العشق الممنوع

البارت الحادي و اربعين

البارت الحادي و اربعين
من رواية العشق الممنوع
#بقلم مارلي_إيهاب
،.  .،.،.،..،.،.،.،.،..،، 
في صباح جديد في القسم
كان يقف بيجاد امام الظباط
الظابط بحده... انت عارف انت متهم في كام قضية يا بيجاد
بيجاد نظر له و سكت ومتكلمش
الظابط بتشفي... اول حاجه جريمة خطف و التاني الزواج بالغصب والرابع قتل الراجل اللي و كلته انه يخطفها خامس اغتصاب وكان ممكن تأدي للوفاة والتقرير الطبي بتاعها قال كدة
وبالصلاة علي النبي كدة يا بيجاد بيه تخشلك في اعدام علشان جريمة القتل يا تقضي الباقي من عمرك هنا في السجن
بيجاد كان يقف و مش بيتكلم
الظابط ابتسم بسخرية.... خلي سكوتك ينفعك يا خويا يا عسكري
العسكري... امرك يا فندم
الظابط بسخرية.... خد البيه و حطه في الحبس
العسكري.... امرك يا بيه
ومسك بيجاد و دخله الحبس الانفرادي
،.،..،،.،،..،.،..،.،.،..،.،.،.،.
اما يوسف خد 25 سنه سجن بسبب المخدرات اللي مسكوها
.،.،..،.،.،..،..،..،.،.،.،.،..،.،.
نبدا بقي البارت
..................
في البيت عند حورية كانت تنام في غرفتها و معها والدتها تحتضنها بخوف من فقدانها
ملاحظة.... عمار مرحش بليل بسبب وجية اللي قال ما يصحش يروحوا ليهم في الوقت ده
.....
انجي بحب... حورية حبيبتي قومي يلا
حورية بتعب... اه يا ماما حاسة اني منمتش بقالي سنه
انجي... خلاص كملي يا حبيبتي انا بس كنتي عايزكي تقومي تكلي و تتغذي شكلك مش عجبني
حورية بتعب.... ماشي هقوم اخد دوش علشان افوق ممكن تساعدني ادخل
انجي بقلق... انتي لو تعبانة اوي اوديكي المستشفى تاني
حورية بدموع.. لا انا بتحسن لوحدي بس الحركة ضعيفة شوية
انجي بحزن... طب قومي علي مهلك يا حبيبتي قومي
وسندتها لغاية الحمام وقالتها... لو محتاجة حاجة قوليلي وانا اساعدك
حورية بإبتسامة... ربنا يخليكي ليا و ميحرمنيش منك ابدا بس انا هقدر اخد دوش لوحدي لو سمحتي بس طلعيلي هدوم البسها
انجي ابتسمت.. حاضر
ودخلت حورية الحمام تستجم في الماء و انجي طلعت هدومها وحطتهم علي السرير و خرجت بحماس تعمل فطار ليها
وبعد مرور ربع ساعة خرجت حورية وارتدت ملابسها وخرجت لولدتها و تمشي ببطئ
انجي بإبتسامة... تعالي يا قلبي و سندتها لغاية ما وصلت لسفرة
وقعدتها
حورية بإبتسامة.... اكلك و حشني اوي يا ماما
انجي بدموع... ربنا ما يحرمني منك ابدا يا حورية متعرفيش قلبي كان بيتقطع عليكي ازاي و مكنتش بدوق النوم و اخت عمار كانت بتهتم بيا و لما اتحرجت قاعدة في مكان لا يليق بيها ولا بمستوها قولتها ترجع و كفاية بعيدة عن ابوها و امها.
