غَياهب الأيهم

part 21

من هَواهم شاب گلبي وشيبت .

                                              لِدرة علي

_________________________&

ريم

جاسم:هااايي شججااي يصير هنا!!!!!

رأسا فلتني وصار يمتمت بالكلام بس اني مااهتزيت كد شعرة لأن ممسوية شي

:-اشوفه تقدم وضربة بوكسي وذاك حاجا بس جاسم غلس وسكت

تقدم علي ورأسا ضربني راشدي استغربت لويش هيج سوة

:- هاي ليش ضربتني شنو عبالك اني فرحانة بالي صار؟

جاسم:لا بس اني كلتلج لاتطلعين ليش كسرتي كلمتي وطلعتي

:-نزلت لأن ردت اتزقنب معدتي ترجف من الجوع مجنت ادري أصدقاءك انبياء وهيج حيصير

جاسم:لسانج لا ارفسج رفسة تخليج گبل للنجف

:-يعني بكلشي ترجع علي حتى لو مغلطانة شلون بلة!!!!

جاسم:وتاليهه وي السانج وتااااللليي

:-ترى محجيت شي ليش تصيح هيج!!!!

تقدم وصار يكفخ بيه عاد لحيت اروح لأهلي رغم هناك هم مراح ارتاح بس شنسوي اغير من نفسيتي من اشوف عمو

جاسم:تريد تروح لأهلهه عتبي باب الشارع وشوفي

:-تركني وراح اني هم دخلت مرت فترة تقريباً وقلت جيات اصدقاءة صارو حتى ميباتون يعني مجرد يجون كم ساعة ويطلعون ارتاحيت من هالناحية

بس رغم ذلك جنت دائما الح علي خاطر أروح لأهلي ومجان يقبل بيوم اجه وكال

جاسم:هيي مو تردين ترحين لاهلج؟

:-ايي اريد وانت تدري

جاسم:المهم حضري نفسج خل اخذج وتضلي 3ايام هناك

:-انصدمت ليش مقبل كل هالفترة وليش هسة يخليني اروح جنت شاكة بشي بس كلت لويش اضن بالسوء خل اسوي الأمور طبيعية

رحت بدلت وحضرت اغراضي الي احتاجهم بهالكم يوم  خلصت ونزلت هم عمتي سمعتني كلام مااهتميت وطلعت خل اغير نفسيتي شوي

ام جاسم:درب الصد لارد كون روحي ولاتجين بعد

:-ديلا الي يسمعهه يكول ميته عليهه وع ابنهه المهم طلعت والطريق كلة جان هدوء ومحد حجة لمن وصلنة

جاسم: انزلي واني اجي اخذج ماشي

:-تمام...نزلني وراح عاد دكيت الباب طلعت امي

سهير:منوو اجيت اجيت منوو جاي يدك

:-كلت اني بس استغربت من فتحت الباب ولمحت نضرة حنية بعيونهه هاي النضرة سنين اتمنى اشوفهه واحضى بيهه بس شنو تغير يجوز يتهيألي