حُبك اعظم صدف عمري

P3

في الصباح 5:10 am

بيت ال جامح

ابو نواف :هاياعيال خلصتم اغراضكم وتأكدتم من كل شي؟
الكل بصوت موحد:اي
سياره احمد(ابو نواف) : فيها امه وابوه وام نواف وهدى زوجة اخوه سلطان .
سياره رائد: معاه اخواته حصه ووضحى.
سياره فارس: فيها اسما واسرار وتنوف و هتان.
سياره فيصل:فيها ترف و ديم ونجود .
سياره عاصف:عاصف وعروب.
سياره نواف:نواف وزوجته(نجد)
والباقين كل احد بسيارته

———

بعيد وفي ديرة نجد العذية

5:45am

الراجح:يالله ياعيالي قومو للصلاه،وانجزوا اشغالكم
وهاج:سم ياجدي،رح انت خمس دقايق واسطرهم لك كلهم عند الباب
الراجح بابتسامه:الله يرضى عليك ياولدي
طلع الجد وفز وهاج توضى وصلى ودخل المجلس
وهاج:قم قم انت وياه قام عصبكم ،جدي له ساعه يقعد فيكم مافي واحد قام على حيله ،قوموا لابارك الله فيكم
سهاج بأنزعاج:ياخوي وراك تصايح مع هالفجريه،خلنا نرتاح
وهاج:اقول قم بس ،ارتاح وجدك يشقى ياقليل الاصل،شف انت وياه لو جيت من عند امي ومالقيتكم قمتم والله ثم والله لاروشكم مثل هذيك المره
وهاج طلع لامه وترك الشباب خلفه يتحلطمون
رائد:باليل هالشايب الصغير وراه مو تاركنا نرقد رقاد المسلمين
ريان:اقول خل نقوم بس لايعطينا شور جماعي مع هالفجر
سهاج:هي انت وياه لو سكتم كان هاللحين اخذنا لنا غفوه كم دقيقه،قوموا لابارك الله فيكم ولا في اللي ينام معاكم
راشد:اللي يسمعك هاللحين يقول انك عندك غرفه بروحك،تراك مالك الا هالمجلس يضفك احمد ربك بس وعظ ع شحمه وقوموا خلونا مصلي ونلحق ع اشغالنا قبل يأصل جدي الجامح

الراجح:ياعيالي انجزوا من فطوركم وروحوا لاشغالكم الي وصيتكم عليها،جدكم الجامح مشى من الرياض قبل نص ساعة
رابح ووهاج بصوت واحد:ابشر ياجدي اللحين اذا خلصنا فطورنا نتوزع ع اشغالنا
الراجح:الله يرضى عليكم ياعيالي

في العزبه
ريان:ياخي احس كان اما سنين ماطبيناها من هالغبار
سهاج:والله انك صادق تونا ماكملنا اسبوع من اخر مره جينا
ريان:انا والله مو راحم غير العمال
سهاج:حبيبي ريان ، اضن لو نترك السوالف اللحين ونركز يشغلنا افضل بكثير من انو ننجلد من رابح ووهاج صح؟
ريان بضحكة:اي والله ،ننجز ولا بيخلونا احنا العشاء

—

في الحاره:راشد ورائد ،ماخلوا بيت بالحاره ماعزموه بوصايه من جدهم،خلصوا وراحوا لعيال جيرانهم يعلقون زينه الحاره ويظبطونها

—

في المصلخه
رابح ووهاج وصوت العامل زين انو العشاء الساع 9:30 يكون جاهز