حُبك اعظم صدف عمري

P5

—

7:30 am
في العزبة(الشباب)

سهاج:زين والله انو دخلنا ذي الخيمه وخلينا الشيبان وحدهم
ريان:اي وراك كلام انت وابي تتنشد
فراس:الله ياشباب والله اشتقت لجلساتها وسوالفنا والزمان والسوق والديره
عاصف:اي والله صدق اشتقت لها ،كنا كل اجازه نجي مع الوالد الله يرحمه واللحين احبها بعد مامرت ثلاث سنين
وهاج بحزن على صديقه العزيز:والله ياعاصف ماهو تقليل بالشباب اللي هنا كُلهم،لاكن انت ورباح عندي بالدنيا ياخي اشتقت لكل شي بيننا حتى لما يعصبون علينا اجدادنا ههههههههه
رابح:اي والله انك صادق ياوهاج اشتقنا لذيك الايام، وماننسى الجلسه في عزبه سيف
(سيف هو ولد احد اصدقاء الجد راجح والجد جامح وابوها ميت، عمرة (٢٦) انسان طيب والكل يحبه ودايم يحب يساعد غيره وكل اهل قريبته وجماعته تحبه،يعيش معهم بالديره هو وامه عليا واخته بشاير واخوه فلاح طبعاً اخوه فلاح عكسه تماما عمرة (٣٢) انسان مستهتر وسكير ومن مصيبه لمصيبه ويحب نور بنت سيف الراجح)
نرجع للشباب

—
سيف :وبمناسبه جيه اخواني ال جامح تعالوا الليل اخر الليل سمره ودقه عود مع الصوت الجشي راشد وفارس.
فارس بضحكه:ههههههههه انا صوتي جشي والله انك فيك شي يابو سعد ،صوتي نشاز
سيف:عيب عليك يارجال قسم ان صوتك صرب يطرب كل من يسمعه
فيصل:يابو سعد لاترفع له بكره يزعجنا ههههههههههههههه
عاصف:اي والله صادق بكره يستغل صوته وكل مابغى يزعجنا دق العود وازعجنا
فارس:ه ه ه ياسخيف انت وياه انا عمكم احترموني مو لامي بعمركم وعطيتكم وجه تقومون تفلونها
عاصف وفيصل بوقت واحد وضحك: هههههههههههههههههههههههه ، عمنا اللي اصغغرررر منننناا
الكل بالجلطه فكوها ضحك على وجهه فارس
رابح :اقول يا سهاج وريان روحوا شوفوا العشاء وودوه للحريم
ال جامح بفزه:كلنا بنساعد
رابح:الله يقويكم،تحسبون برفض هالعرض ههههههههههههه
سعود بضحكه:ههههههههههه خسيس والله
وهاج:يلا نمشي نصرف العشاء وثلاثه يروحون يودونها الحريم وينزلونها لهم ونزلوا العصيرات والمويه والفواكه الحريم مو تنسون
فيصل ووهاج وعاصف
راحوا بالعشاء للحريم
في السياره
فيصل:وهاج دق ع اهلك يفتحون الباب ويجهزون السفره للعشاء
وهاج:قاعده ادق ع العنود ولا الهنوف ماحد يرد
عاصف:اكيد الباب مفتوح ماعليكم
وهاج :ما اضن هم يدرون انو الرجال في العزبه واذا بغينا شي ندق عليهم،مالي الا ادق ع فرح
فيصل فز قلبة لاسمها وحاول يخفي ابتسامته:اي دق الله يرضى لي عليك لاينتاخر ويعصبون علينا اجدادي
وهاج:شكل حتى هي مابترد علي
فرح ع الجوال:هلا وهوجي
وهاج بابتسامه:هلا فروحتي، حبيبتي فرح بالله افتحي الباب وافرشوا السفر،جايين انا وفيصل وعاصف بالعشاء وجهزي لي شويه سكر انتهى السكر من العزبه ونبي للشاهي
فرح بفرحه بأسم حبها:ابشر ي عيوني اللحين نجهز كل شي
وقف السياره:يالله يافيصل انت دخل الكراتين والفواكه وانا وعاصف العشاء
فيصل:ابشر
بدوا يدخلوا الاكل
فرح من وراء فيصل وهي اللي كانت تفكره وهاج:وهاجي حبيبي امسك هاذا هو السكر وانتبه لابوي وحدي جامح لايكثرون فيه يتعبون
فيصل يتوتر انا داهمه ريح عطرها وصوتها وهو يخترق قلبه قبل سمعه:شلونتس يابنت راجح؟
فرح بتوتر:اءاءااااء في فيصل...الحمدلله بخير وانت؟
فيصل :بخير دامتس بخير ،ادخلي جوه قبل يجي احد ويشوفتس، حطي السكر بالارض وانا باخذه
فرح:طيب
(كل هاللي صار وهو لاف وجهه يعني ماشافها وهي دخلت وراء الباب)
فيصل اخذ السكر وهو السعاده تمكنت من قلبه:وهاج ياولد
وهاج:هلا
فيصل اعطاه السكر :خذ حطوه اهلك عند الباب
وهاج:ماقصرت الله يسعدك
فيصل :افا عليك
عاصف من خلفهم:يلا خلصنا