طلعت حكمت بلاصتها و رقدت هانية مداتهاش في هدرتو يخبط راسو فلحيط ميهمهاش راي تاعو جات تحوس و تزها شي يامات مراحش يفسدهم عليها
اما هو مقدرش يرقد و هو يخمم وين كانت و واش كانت دير و مع من و شكون كان معاها تكيف زوج باكي دخان بسبتها ما حس تا شاف ضوء الشمس بدأ يطلع راح تكا و رقد لعله ينسى و ميخممش بزاف
طلع صباح كالعادة البطلة تاعنا تنوض روطار تلبس و تتمختر باه تهبط تفطر خدامة عيطولها قالولها بلي هي برك لي مزال تخص و ميقدروش يفطرو بلاما يكون واحد فيهم حاضر وها هي هابطة من دروج ماشية جهة الطابلة كانو صح يسناو فيها و مزالهم مبداوش الماكلة قعدت
نريمان ( بإبتسامة): صباح الخير الجميع: صباح النور الجد: كفاه صبحت حفيدتي ناريمان: حمد لله اجدي الجدة : وانت بارح مبنتيش طولتي بزاف برة واش صرالك و وين كنت و شكون كان معاك ناريمان(شحال تكره هادو ليكيستيو تكره واحد يدخل فيها محبتش تهدر بتاسمت و ردت عليها) ناريمان: جدة متقلقيش روحك دورت شوية و كنت مع ناس نعرفهم متخمميش بزاف كبيرة و نعرف صلاحي العم عبد الهادي (بهدوء هدر و هو ياكل): ردي بالك ابنتي هادي دزاير ماشي لالمان ناريمان ( دارتلو هيه براسها و سكتت و كملت تاكل) الجد (بجدية): و مرة خلاف قبل ما تخرجي قولينا متخليناش خايفين عليه ناريمان( بملل): داكور اجدي
كانت مراداش البال لهادوك لعينين لي من لي هبطت من دروج و هو يشوف فيها منحاش عيناه عليها
كانو ياكلو في صمت حتى هدرت سهيلة(ام يونس) سهيلة: يما واش رايك ندو ناريمان معانا الجدة: وي علابالي كنت رايحة نديها من لول ناريمان( هزت راسها فيهم): وين سهيلة: فامي تقربنا دايرين عراضة لنسا ناريمان (معجبهاش الحال تكره تجمعات تاع نساء و خاصة إذا كانو فيها النساء لكبار): لا مبغيتش الجدة: شاورتك تروحي بسيف ناريمان(بسياسة): وا جدة ما عندي ما ندير مع ناس منعرفهمش الجدة: اكزاكتومو علابيها رايحة نديك معاي باه تولي تعرفي عائلتك ناريمان(شافت فيها و زادت شافت فيهم كل واحد لاتي بفطورو واحد مدايها فيها اففت ملقات ما تقول) سهيلة: وجدي روحك ابنتي ناريمان: علاه على شحال هادي لعراضة سهيلة: عرضونا لغذا و على قهيرة ناريمان: اممم داكور
كملو فطورهم و كل واحد راح لشغلو و ناريمان طلعت لفوق و فتحت لي فاليز تاعها لعلها تلقى حاجة تناسب هادي لعراضة قررت تلبس كاجوال مع شوية كلاسيك
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ه
بطت من بعد ما صورت روحها و حطتها ستوري لقاتهم يسناو فيها لتحت و دائما و كالعادة هي لخرة
الجدة(داخل طونوبيل): و بنتي هديك كرش عندك على عام و هي معرية ناريمان: وااا جدة لامود لامودد الجدة: تفو انت ولامود تاعك شوفي ردي بالك كاش ما ديري قدام ناس ترزني و قولي غير لكلام رزين و متهزيش تيليفون بزاف ناريمان: ممم علابالي بلاما توصي
