في مطار طفلة ماشية بكل اناقة و بكل اثارة تمشي وتميل بمشيتها الانثوية و جسم تاعها لي مفصل و بين لطاي تاعها لابسة لبسة جاتها بوبما اتيرات قاع لي كانو فمطار
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
حبست كي شافت عمها يسنا فيها نريمان: سلام عمي صافا لباس عمها(عبد الهادي): حمد لله ابنتي وانت لباس عليك نريمان: بيان حمد لله عبد الهادي: حمد لله و والديك ابنتي وقتاه يوصلو نريمان: غدوا اعمي خرج ليهم شغل انا سبقت و هوما غدوة يجيو مع مريم عبد الهادي: ربي يجسبهم على خير نشاء الله نريمان: نشاء الله ...... خرجو من مطار راحو ديراكت لفيلا تاع جدها لي عايشة لافامي تاعها كامل تما جدها و جدتها و عمها عبد الهادي و ولادو اما على بطلة فهي عاشت و تربات فالمانيا مع والديها و ختها زينب من دي كان في عمها عشر سنين و رجعو على خاطر جدها مريض هبطو يشوفوه بوها و ماماها كانو يجيو اما نريمان و مريم مكنوش يجيو غير خطرة في خمس سنين نعرفكم كتر على بطلة تاعنا شكلا و مضمونا نريمان عمرها 25سنة مهندسة ديكور عاشت 15 سنة فالمانيا عندها عقلية أجنبية و ستيل اجنبي كل شي فيها تاع اجانب متبانش دزيرية اصلا مهم قرات و ترابات تما صحابتها و صحابها من المانيا و ماشي كما قاع قصص زعما بطلة حامي كانت انكوبل ولا منعرف نو كانت انكوبل مامرة ما زوج و هي من نوع لي راسو يابس ولي في راسو في راسو انيقة متواضعة و حنينة و تموت على زكارة ......... فدخلة تاع لفيلا قدام باب كانت لافامي تسنا فيهم باه يدخلو و يشوفو ست الحسب و النسب تجي مشافوهاش هادي زمان مهم هبطت هيا لولة من طونوبيل و هبط معاها عمها عبد الهادي ودخلت سلمت عليهم ببوسان و تعناق و جدتها تبكي و تخنون على حفيدتها و هي تسكت فيها مهم سلمت عليهم كامل غير ولاد عمها زوج مكانش كاين غير ختهم سلسبيل صغيرة فلافامي عمرها 22 سنة مهم قعدت بطلة تاعنا فصالون حطولها تاكل كبرو بيها مام هي مكانتش من عاجزين تاكل وتقول ما كليت تكون خلقت في عام مجاعة جدة(ذهبية): ايوا احفيدتي واش احوال لباس نريمان: بيان حد لله اجدة جدة: حمد لله معييتيش فطريق نريمان: نو غير 3 سوايع مكان والو غمض عينك فتحا تلقا روحك فلالجيري جدة: الحمد لله تواحشناك ازين تاعي نريمان: والله مام انا تواحشتك والله جدة: وكان تواحشتينا وكان جيتي عندنا وانت اخر مرة جيتي فيها قبل خمس سنين نريمان: مع لقراية اجدة و خدمة وليسطاج جدة: و انت واش داك و كان جيتي عندي نتهلا فيك و زيد تخدمي مع عمك و ولادو نريمان: ماشي كيف كيف اجدة قرايتي و خدمتهم جدة: و الله يرضا عليك متزيديش تغبري علينا غيابك صعيب نريمان: انا او معاك اجدة منزيدش نغبر جدة: وهيه ازين تاعي منوياش تتزوجي نريمان: يهديك ربي اجدة مزولت صغيرة جدة: واش من صغيرة 25 سنة انا نهار كنت قدك كنت ولدت و خلصت ابنتي نريمان: جدة هداك في وقتكم وقتنا و وقتكم ماشي كيف كيف جدة: ياخي جيل ياخي و انا لي نربي بنتي هادو شهرين و نزوجها نشوف ولادها نريمان: الله يهديك اجدة نهار نزوج نقولكم و نجيبو ونجي جدة: واش لي تجيبي نريمان: لعريس جدة: من وين نريمان: من المانيا جدة: حي نندب عليا قالك المانيا بلاصتك معاي نتي هنا قدامي نريمان: الله يهديك اجدة حياتي