سارحٍ فكري معك ياعذاب المهتـّوي .
لِدرة علي
_________________________&
...هلا عمو
ساجر:كل الهلا والله
...عموو اريد اكلك شغلة
ساجر:كولي بوية شصار
..بديت اسولفلة الصار صفن وبعدهه اردف
ساجر:شوفي بنيتي ابتعدي عنهه ولتختلطين وياهه ولتخافين شيصير خيصير اني أعرف انتي منو وشنو تربيتج
..فدوة عمو شنو جنت راح اسوي لو انت ماموجود حتى أهلي ميسون الي سويته
ساجر:تعاي باباتي تعاي يروحي هو شكم ريمة عدنه وترى اهلج وراهم سر الي مخليهم هيج يتصرفون
وياج بس يجي يوم وينكشف مايضل شي مضموم
...عمو شسالفة هالموضوع طلع جديد شو قبل ماكو هيج حجي ؟
ساجر:ياعمو هواي شغلات الضاهر مضمومة وينراد واحد يستفسر وياهم وهسة ياعمو روحي صيحيلي سجاد
..رحت واني بالي انشغل بهاي السالفة شفت سجاد كاعد بالاستقبال يراسل أكيد جاي يطير فيل ع وحده من البنات هزيت راسي وحجيت
..جوجو عموو ساجر يريدك ع سريع
سجاد:وحمس مايجي منج اخبار حلوة بس الطلبات
...اهوو سجاد ونبي ضايجة وترى هسة ازعل
تقدم والخوف بين بملامحه
سجاد: شكو شبيج منو محاجيج؟
... محد بس اني مختنكة
سجاد:ريمتنا متأكدة شو وضعج معجبني خاف صاير شي
..توني اريد احجيله الموقف بس شفت لؤي اجه فغلست لايروح يكعدني
...مو اكلك ماكو شي وهسة روح لعموو
سجاد:يابة رايح رايح
لؤي:هلا ريم
...هلا خوية الله يساعدك
لؤي:يساعد بختج شكو ماكو شلونهه الكلية
... حلوة وهو أصلا اني رايحة بس ادرس
لؤي:عفية هو هذا المطلوب واي صداقات وزملاء وغيرهه وغيرهه مااريد
..تدلل...حجيت بكلبي لو يدري مصادقة سرى ودك سوالف شيسوي
وتوالت الأيام وكثرت المشاكل بيني وبين سميرة بحكم اني طالبة شاطرة وهية كذلك وعلاقتي بدت تزيد اني وسرى وحتى مرة رحت لبيتهم وحجيت
وي امهه وحبيت سوالفهه خاصة كلهن ع أهل البيت (عليهم السلام)بديت اتغير وبديت اهشق هاي
السوالف بحيث اريد بس اروح للكلية خاطر تسولفلي سرى
سرى:ها ريموو وين صفنتي
...دااشوف الأيام شلون تركض ولاعبالك صارلنه تقريباً صارلنه هواي ملتقين
سرى: دسكتي ياخية انتي ومشاكلكم المتكررة
..اي ياخية تدرين اريد اجيكم بس اخاف لؤي لو ابوي يحس
أنت تقرأ
غَياهب الأيهم
Actionفي أعصار يدور بمحور الدين يَنبت ويتولد حُب جديد ليكشف لنا حقائق وأسرار مؤلمة وَمفرحة لنكتشف من سيكون معنا ومن يتركنا وليس كل مانتمناه يتحقق فهناك اشياء تجلب لنا المشاكل والألم ليضهر لنا أيهمً قوياً وشجاعاً ويكون مخلص بحبهِ وسوف نتعلم منهُ الهدوء...
