حُبك اعظم صدف عمري

P7

—

نور:غريب!وش يبي وهاج اللحين معقوله بعد يبي يصارخ علي؟،لا ما اضن بس ممكن في لحضه خوف صارخ ماقصده شي اكيد،اوووف ياربي لو ما كان وهاج وفيصل موجودين اليوم وش كان صار لي!!
وهاج يفكر:معقوله قراتها؟وش بترد علي ،يارب يارب اجمعني بها بحلالك وابعدنا عن الحرام ياربي لاتفجعني فيها
نور:قامت تتروش وطلعت عند البنات حصلتهم ناموا كلهم عدى ريف
ريف:نور!وش فيتس لين الحين مانمتي؟؟
نور:عطشانه وابي مويه وبرجع انخمد
ريف بابتسامه:وراتس معصبه تسذا؟
نور:الصراحه حسيت صراخ وهاج مبالغ فيه صح؟؟
ريف :احس ماقصده شي لاتفهمي عليه غلط ممكن خاف انو صار لتس شي او توتر ماتعرفي
نور:اي بس احس مادري شلون حسيته جرحني
ريف:بسألتس اذا عادي
نور:وشو؟
ريف:ماحسيتي من خوفه وركبته وكلامه انو قصده شي؟
نور باستغراب :لا ما ادري ماحسيت بشي،وبعدين انتي وش قصدتس شي مثل ايش؟
ريف:هل لا لا ولا شي بس تسذا هرج
نور صغرت عيونها:اهم بس تسذا هرج اجل!
ريف بضحكه على حركتها:ههههههههههه اقول تعالي كلي معي اندومي ونروح ننخمد
نور:لا بالعافيه عليتس باروح انام ،تصبحي على خير حبي (رمت لها بوسه بالهواء )
ريف :يعافيتس،وانتي من اهل الخير

5:00Am
الجد دخل المجلس على الشباب
الجد دق عصاته بالباب:يالله ياولد انت وياه قوموا صلوا ثم ارجعوا ناموا
فيصل:ابشر ياجدي (فيصل رجع هو ووهاج متاخر علشان كذا نام معاهم،واصلا هم متعودين من وهم صغار يناموا عند بعض فـ لاتستغربوا اذا شفتوهم نايمين عن بعض سوا البنات او الشباب:
رابح:طيب
وهاج:سّم
ريان:هم امم طيب طيب
قاموا رابح وفيصل ووهاج وريان توضوا ورجعوا للشباب حصولهم نايمين
ريان بضحكه بخبث:شباب ،وش رايكم اجيب لكم مسدس مويه ونرش عليهم هههههههههه
فيصل ووهاج:هههههههههههههههههههه رح رح جبها وعبها بسرعه
رابح:هههههههه انا بسبقكم مع جدي روشوهم وجيبوهم
راح ريان يجيب المسدسات ويعبيها
ريان:يالله نداهمهم هههههههههه
وهاج راح لرائد:بدا يرش على خشمه واذنه ووجهه لين قام وبدا يقوموا الشباب الا واحد
ريان:وش ذا البغل مايحس مشى لراشد وجلس عنده وشافه غرقان بنومه ،شال عن جسمه البطانيه والكل يناضر فيه واللي يضحك واللي طلع يتوضى رش المويه على سروال راشد وقام ورجع البطانيه وجاء يصحيه راشد راشد قم صل الكل قام الا انت
راشد حس بشي على سروال وقال:قمت روحوا انتم وانا بتروش و بلحقكم
سهاج قال باسلوب طفش:مايحتاج تتروش قم توضى وامش باقي نرجع ننام
راشد بورطه:لا لا ابي اتروش
رائد يكتم ضحكته:ياخي انت اكثر واحد ماتحب تتروش الفجر قم اترك الكذب وسحب البطانيه والكل شهق بتمثيل
سهاج بتمثيل الصدمه:راشد طلعت تسويها على نفسك
فيصل : هاذا وانت وش كبرك وش خليت للوغدان
وهاج:قم الله يهديك تروش واللحقنا
راشد بفشله واحراج:كل تبن انت وياه والله ماسويتها استحوا على وجيهكم
سهاج وريان ماقدروا يمسكوا نفسهم وانفجروا يضحكوا على ملامحه:هههههههههههههههههههههههههههههههههههههههه
ريان :شوفوا ياشباب كيف تقلب وجهه ههههههههههه
سهاج وهو يمسك بطنه: الله يقلع ابليسك ياريان ههههههههههههههه
انفجر الكل يضحكون...فجاءه الكل سكت لما دخل عليهم الجد راجح وملامحه تكسيها العصبيه:سود الله وجيهكم يالسلوقيين ،كل هالضحك ولا احد فيكم مشى يصلي غير رابح وهاج وفيصل(وهاج وفيصل انسحبوا ومشوا للمسجد وصلوا بالصف الاخير علشان الجد مايركز عليهم انهم تاخروا)اردف الجد بعصبيه: صدق ماعرفت اربي وبعدين وش سبب هالضحك؟؟؟؟
الكل اشروا بربكه:كلها من ريان ياجدي مسوي مقالب مع هالصباح
الجد:ووش هالمقلب هاه؟؟
رائد بمحاول لكتم ضحكته بدا يسرد للجد كل شيي
الجد بمحاول لمسك ضحكته قوموا صلوا يالله
فيصل وهو يهدى من ضحكه:اجل انا أستأذنكم باروح
الجد راجح:ياولدي يافيصل
فيصل:سم ياجدي
الجد راجح:قل لجدك واهلك يجون للدكه يفطرون معي
فيصل: ابشر ياجدي ،تامر شي ثاني ولا اروح
الجد بابتسامه:لا ياولدي الله يستر عليك

___________________________
اعتذر عن اي خطاء املائي🥹