كامل فالمانيا و مستقبل تاعي كامل تما واش من بلاصتي هنا جدة: والله لاكانت ليك تقعدي معاي معندكي وين تروحي تقعدي مع جداك حبيبتك نزوجوك مع وليدي يونس نريمان: شكون هذا يونس تاني مرت عمها(سهيلة): بني احبيبة نسيتي عليه نريمان: ااااا صيبو تفكرتو عندي بزاف مشفتوش علا بيها نسيت والله يهديك اجدة يونس بن عمي ما بينو و بيني والو منعرفوش ممبا كفاه مخدوم جدة: و زوجناكم كي كنتو صغار و نزووجوكم دوقا و نتوما كبار سلسبيل: جدة منيتك نريمان و يونس كما ماء و نار ميتوالموش جدة: وانت واش هدرك هدرت معا حفيدتي و انا لي نعرف صلاحهم سلسبيل: مع خويا لمعقد مشكيتش سهيلة: سلسبيييل ناريمان: كانت تاكل معلابالها بدنيا حاطة في راسها بلي جدتها اي تتمسخر معاها برك محبتش تكتر معاها هدرة جدة: و تاني لازمك تتعلمي طيبي الاكل تقليدي نريمان: وااا جدة انا جيت نصيف ما جيت نطيب و دوجا انا منعرف ندير والو ماشي تاع زواج ولا تاع كوزينة ما نصلح لوالو جدة: يا خلايا مرت بني ضيعتلي حفيدتي انا نعلمك نبداو من غدوة ناريمان: سلسبيل تقدري طلعيني لشمبرة تاعي عييت سلسبيل: داكور يلاه جدة: ايواهه يا بنت هم خليتيني نهدر وحدي و رحتي او يجي حسابك سهيلة: واش ايما من نيتك تزوجيها ليونس جدة: وي علاه سهيلة: والو طفلة الله يبارك زين ربي يحفظها من العين ماعندي مانقول بصح ايما انت تعرفي يونس تخمام تاعو و كفاه يخمم ناريمان امبوسيبل تقدر تعيش معاه هو منغلق و هي متحررة بزافف ابسط حاجة حوايجها ميتقبلهمش راكي كتشوفي ختو يشوفها غير لبست شوا معري يقلب علينا لقصر فما بالك مع مرتو جدة: ايواه وانا خيرتو هو من صغرو ليها يعني ليها مام هو حاطة في راسو غير هي انا علابالي بيه و تاني خليه يربيها هو لي يرضها لطريق سهيلة: مشكيتش جدة: سناي و شوفي ........... ناريمان: وانت اسلسبيل واش تقراي سلسبيل: انفورماتيك ناريمان: الله يبارك سلسبيل: يبارك فيك زين انا نخليك ترتاحي شوية ناريمان: مرسي باي باي نرقد شوية و نهبط عندكم دكور سلسبيل: داكور بون وي ****** عند البطل تاعنا يونس خدام من صباح حتى لعشية خلص خدما تاعو ناض ركب طونوبيل و رجع لدار كان رجل بكل معنى الكلمة جسم الرياضي و لباس و شعار و طول و زين مشاء الله . وصل دخل لدار سلم على موالين دار و هو طالع فدروج و هو يشوف طفلة هابطة فدروج بكل جمال واناقة شاف فيها من فوق لتحت و عرفها شكون وتبسم ابتسامة خفيفة مع زم فمو ليه ليه قبل ما تشوفو ناريمان: سلام واش انت هو يونس يونس: وي انا ابنة العم ناريمان:(سلمت عليه بلوجه) بونسوار لباس يونس: حمد لله وانت ناريمان: حمد لله انا نخليك دزقا مزروبة خارجة من بعد نقسرو اكي يونس: خارجة دوقا ناريمان: وي علاش يونس: راهي 7تاع لعشية ناريمان: وي نورمال و من بعد يونس: سبا نورمال راح لحال و زيد عليها رايحة بهاد لباس ناريمان: اولا انا كبيرة و مسؤولة على روحي وتانيا مزال حال بنسبة ليا و ثالثا نلبس واش نحب انا انت مدخلكش فيا .خلاتو وراحت و هو ولا يغلي باعصاب وجهو رجع حمر حمر طلع ديراكت لاشوبر تاعو يدوش هو من صغرو من نهار قالولو هادي هي مرتك صاي من نهار هداك يحبها غير هيا قصدي يعشق فيها مركري مشفهاش عشر سنين اخرة مرة جات فيها هي كان هو مكانش
