اسمع يلا هو ده اللي عندي وهي هتفضل في نظري خطا*فة الرجا*له
وخرجت بغضب وزياد جلس بتعب وضيق وفتح تلفونه و
.،.،..،.،..،.،.،.،.،.،.،
في البيت حورية فاقت وكانت والدتها عند واحده من جيرانها
اتبعتت رسالة من العاشق المجهول مكتوب فيها
(تعالي يا حبي الاول والاخير في كافية **انتظرك هناك الان)
حورية اتصدمت وقامت تلبس بفرح ومسكت التلفون و كتبت.....  جاية بسرعة
.،..،...،..،.،،.،..،
ياتري اية اللي هيحصل وهيطلع مين
ومهاب هيروح لكاميليا ولا لاء