حورية بصدمة... بقي اخت عمار جت هنا وباتت معاكي
انجي ابتسمت... بنت متواضعة جدا و جت وخدت بالها مني و عمار كمان كان بيجي و ابوه جه كذا مرة هنا بردوه من ساعة ما اتخطفتي وهو مش ساكت وعمال يتصل بده و يتصل بده وبيحاول يلقكي بكل الطرق
حورية ابتسمت... مش عارفة اشكره ازاي هو وعمار انا من غير عمار مكنش حد هيلقيني
انجي ابتسمت...... ربنا يخليكوا لبعض يارب ويسعدكم يابنتي
انجي برتباك... كنت عايزة اسألك سؤال انتي بجد موافقة علي عمار ولا وافقتي عليه علشان لقكي ولا علشان اية بظبط
حورية بدموع و ابتسامة..... انا اكتشفت ان عمار ده علي قد سنه الصغير الا انه ارجل واحد شوفته في حياتي كان دايما واقف جنبي ومسبنيش كان لما يشوفني حزينة يعمل المستحيل علشان يفرحني
كل مشكله كان بيلقي ليها حل حتي لو ملهاش كان بيتصرف و يفكر و يلقي حل
اتنازل عن حاجات كتير علشاني و خصوص لقب عيلته و اشتغل واتهان كذا مرة في الشغل رغم ان ابن صاحب الشركة ومش محتاج للشغل  حبني بجد و عمره في يوم ما زعليني مفقدش الامل انه يلقيني فضل يدور لغاية ما لقني عمره ما حسسني اني مش من مستوه بالعكس كان بيتعامل كانه فقير زي بظبط وعمري ما شكيت عمره حتي بعد ما حبني ما مسك ايدي ولا تخطي حدوده رغم ان ولاد الاغنياء دول الحياة بتبقي فري اوي عندهم عادي لكن هو عمره ما ايده مسكت ايدي
اي نعم كان بيعكسني بس مكنش بيتخطي حدوده
عمار ده هو الوحيد اللي يتحب هو ده اللي فهمني وفهمته انا مكنتش بحب ايهم تصدقي طول ما انا مخطوفة ايهم ده مجاش علي بالي انا اتوهمت اني بحب ايهم لكن انا محبتوش
محدش جه في بالي غير عمار وانا مخطوفة عمار بس اللي يستحق الحب انا بحب عمار بجد بس مكنتش عارفة قيمته لكن دلوقتي عرفتها
انجي برتباك.... طب و زياد
حورية باستغراب... ماله زياد
انجي برتباك... بيحبك
حورية بهدوء.... بس انا قولتله اكتر من مرة اني مش بحبه
انجي برتباك.... ده لما اتخطفتي اتجنن و نزل يدور عليكي و هدي صحبتي شافتيه يعني عمال يدور عليكي و كان حزين و بصراحة انا مكسوفة اوي منه ده غير انه كمل تعليم علشانك وعلشان بيحبك
ودخل كلية هندسة
حورية بصدمة... اتعلم و دخل هندسة بجد
انجي ابتسمت.... اه وقالي انه اتعلم علشانك علشان يشرفك دانا سمعت انه جاب 98 في المية مكنتش مصدقة لكن ابوه وزع شربات و طبق حلويات لكل الرجالة اللي في الورش جنبه
حورية اتنهدت وقالت... ربنا يرزقة ببنت الحلال لكن انا اخترت عمار لاني حبيته
انجي بهدوء.... ربنا يخليكم لبعض وميحرمكوش من بعض ابدا يا حبيبتي يلا كلي
....؟....؟......؟.........؟
في البيت عند عمار قام بكل نشاط و حماس و دخل اخد شاور وبعد شوية خرج ولبس لبس شيك جدا وسرح شعره ونزل وهو يدندن وشاف والده يجلس يقراء الجرنال واخته تجلس تاكل
عمار بابتسامة... صباح الخير
نور بابتسامة... صباح النور
وجية مردش
عمار بابتسامة قرب منه وقال... ما خلاص باقي يا بابا متزعلش مني مكنتش اقصد
وجية بضيق.. ازاي مش عايزني ازعل افترض حصلك حاجه هناك كنت عملت اية انا بقي يا سي عمار وعمر غلطان انه طوعك اصلا يا عمار
عمار ابتسم... انا اللي قولتله ميقولش ليك لاني كنت عارف انك هترفض اروح معاهم علشان كدة خبيت عليك بس اوعدك مش هتتكرر تاني وبعدين انا كويس و محصلش ليا اي حاجه مش هنروح نتقدم لحورية بقي يا بابا
