حُبك اعظم صدف عمري

P1

في المستشفى في الساعه7:00 انهيار عائلة الجامح بسبب خسارتهم لمنصبهم في التجاره وافلاسهم والانهيار الصحي للجد جامج
احمد و رائد يحاولوا يتوصلوا لشي يقدروا يقدموه في المحكمه كدليل يدين المتهمين في السرقه،و لاكن كل محاولاتهم تنتهي بفشل يكسرهم ويكسر ابوهم ،وانهيار عايلتهم في البيت من بكى وخوف وجهل!..يجهلوا وش بيكون مصيرهم بالايام القادمة وهل بتكون صعيبه او بتكون سهله،هل بيقدروا يرجعون ثروتهم؟
—————————
في مكان ثاني ومنطقه بعيده عن الرياض وعن عائلة الجامح في نجد العذية
في بيت الجد راجح
الساعه1:30 الضهر
على الغداء ،بين مزح رائد وضحك ريـان،وتأمل سهاج لحبيبته ،وهمس الثلاثي(ريف،ريهام،نور)،وابتسامات الجد لاحفاده ولجمعتهم حوله(الاحفاد دايم يجلسون مع بعض ،البنات يتغطون عن عيال عمهم بس الصفره دايم واحده)،وسوالف الجده مع كناينها
فجاة اتصال للجد راجح من رقم غريب
:السلام عليكم ورحمة الله وبركاته
راجح:وعليكم السلام ورحمة الله وبركاته
:العم راجح ولا انا غلطان؟
راجح:لا يابوك وصلت خير ،مين انت؟
:انا احمد ولد جامح ياعمي،عرفتني؟
الراجح:اي بالله عرفتك اشلون انساك ياولد رفيق الدرب،شلونك وشلون ابوك واخوانك واهلك عساكم بخير؟
احمد:والله ياعم ماعرف ايش اقول لك
الراجح بخوف وتغير نبره صوته للجديه:اشفيك ياولدي فيكم شي ابوك فيه شي؟
احمد:والله ياعم ابوي بالمستشفى
الراجح بفزه وخوف:وشو ،ليييه وشبلاه،صار له شي،انتم وين اللحين انا جاي
احمد:ياعم ابوي جاته جلطه بس ربي ستر الحمدلله
الراجح:من وشو هالجلطه،تكلم ياولدي تكلم
احمد:والله ياعمي كان في صفقه مسوينها مع مستثمرين اجانب ،وطلعوا وهميين وارسلوا لنا رابط شراكه دخلنا عليه وطار حلال ابوي كله
الراجح:لاحول ولاقوة الا بالله ،زين ياولدي ابوك وينه اللحين عساه قاعد تعطيني اكلمه
احمد:لاوالله ياعم ابوي باقي في المستشفى بكره الصباح يطلع ان شاء الله ،بس انا ادق ابي منك العون
الراجح بشوشه:ابشر والله بسعدك ،تبشرون بالخير ي ال جامح،امر ياولدي
احمد :ماتقصر يابو فهد ،اذا ماعليك امر وكلافه،نبيك ارسل احفادك لبيت ابوي ينظفونه ويرتبونه ،بكره ان شاء الله ماشين لنجد،ماعد لنا شي هنا نبقى له
الراجح:ابشر ياولدي،اللحين يروحون له وينظفونه ويرتبونه،افا عليك يابو نواف،دياركم تاسعكم نفداك
احمد بفرحه:ماتقصر ياعمي ماتقصر وافي وراعي جمايل الله يجمل ايامك،يالله ياعمي أنا أستأذنك تامر علي بشي؟
الراجح:لا يولدي الله يسر لك،طمني على ابوك
احمد :ابشر ياعمي،فمان الله
الراجح:فمان الكريم
فهد:يبه منو ذا اللي ادق هالحين وليه انفعلت كذا؟
الراجح:ياولدي ذا احمد ولد عمك جامح
سيف:والله،تشفيه عمي الجامح علشان انفعلت كذا يبه،عسى ماشر
الراجح بضيق طغى على ملامحه:عمكم الجامح صابته جلطه
فهد:لا اله الا الله
سيف:لاحول ولاقوة الا بالله ،من شنو يبه؟
الراجح:خسر كل ثروته،مابقي له الا هالسوق في الديره اضن بيشتغل فيه
نايف:يعني بيرجعون لديره؟
الراجح:اي،ويا عيال جدكم جامح بكره جاي الديره،داقين علي يبون تروحون تنظفون لهم بيتهم،شدوا الهمه وتعاونوا
روحوا من اللحين قبل تغرب الشمس
ريان:ياجدي الله يهديك اللحين في عز القايله ؟
الراجح:علشان يمديكم تقضون من الشغل بدري ياولدي
رابح:ابشر ياجدي نخلص غدانا ونروح نبيض وجهك ماعليك
الراجح:بيض الله وجهك يابو ريان،وانتم يابنات لاتقصرون
فرح:افا عليك يبه،تحسب هالشوارب تقدر علينا
كلهم ضحكوا على عفويه فرح بالكلام،وفهموا انها تحاول تخلي ابوها ينبسط ومايفكر في صديقه ويتعب
ريهام:ابشر ياجدي الحلو باللي يرضيك،نبيض وجهك بس نبي الشباب يوصلون الماء ببيتهم علشان ننظفه
سهاج بسرعه:ابشري ع خشمي ياريهام أءاء قصدي ياجدي انا باوصل الماء بييتهم لانو كلام ريهام صحيح ،علشان يمدينا ننظف بسرعه
الراجح:خلاص ياولدي اذا خلصت كلم الوايت يجي يعبي الماء،انا باروح اخذ لي غفوه بعدين اطلع للسوق ،وانت يافهد روح انت واخوانك خذوا لكم غفوه العصر نروح للسوق وابي لنا ذبيحه لعمك بكره لاجاء
فهد:ابشر يبه
الرابح:يالله اذا خلصت يا سهاج كلم الوايت، واذا عبى دق علينا نروح
سهاج:ابشر،من عيوني حبيبي
رابح ناضره بطرف عينه وضحك:تسلم عيونك حبيبي
والباقين يضحكوا ع خبالهم اذا فصلوا
ريهام بضحك:هاذا وهم باقي ماطلعوا بالشمس او طلعوا وش يصير فيهم ،يجنوا ههههههههههههه
سهاج بتنهيدة طويله وبابتسامه شاقه وجهه من كلامها:اهخخخ،اي والله نجن
ريهام سكتت واستحت وابتسمت ابتسامه خفيفه
ريان بتدارك:يالله يالله ماعاد معانا وقت
سهاج استوعب:اي اي يالله

اكمل بالبارت الجاي اتمنى يعجبكم مبدائيا ،واحصل دعم تحفيزي
.....
هاهو حلمي يصبح حقيقه،واصبح من قارئة تقراء بصمت الى كاتبه تسعى لنشر كتاباتها🤍🤍.