وصلو دخلو داخل رحبو بيهم كانت عائلة متوسطة العدد مكانوش في غاشي نو كانت مرت ابن عم اب يونس و بناتها ثلاثة و مرت خو راجلها و بناتها رحبوا بناريمان مرت ابن عم اب يونس (حنان): وا بنتي ناريمان واش حوالك هادي غيبة تواحشناك ناريمان(بإبتسامة): يتواحشك الخير و الله غير لباس حمد لله حنان: شفيتي عليا ناريمان: نو والله نسيت عندي بزاف مجيتش حنان: شفتي يا بنتي متزيديش تغبري علينا تا تنساينا انا مو تاع جواد لي كان يلعب معاك ناريمان(بإبتسامة): جواددددد اااا خلاص شفيت شفيت واش حالو تواحشتو الجدة(كانت قاعدة قدامها قرصتها من فخذها): حشمي ناريمان(مفهمتش): ايي جدة علاه واش درتلك حنان : ا يما خليها على راحتها جدة: تواحشتو هادي هدرة يهدروها ناس حنان: مترباتش كيفنا هي عندها نورمال متلوميهاش ناريمان: ما فيها والو بن عمي و تواحشتو هو برك لي كنت نلعب معاه ملي كنا صغار حنان(بإبتسامة): خودي راحتك
المهم فات الوقت نورمال تغداو و زادو فوتو معاهم لعشية بدا يظلام الحال رجع كل واحد لدارو
ناريمان (داخلة من لباب): افف وأخيراا عييت جامي نروح لعراضة مرة خلاف عييت الجدة(شدتها من يدها): ياااا بنت بني واش وصيتك قبل ما نروحو عند الناس رزنيي و هدري كلام موزون ناريمان: علاه واش قلت الجدة(قرصتها): تواحشتيه قلتيها و محشمتيش ناريمان: اييي يدي تسمع صوت جاي عندهم يونس: شكون تواحشت سهيلة(بضحكة): والو اوليدي الجدة: خليه يسمع قالك قالتلها لمرت عمك قدام عباد الله و امة محمد تواحشت بنها ناريمان(بعصبية): جدة زدتي فيها و بعد تواحشتو مكاين والو ماشي عيب تواحشت بن عمي حرام يونس(طلعلو دم لراسو): شكون فيهم ناريمان: جواد واش فيها يونس: انت تبالي متحشميش ناريمان: علاه نحشم درت حاجة نحشم بها يونس( ماشي رايح لها حبستو ماماه رجعتو لاريار) سهيلة: خطيك ا يونس ناريمان: ديجا انا طالعة فوق عييت حابة نرقد يونس: ماشي وقت رقاد ناريمان: يونس يقعد يونس على عام دخل روحك في حاجة متخصكش جدة: ناريماننن ناريمان: واش قلت تاني هو واش دخلو فيا وقتاه نرقد و شكون نتواحش و وقتاه نخرج ( خطرة هادي مقدرش يشد روحو قرب ليها حكمها من يدها و عيناه حومر يشوف في عيناها) يونس: هدرة مدخلنيش فيك نحيها من راسك و متخلينيش نغلط معاك ناريمان(بدات تعلي في صوتها): و شكون انت هاا شكون قولي يونس(بعياط كتر منها): ناريمانننن صوتك ميعلاش عليااا ناريمان( خلعها عيناه حومر و عروق تاع رقبتو بانو و شدة لي شادها و صوتو لخشين): طلقلي يدي وجعتني يونس: هدرة تاعي منعاودهاش دوفوا (طلقلها يدها و خرج) ناريمان: خالتي سهيلة قولي لولدك ميزيدش يدخل روحو فيا (طلعت و خلاتهم) سهيلة: يما علاه مبعدتيش عليها الجدة: خليهم بيناتهم سلسبيل: امبوسيبل يتفاهمو امبوسيبل خويا يقتلها ما فيهاش الجدة: سكتي خليه يربيها سهيلة: مي ماشي هكذا بهادي لافوصو رايح يهربها منو امبوسيبل تقبل بيه الجدة: ليام بيناتنا
ناريمان بدلت عليها و هي مزال طالعلها زبل منو كيفاه شدها و عيط عليها و مدارولو والو شكون هوووو واش دخلو دايما يديلها هكذاااا كرهت جد دزاير بسبتو من زمان من صغرها و يحرم عليها و يحلل كما يحب هوو ناريمان: خراااااااااااا زبل اففففففففف
