Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
كانت بدلت حوايجها ديجا و قاعدة تهدر مع صاحبها و صحابتها حتى عيطولها على جال لعشا هبطت و هي محاولاش تتلقاه ولا حتى تشوف فيه
قعدت و بدات تاكل مبعد ما سلمت عليهم حتى هدرت هي ناريمان: حبيت نقولكم حاجة الجد: تفضلي ابنتي ناريمان: كنت معولة تقعد فدزاير شهر مي خرجتلي طريق لازمني سمانة و نكون فلالمان الجد: كيفاه ابنتي مزال مشبعناش منك الجدة: علاه واش كاين ناريمان: الجدة ا جدة الخدمة الجدة: صباح برك كنتي نورمال ماكاين والو ناريمان: عيطولي قبيل و قالولي
يونس كان علابالو بلي بسبتو راجعة شحال من مرة دارتها و دير سبة بالخدمة ولا لقراية
الجد: متقدريش تقعدي شوية ناريمان: لا جدي سمحولي مرة خلاف نجي و نطول
سكتو و كملو الماكلة و قعدو مكسرين كما موالفين حتى كل واحد تفرق لبيت تاعو
كانت بدلت حوايجها لابسة شورط كحل مزير على لاطاي و تريكو قصير مبين سرتها و تخربش فتيليفون تسنا في كريس (صاحبها) يعيطلها حتى سمعت صوت دقان فلباب قالت دخل بلاما تشوف شكون بلا تبدل بوزيسيو تاعها (كانت راقدة على كرشها و رجاليها تلعب بيهم فلهوا)
دخل شافها هكدك بدا يحمحم و ندم عدي جا في وقت كما هذا ترمتها على برة و جسم تاعها كامل قدامو يونس: احم احم ناريمان ناريمان(سمعت صوت تاعو ناضت): وي يونس: حبيت نهدر معاك في حاجة ناريمان: وي تفضل يونس(شافها بلي محاولتش تستر روحها ولا حشمت معناتها بلي موالفة تلبس هكدا زاد طلعلو دم في راسو)
يونس من نوع لي يدقق و يشوف اي حاجة انت متتولهلهاش و هادي هي طبيعتو
يونس(بهدوء): علابالي بلي هدرة لي قولتيها قبيل فلعشا مكانش منها معندكش الخدمة انت برك لي حابة ترجعي ناريمان: نو يونس: سي خليني نكمل نعرفك كتر من روحك كلما تحسي بروحك ماشي مرتاحة في بلاصة تهربي منها و تحبيش تتعايش فيها ناريمان: من حقي يونس: من حقكك و ماجيتش نحاسبك مي جيت على جال جدة و جدي كانو بزاف فرحانين كي سمعو بلي راكي جاية بصح انت فسدتي فرحة تاعهم ناريمان: شافوني خلاص يونس: لي سونتيمو تاع بنادم ماشي لعبة سناوك بزاف و فلخر تجي تقعدي سمانة و تروحي ماشي حرام عليك ناريمان: مبغيتش نقعد يونس: شهر ما رايح ينقص فيك والو ناريمان: ميهمنيش يونس جا يهدر قاطعهم صوت بورطابل ناريمان راحت هزتو لقات اليكس عيطلها و يونس تاني شاف بلي راجل معيط عليها ناريمان: الا خلصت كلامك تقدر تخرج يونس شاف فيها مطول و كان بيدو و كان خلطها هنايا و كسرها هداك تيليفون نو و محشمتش و تخرج فيه و زيد على جال راجل
خرج و خلاها راسو رايح يهبل جا لعندها باه يهدر معاها بسياسة ماشي جدودو كانو فرحانين بيها و بسبتو هو تروح و تخليهم و زيد علاجالو هو مزال مشبعش منها صبح طالعلو لينير بسبتو كلما طول معاها قدما عرف بلي مزبلاتها و تدير غير شي لي ما يعجبوش استغفر مولاه وراح تكا في سريرو خدام غدوة
هي كملت هدرت مع اليكس كأن شي لم يكن ترومانسات و شبعت و غير لكلام رومانسي مع مزيج من الجرأة و بعدها راحت ترقد و هي تخمم في هدرة يونس و تشوكات منو كيفاه يعرفها بلي متحبش تواجه تحب تهرب مكانش علابالها بلي علابالو بأي حاجة تخصها كانت حاطة في بالها بلي هو بن عمها و خلاص و مع لعقلية دزيرية علابيها محرمها عليها هذا مكان مكانش حاطة في بالها بلي راهو مهبول عليها ماشي غير يحبها
