غَياهب الأيهم

part 20

‏"أخاف أن يفنى بنا العمر ونحن نتخيل الأشياء على أمل أن تحدث، ولا تحدث."

                                     لِدرة علي

_________________________&
ريم
:-كعدت ونفس الروتين بس الي اتغير هو صار يكتلني ع أيي غلط بسيط وانوب المشاكل دااتزيد والضغط يزيد

ام جاسم:هييي انتي نضفي عدلل

:-عمه انكسر ضهري وهاي المرة الثالثة انضف

ام جاسم:عيارة نسوان بطليهه شوفي نضفي واسكتي يلا

:-حسبي الله ونعم الوكيل... طبعاً حجيتهه بگلبي خومااحجيهه كبالهه غير تكلبهه

مرت حماي:اكلج عيني راح اصعد نضفي وياج المواعين

:-ترى تعبانة مبية حيل اعذريني

مرت حماي:دروحي اني صاعدة عود

ام جاسم:انتي ليش المواعين هيج وصخة

:-مو علي ع منتهى بس صعدت ومغسلتهن

ام جاسم:يلا همي ايدج واغسليهن

:-ترى ميصير هيج ونبي تعبانة

ام جاسم: خل يجي رجلج واني اشوف شغلي

:-هفففف وين توصل بعد

:-دخل جاسم بلا سلام وكلام راد يصعد صاحت عمتي

ام جاسم:تفف على تربيتك اليدخل يكول السلام عليكم يكول صخام بوجهك عبالي ازوجك تركد وتعقل شو جبتهه ودحت بس شكول ع حضي

:-راحت وهية تحجي وتسب بجاسم الي وجهه احتقن بس عنده عادي متعود عفية كرامة شكد تتحمل

جاسم:وتاليهه شوكت امي تتعود ع وضع

:-لويش متبطل تروح يم اصدقاءك مثلاً تخليهم همه يجون...حجيت وياريتني محجيت ولاخليتهم يجون

جاسم صفن يفكر:خوش فكرة وين جانت عن بالي

:-تريد أكل؟

جاسم:لا مااريد راح انام نص ساعة هيج كعديني

:-تمام

مرت الأيام بين كل هالمشاكل وبين خروجة من البيت الي عمتي مازالات تضل تستقبلة من يجي بوقت متأخر ولهذا السبب كانت غرفة بصف غرفتي
رتبناهه الهم

بيوم اختنكت تذكرت أخر مرة رسلت بيهه الرسالة شنوو جان الرد

:-مساء الخير

'''مساء النور؟''

:-شلونك شخبارك عموو

'''الحمد الله صاير شي؟'''

:-مصاير بس مجرد حبيت اراسلك!!

'''غلط بنتي بعد لتراسلي انتي حالياً ع ذمة رجال وحتى لو ممتزوجة هم غلط وحرام

:-بس اني احب نصائحك وأحب احجي وياك

'''مقدر هالشي بس انتي بعد تعرفين الصح لذلك ابتعدي رجاءا