وجية بهدوء... سامحتك وكنت عايز اتكلم في موضوع حورية ده كمان دلوقتي اقعد
عمار قلق ليكون ابوه عرف اللي حصل ليها... في اية
وجية بهدوء... شوف يا عمار بقول ناجل حكاية الخطوبة بتاعتكم دي شهر ولا حاجه لسه راجعة و الناس في منها اللي صدق انها كانت في المستشفى وناس تانية ممكن تقول كانت هربانة معه و يجوزهم لبعض بذات الطبقة المتوسطة دي تفكيرهم مختلف عننا يا عمار انا بقول ترحمها هي من كلامهم وهي كمان تكون ارتاحت نفسيا و جسديا من الحادثة اللي حصلت ليها و بعدين نروح نخطبها احنا نروح نتكلم بس مع مامتها و بعدين نتفق الخطوبة بعد شهر ولا حاجه منعا للكلام
عمار بضيق... طيب يا بابا
وجية بهدوء.... انا بعمل ده لمصلتها و مصلحتك يا عمار
عمار ابتسم.... عارف يا بابا
وجية بهدوء... طيب انا خارج رايح الشغل عايزين حاجه
عمار ابتسم.. ربنا معاك يا بابا
وجية قام.. ومعاكم يارب
نور بتوتر... بابا
وجية نظر لها بهتمام وقال... نعم
نور بتوتر... كنت عايزة اعمل شوبنج حضرتك عارف انا دخلة الكلية و محتاجة لبس و حاجات للكلية
وجية بهدوء... خدي عمر معاكي و متتأخريش و خدي بالك من نفسك ومفيش حد يقولك تعالي معايا لو قالتلك ابنها بيولع متروحيش مع حد بلاش تبقي ساذجة زي حوريه
نور بهدوء.. حاضر
وجية.. خرج بهدوء وقال لعمر.... معلش يا عمر. نور خارجة رايحة تعمل شوبنج روح معاها
عمر بصدمة.. نعم بس انا مليش في الشغله دي و مليش طول بال عليها الله يخليك خلي حد تاني من الرجالة
وجية ابتسم... شوف انا مش بامن لحد علي ولادي غيرك هما مجرد وافقين كدة علي البوابة انت دراعي اليمين هنا انا نفسي بكرة حكاية الشوبنج دي بس هنعمل اية بصراحة خايف عليها تتخطف زي ما حصل مع حورية وبنتي هبلة زيها واي حاجه بتصدقها
عمر ابتسم... اللي تؤمر بيه يا وجية بيه حاضر
وجية ابتسم... شكرا يا عمر انا تعبتك الفترة دي ممكن بعد ما ترجع من بره تاخد اجازة اسبوع ولا حاجه
عمر ابتسم... شكرا ياباشا
وجية ابتسم ليه وخرج بالعربية
وعمر بتزمر... ناقص انا كمان دلع ست نور 
نور كانت خلصت اكل وكانت متوتر من عمر وعمر قال بجدية... جاهزة
نور بتوتر... ايوة
عمر بجدية... اتفضلي اركبي
نور ركبت العربية ورا وهو ركب و قال.. اروح فين
نور بهدوء.. مول ****
عمر هز راسه وطلع علي المول
..،،.،.،..،.،.،.،،.،.،.،.،.،.،.
في البيت سهر كانت اشترت بيت تقعد فيه علشان متقلش علي اختها وجوزها
وكانت تبكي كلما تتذكر ما فعلته في حق نفسها و في حق ولادها
سهر ببكاء... استفدتي اية دلوقتي يا سهر من تكبرك و عندك معه طلقك و ورمكي رمية الكلاب
وكنتي عايزه تخليه يغير عليكي ويرجعك بموضوع يوسف لكن انتي اللي خسرتي و خسرتي كتير اوي يا سهر ورجعتي بتترجية يساعدك و من النصيبة اللي حتطيتي نفسك فيها لو كان قال لولادك علي اللي حصل كنتي في نظرهم هتبقي اية
لكن وجية جدع وراجل و مستحيل يعمل كدة مش حباً فيا لا ده ادب وشهامة واخلاق منه
كان نفسي يرجعني و اعيش تحت رجله خادمة واكتبلو كل ما املك بس يرجعني علي زمته انا بحبه وللهي بس مش عارفه عملت كدة ازاي وهو مستحيل يقبل يرجعني وهو حد غيره قرب مني مستحيل
وبكت بقهر وهي تضرب نفسها علي غبائها و ضعفها
..،..،.،.،..،.،.،...،.،.،..،.،
هنا ينتهي البارت اتمني ينال اعجابكم
ياتري كلام وجية صح ولا لأ