تملكني بجنون 🔥🥵

الجزء السابع..

ناضت صباح كما موالفة ناضت روطار و مرة هادي صح روطار ناضت على 12 هي بنسبة لها نورمال مي معلابالهاش بلي دار لي راهي فيها نو و لازمها تكون كما هما اي حاجة لازم دير معها حسابها

لبست حوايجها معلابالهاش بدنيا و معلاباهاش بيهم لبست و و جدت روحها حتى هبطت لتحت قريب الوحدة لقات خدمات بداو يحطو لغذاء فوق طابلة و هي مزال متفطرش حكمت خدامة و هدرت معاها

ناريمان(بدون مبلاة): حطيلي نفطر معاهم
خدامة(شافت فيها ): واش تحبي تاكلي مدموزيل ناريمان
ناريمان: كما العادة
خدامة: داكور
ناريمان( ضحكت معاها): مرسي
خدامة: بلا مزية خدمتي
و راحت و خلاتها تكمل خدمتها
ناريمان حكمت تيليفونها و بدات تخربش فيه و هي قاعدة فوق طابلة تسنى في فطورها يجيبوه و مكاين حتى واحد من غيرها على طابلة
جات الخدامة سرباتها بدات تاكل حتى بدات تشوف لافامي بداو يجيو و بدات تصبح عليهم كاين لي كمل ياكل نورمال و كاين لي شاف فيها و منبعد كمل ياكل و جداتها معجبهاش الحال راهي الوحدة اذن ظهر و ناس صلات و كاين لي تغذى و هي مزالها ممبا ما فطرتش علابلها باتت سهرانة ما فيهاش محبتش تهدر قدامهم قالت خلي تال تقعد هي و وياها وحداهم و تهدر معاها
لي كمل غذاه ناض و راح لخدمتو و لي كمل فطور خرج لجاردا يشم شوية تاع لهواء

ناريمان بدات تديكوثي وحداها صحابتها مكانش خدمة لي كانت معمرة بيها فيد والفت لخروج و دخول هنا صح تخرج مي ماشي كما لهيه و زيد هنا وحدها مام ختها و مكاينش علابلها بلي قريب تجي مي قاعدة تخمم في واش ضيع الوقت تاعها تفكرت لكارو عندها سمانة متكيفتش هي صح ماشي مدمنة تدخين مي لازمها تتكيف ساعات و دوقا هي نافحاتلها في كارو هزت روحها طلعت لفوق تبدل حوايجها و تروح تشري باكي و لا زوج
هبطت لتحت خرج بلاما تقول تال واحد حكمت طونوبيل و خرجت شرات واش حابة هي و حوست شوي منين وصلت خمسة رجعت لدار كانت ديجا كلات برا طلعت ديراكت لاشومبر تاعها بلاما تهدر مع تا واحد خبات واش شرات مليح علابالها بلي و كان يلقاوها بيه يقولو لبوها و يدور فيها حالة و لاليبارثي لي كان مدهالها ينحيهالها و هي محباش يصرالها هكذا
و هبطت عندهم لتحت باه مديرش شبوهات لعمرها
لقات نساء قاعدين مع بعضاهم كما موالفين و هي تكره تقعد معاهم هدرتهم غير على حوايج تافهة
قعدت قدام سلسبيل هي اموا طفلة كما هي و بدات تهدر معاها حتى قاطعتها جدتها

الجدة: ناريمان بنتي وين كنتي
ناريمان: كنت برة
الجدة: الله يرضيك ابنتي منين تخرجي مرة خلاف قوليلي باه منبقاش نخمم وين راكي
ناريمان: داكور اجدة مرة جاية نقولك
الجدة: وين روحتي
ناريمان( شحال تكره هذا سؤال): خرجت و رجعت
الجدة: انا قلت بلاك خصاتك حاجة منين تخصك قوليلي متحشميش
ناريمان: نو ربي يحفظك

و كمل كل واحد يهدر في مواضيع مختلفة حتى وصل وقت لعشاء ناضو ياكلو و بعد كل واحد راح لشمبرة تاعو ناريمان كملت سهرت مع سلسبيل و بعد كملتها مع اليكس جبدت كارو و بدات تتكيف و تهدر معاه و بعد راحت ترقد

هكذا عدات عنها ايامات و ايامات تنوض روطار تفطر و تقعد تدور و فليل تهدر مع اليكس و هكذا تا وصل نهار لي رايحين يجيو فيه عائلة تاعها على غير العادة ناضت بكري شوية دوشت و تزينت و لبست و هبطت لتحت تسنى فيهم يجيو و اخيرااا اموا متحسش روحها بلي وحداها مارغري ما كانو منقصينها من والو مي مكاينش كما والديك و ختك