Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
و لبست فوقها بينوار تهبط و تنحيه بدات تعوم و هي حاسة براحة مع الماء البارد حابة برك ترقد و تقعد تما و زيد مع الحالة كالم استحلاتها قعدت زوج سوايع وهي تما ساعة تدخل و ساعة تخرج تبرونزي شوية
كان فالخدمة تاعو و اخيرا خلص كان نهار تاعو شارجي مع لعشية بسبت صباح مكانش حاضر خرج عيان حاب غير يرتح و ميسمع والو راسو ضارو وصل لدار طلع ديراكت لاشومبر تاعو لي كانت فليطاج لخري بدل حوايجو و لبس شورط و قعد عريان من فوق و خرج يشم لحوا من بالكو حتر شاف ست الحسن و هي تعوم و هداك الصدر و هديك ترمة و لفخاذ على برة بلاما يحس هبط ديراكت عندها كما راه بلاما يلبس فوقو
كانت تعوم حتى حست بواحد بلونجا عندها و خرج من الماء لقاتو يونس ضحكتلو في وجهو حسبالها مام هو ديكوثا و هبط يبرد معلابالهاش بلي هبط بسبتها عريان ما خممش ممبا
خرج من الما ديراكت قرب ليها حتى حاصرها مع حيط تاع لابيسين و بوتيغارد خصر عليهم خزرة وحدة كل واحد فهم و بعد من تم بلاما يهدر معاهم
يونس(بهدوء مع بحة): حابة تهبليني ناريمان: و علاه يونس: هابطة تعومي هكذا ناريمان: ما شافني حتى واحد يونس: و هدوك لي كانو لهيه ناريمان: بعاد و ديجا ميهمنيش يونس: انا يهمني ناريمان: و علاه يهمك يونس: اي حاجة تخصك يهمك ناريمان: يونس لي جاست تاعك يخليوني منرتاحش معاك سيلفوبلي متزيدش تدخل فيا يونس: شدي طريق منهدرش معاك ناريمان: ها دي هي طبيعتي منبدلهاش يونس: وانا نبدلك ناريمان: معندكش الحق يونس: سي ناريمان: و شكون انت يونس: يونس ناريمان : هههه ابن عمي و تقعد بن عمي ما عندك ما دير و ديجا بعد مني واش بيك حابسني فلحيط يونس: قعدي هنا نطلع نجيبلك حوايجك ونجي ناريمان: مزالني حابة نعوم ما حاباش نطلع ديكوثاج يونس: نهزك نطلع بيك ناريمان(بلونجات و خلاتو يهدر وحدو) شاف شاف فيها راسها يابس كمل يعوم معاها و هو عاس انكا يدخل كاش واحد و يشوفها شاد روحو بسيف عليها كيفاه وهي شبه معرية قدامو سترو ربي كان تحت الما و الما بارد يطفي نار لي حاس بيها لي يحبها قلبو و ميت عليها راهي قدامو و ما عندو ما يدير اسوء احساس و كلما يهدر معاها تقولو واش دخلك شكون انت عندها الحق شكون هو عامت و خلصت و جات طالعة حتى حبسها
يونس:سناي هنا نطلع نجيبلك حاجة ستري بسها راسك و بعد طلعي ناريمان: مطولش
طلع جابلها و هو مستغرب كيفاه كالم ليوم و ما عيطت ما خلاتو وراحت بالعكس هدرت معاه بسياسة و بالكالم
يونس: هاكي لبسي هادو ناريمان: من وين جبت روبة هادي ماشي تاعي يونس: من عند سلسبيل و لبسي و متسقسيش بزاف ناريمان(كانت روبة جبة تاع دار لي ما عندهاش حتى ستيل تقليدي في خزانتها)
لبستها و طلعت ديراكت دوشت بالماء سخون و شربت الدوا و بدلت حوايجها و هبطت تشوف واش كان لتحت و تاكل جاعت ولازم كرشها متفرغش سينو توجعها كلات و خرج للجردة لقات العائلة ماشي كامل قاعدين مقسرين قعدت تقسر معاهم
الجد: فؤاد وليدي مقريبش تزوج فؤاد(ضحك): مزالني صغير شوف مع يونس عبد الهادي:راسو يابس ناريمان(شافت في يونس و هدرت): المهم دير العرس فصيف باه نقدر نحضرلو
هدرتها جاتها نورمال و هي صح نورمال بصح بنسة ليه ولا لناس لي كانو تما نو و خاصة علابلهم بلي دايرها في بالو
الجدة: انت هي لعروسة كيفاه متحضريش ناريمان(ضحكت على هدرة جدتها): جدة مزالكي شادة فالهدرة هادي الجدة: واش تخيري على يونس ناريمان: جدة هدرة لي دارت بكري نسايها كانت تمسخيرة عبد الهادي(حمحم): كل واحد و مكتوبة و لي مكتبو ربي هو لي كاين
كان غير يشوف فيها ما نحاش عيناه من عليها و كان جات بيدو يروح يخطبها من عند عمو ديراكت و علابالو بلي عمو يقبل و ميردوش مي محبش علابالو بلي تكرهو و تكره حاجة تتسيف عليها ولا تحطها امام امر الواقع علابيها راهو صابر عليها و على هبالها مي جامي يخلي واحد يديها من بين يداه
كملو مقسرين حتى صونا تيليفون ناريمان قالتلهم تصبحو بخير و طلعت و يونس مخفاش عليه بلي نفس بنادم لي عيطلها لبارح هو لي عيطلها ليوم يموت و يعرف هذا شكون و شكون بنسبة ليها هي و كان يفيق ببي صاحبها والله يقتلها و ميزيدش يخمم فيها يروح ديراكت عند عمها و يخطبها من عندو كمل شوية معاهم و زاد طلع مام هو خدام غدوة
و هي كما العادة باتت سهرانة مع اليكس حتى بدا يطلع الصباح و راحت ترقد معلابالهاش بنار لي راهي تتحرق من وراها
