حُبك اعظم صدف عمري

P6

وراحوا للبقاله وصلوا ورحب بهم العم سالم اللي كان هو صاحب البقاله ،اشتروا اغراضهم وهم راجعين طلعت لهم سيارة وامنوا خايفات خصوصا انو ماحد يعرف بخروجهم بهالحزه
فجاه وقفت السياره ونزل صاحبها والصدمه اما عرفوا من يكون
فرح بتوتر وربكه:يمه بنات ذا فلاح
ريهام بخوف احاول تخفيه:واضح انه مب صاحي ولا بوعيه،خلونا نستعجل قبل حد يشوفنا
الكل ايدوها
مشى لهم فلاح بسرعه مترنحه:هي يانوري حبيبتي وين بتروحين
مسك نور من يدها وجر نقابها وطيحه بالارض،اههخ يانوري كيف انتي تسذا حلوه وكيف سرقتي قلبي
نور وهي ترجف من رهابه الموقف:اءاءءا اتركو اتركني لاتقرب
فجاه فرح لمحت فيصل ووهاج جايين وركضت لهم:وهاج فيصل لحقوا علينا
فيصل بخوف عليها:اشفيتس
وهاج:اشفيتس ماتنطقين وش صار حد صار له شي
فرح :هالمجنون فلاح ماسك نور ويحاول تحرش فيها
وهاج حي بخوف كبير على حب طفولته اللي ما احد يعرف فيه:وشو وش تقولين انتي وينها
فرح وهي تأشر على مكانهم:والبنات هناك قاعدات يحاولون يوخرون فلاح بس بدون اي فايده
ركض وهاج لنور:وهو يغطيها بعمامته ،لا ياكلب تتحرش باهلي ومحارميي وطاح فيه ضرب وبمعاناه قدر فيصل يفكه منه وهو يحاول يهديه
فيصل بعصبيه بوجه وهاج:صاحي انت تقتله وتوسخ يدك فيه اسمع رح وّد البنات للبيت وتعال لي سريع
وهاج بعد ما استغفر وهدي شوي:يلا انتي وهي ولا اسمع خرف واحد تروحوا للبيت وانثبروا هناك ولا تقولوا لاحد عن اللي صار تسمعون؟
البنات ساكتات
وهاج بنرفزه وصوت اعلى:تسمعون؟؟؟؟
البنات بخوف:اي اي نسمع
وداهم للبيت وقال لفرح تنتبه لنور.
رجع وهاج لفيصل وحصله مربط فلاح بخيل ومركبه في صندوق(حوض)سيارتة
فيصل:وهاج اسمع هالوسخ تحرش باهلنا مستحيل نخليه كذا بس اكيد مارح نقتله بس عندي لك حل
وهاج ولسا ماشفى غليله من هالخسيس:وشو حلك؟
نوديه للبر ونخليه عند العامل اللي نعرفه هناك ونربطه وبس نمره نعطيه اكل ونمشي، لمده اسبوع نربيه نخليه يتعلم الرجوله ثم نرجعه
وهاج باقتناع :بس وش نقول لسيف؟
فيصل:ياخوي سيف واحد طيب ولو قلنا له بيوافق بس اكيد مارح نحرجه بسبب اخوه وفعايله ،وبعدين سيف يعرف ان اخوه دايم كذا مايجلس يغيب بالاسابيع والشهور
وهاج:تم امش نوديه
فيصل:يلا
بعد ماودوه ورجعوا كل واحد فيهم دخل بيته
وهاج دق ع فرح تجي له السطح
فرح وهي خايف من وهاج:هلا وهاج
وهاج:ابيك تقولي لنور اني ابي اكلمها
فرح:ليه؟
وهاج:وشو ليه؟ ابيها ضروري
فرح :طيب باشوفها بس ما اضمن لك انها توافق
وهاج:فروح حاولي معاها
فرح:تمام
نزلت فرح وراحت لغرفه نور:نور حبيبتي افتحي لي انا فرح
نور:هلا فرح
فرح:نور عيوني وهاج فوق يبي يكلمك
نور:ليه؟
فرح:ما ادري
نور: مستحيل اكلمه ووحدنا كمان بدون محرم مستحيل
فرح:تمام براحتك بس وصلت لك كلامة
طلعت فرح وهي ادق ع وهاج :هلا
فرح:مارضيت تطلع لك واقول مستحيل اجلس معاه ووحدنا بدون محرم
وهاج بتنهيدة:طيب اعطيني رقمها،باقول لها كلام
فرح :بسالها ممكن ماتوافق
وهاج:مارح توافق لا تساليها بس عطيني وانا اتفاهم معاها
فرح :طيب برسل لك ع الواتس
وهاج:أنتظرتس
وبعد اقول من دقيقتين وصلة رقمها ودخل عليه
وبدا يكتب وكان مضمون رسالته
<السلام عليكم
كيف حالتس؟
اسف لو صارخت عليتس اليوم بس والله من خوفي وحرصي عليتس في الاخير انتي من اهلي ومحارمي ويحق لي اغارعلى محارمي من الغريب، انه يكون قريب منتس لذي الدرجه،وغير كذا خفت عليتس وعلى نفسيتس،باقولها لتس من الاخر يانور انا باطلع لتس كل اللي بقلبي من طفولتي للحين ،والله ثم والله وربي شاهد على كل حرف رح اكتب لتس ووالله واني بكاذب عليتس ولا بحرف
،يوم ولدتي كان عمري مايتعدى 5 سنوات كنت توني ورع اصغير،بس كنت احب اجي واوقف فوق راستس وابوس راستس وكنت احبتس بين كل الاطفال،كنت اموت عليتس ولما بديتي شوي شوي تكبرين كنت انتبه لتس وأخاف عليتس وما اخلي احد يقرب لتس او يضربتس وكنت اتهاوش مع عيال الديرة اذا بكوتس ،كنت احسب ان ذي المشاعر كلها بس في عمر طفل صغير مايفهم ولا يعرف كثير لاكن في كل عمر كنت ادخله كان حبتس بقلبي يكبر معه،حبتس تمكن من ضلوع قلبي ،ابيتس تعرفين ان الطفل الصغير اللي كان يحبتس زاد حبه في قلبه لتس وكبر وكبر الحب معه،لاتفهميني غلط واعرفي اني ما ابيتس بالحرام ابيتس بالحلال زوجه لي وام لعيالي ،استودعتك الله الذي لا تضيع ودائعه انتبهي لنفستس🤍🤍)
رجع قراء الرساله اكثر من مره علشان يتاكد انه ماغلط بولا حرف واخيرا قرر يرسلها لها،ارسلها وقام توضى واخذ له ركعتين دعاء فيها ونام
اما بالنسبه لنور فـ....

———
لو حدث اي خطاء املائي فاعتذر🤍