بينما أنت غارق في قلقك ، يدبر الله لك أمرك كله.
لِدرة علي
_________________________&
بس هذا منو شو أول مرة اشوفة هنا
زيد:هلا ريم تعالي بابا
يبوو وكتك استاذ
...احم احم تفضل استاذ
زيد:بابا أول شي سلمي على المحامي أيهم
... اويلي شوف الأسم لالا خل اصير ثكيلة
...السلام عليكم حضرة المحامي
أيهم:وعليكم السلام
زيد:وهسة بابا روحي وصلي ذن الأوراق للأدارة كوليلهم أريد دكتورة شذى وانطيهن الهه تمام
...تأمر استاذ
راح الأستاذ زيد وهو ضل يقرا بالأوراق حجه بدون ميرفع راسه
أيهم: اخذتي النصيحة....عفية شطورة خليج هيج تسمعين الكلام
حتى مااعرف اذا يحجي وياي أو لا لأن يقرا ومرفع عينه أبد عجيب هاي لو أني جان أمة محمد كلهه
تسمع حتى ترامب
خلة وراح واني هم رحت اكمل يومي بالجامعة عفية حياة يومية صدمة انوب تطورت صرت انصدم باليوم مرتين
سرى:ها ولج بذاته وين رحتي
...دولي غير رحت اشتري وبعدين صادفت استاذ زيد ودا بيدي غراض مكدرت ارده
سرى:ها ديلا خوش اكلج اتصل اخوي علي رح اطلع اني لأن آخر محاضرة مو مهمة
..براحتج..نلتقي باجر
بعد ماراحت سرى اجت مريم شكلهه غريب وتبجي
مريم:فدوة ريم فدوة اروحلج ساعديني
...اوكفي لحضة لحضة شساعدج مدكليلي
مريم:شوفي اني جانت عندي علاقة قبل وي وليد وهسة داايحاول يبتزني فدوة شوفيلي حل
..وانتي عفتي عباد الله ورحتي لوليد استغفر الله
لاخلق ولااخلاق يمعودة ششوفلج حل اني لمصايب لراسي ومعندي حل
مريم:لا فدوة ريم فدوة ساعديني
..جاي أرد عليهه وصلتني رسالة جاوبت عليهه ورديت لمريم
...امم شوفي انطيني وقت اشوفلج حل بس مو تورطيني مثل ذيج المرة
مريم:لا شورطج بس خلصيني
...اوك نشوف وهسة يلا اترخص رح اروح للبيت
مريم:الله وياج
رجعت للبيت وشفت البيت شبه فارغ رحت اركض لغرفة بابا ادور ع صندوق
وين رحت وينننن يعني صندوق كلك ع بعضك
صندوق وهيج تختفي ميصير ترى ميصير هفففف
رحت لغرفة عمو ساجر وهم دورتة ماكو
وكفت وصرت امسح بوجهي بتعب وين ادور وين هاي فرصتي الوحيدة ساعدني يالله صفنت
ياااااااييي لؤي لؤي واركض ادور بغرفة لؤي
أنت تقرأ
غَياهب الأيهم
Actionفي أعصار يدور بمحور الدين يَنبت ويتولد حُب جديد ليكشف لنا حقائق وأسرار مؤلمة وَمفرحة لنكتشف من سيكون معنا ومن يتركنا وليس كل مانتمناه يتحقق فهناك اشياء تجلب لنا المشاكل والألم ليضهر لنا أيهمً قوياً وشجاعاً ويكون مخلص بحبهِ وسوف نتعلم منهُ الهدوء...
