صعب اصعب شي بل حياة انو الزمن يخيرك بين أهلك وبين شخص الشخص ألي مستعد توكف بوجه الدنيا حتئ تحصل على وبل أخر يصير شي انت ممتوقعه وتفقد الطرفين وكل شي بحياتك يتحول الى ذكريات بلحظات يختفي كلُ شي وتحس جانو منتظرين هل يوم ألي تفقد بي الشخص الي حاربت الدنيا علموده حتى يتشمتون بيك وبجرحك بس ارجع واكول الله ماينسهاحد ولابدُ أن يبعث شخص يطيب جروحك ويهتم بك ويرسم الابتسامه على وجهك ( ولهنا همام حجالنه الي بداخله وهسه نبدي نتعرف عليهوم)
:البطل؛
سلام عليكم اني اسمي همام عمري 24طالب في جامعة
بغداد وهاي اخر مرحله واتخرج گاعد بشقه اهلي عاشين
بل بصره وابويه؛شيخ عشيره وكلمته متصير ثنين
خلي اعرفكوم عن اهلي
الاب: شيخ حازم
الام : الشيخه أمل
الابن : علي الشيخ من بعد ابويه
زوجت علي : زينب
الابن ثاني :حسين
الابن الثالث :همام
ََََََ،،،،................................ (خلي نتعرف عل بطله)
سلام عليكم : اني ليلى من بغداد عمري 23 الوحيده الاهلي ادرس في جامعة بغداد وهاي اخر مرحله واتخرج.
ألاب :محمد موظف
الام: فرح معلمه
،....................................... (في مكان أخر )
همام : خلصت المحاظره ورحت للحديقه يم ليلى
وصلت يمها وهيه مدنگه تقره وكلت سلام عليكم
ليلى : هلابيك شونك اليوم وشلونها المحاظره
همام : الحمدلله بخير وانتي شونج شخبارج
ليلى : الحمدالله بخير باجر تداوم موو
همام : انشالله من تخلص المحاظره نلتقي هنا
ليلى : ماشي
همام : في أمان الله
ليلى :الله وياك
..................... (همام)
رجعت للشقه سبحت ونمت للساعه 07:00 گعدة
تعشيت وقريت ومر اليوم عادي نفس روتين كل يوم.
الصبح بدلت ورحت للجامعه اتمشه لين قريبه عل شقتي وصلت ورحت المحاظره كل عاده اتهى
المحاظره. المهم طلعت بوجهي للحديقه
شفت ليلى كاعده مشيت بتجاها سلام
ليلى :وعليكم السلام
همام : شونج
ليلى: زينه الحمدلله وانت شونك
همام : بخير.
ليلى : همام
همام: ها عيني
ليلى :بقهر : هاي أخر سنه وراح تروح للبصره
همام : ايي اروح بس انه كتلج من اتخرج اروح اجيب اهلي واجي اخطبج لو انه غلطان
ليلى : اي صح بس هم محلوه بدونك
همام : اي. شسوي ياعيني غير الضروف اجت هيج
ليلى : انشالله خير.
همام : انشالله تشربين جاي
ليلى :والله ياريت لين راسي يوجعني
همام : هسه اجيب رحت جبت جاي وانطيت الها وصرنه نشرب جاي ونتمشه بل حديقه وودعت ليلى
وميشت للشقه اتغديت وگمت اقره بس گلبي مقبوض وبالي يم اهلي ظليت افكر الئ أن غفيت
وماادري اشكد نمت فزيت عل صوت التلفون الارضي
همام : شلته الوو منو ويايه
الشيخ حازم : ابني همام تعال للبصره اخوك انطاك عمره تعال باسرع وقت
همام : بعدني ممستوعب الي دااسمعه الخبر نزل عليه مثل العاصفه يابه انت مستوعب الحجي الي تحجي شنو اخوك انطاك عمره شنو امس حاجيته
جنه العافيه اشبي هسه اكيد تتشاقون موو لا مستحيل حسين يموت 💔
شيخ حازم : تعال بويه تعال
همام : بقهر : جاي يابه جاي في أمان اللَّه سديت تلفون واني ميت قهر. ومااشوف دربي اخذت الجنطه واخذت ملابسي من الكنترو وخابرت صديقي عنده تكسي من قهري عل حسين عفت الجامعه وليلى حتى منطيتها خبر برجعتي
شويه وصل صديقي جنت واگف بل باب اجه
احمد : البقيه بحياتك خويه انشالله الله يرحمه
همام :حياتك الباقيه يلا نتوكل
احمد : يلا خويه امشينا
همام :صعدت بل سياره وتوجهنه للبصره وبعد 4 يلا وصلت واشوف الوادم ملتمه وناصبين خيم والي ملتهي بل طبخ والي بل جاي. والي واكف يستقبل الناس وي ابويه والي يبجي من بين الوادم شفت اخويه علي يبجي ومنتهي من البجي رحتله ركض
حضنته ونبجي سوه والوادم تبجي عل بجينه
علي : خويه شفت اشصار بينه حسين راح خويه حسين عافنه
همام : بقهر : خويه عاينلي ليش هيج صار وي حسين
ليششش ماتت ليش اشصار ويا انه حاجيته ومجان بي شي ليش هيجي صار حاجيني ليش ساكت
علي : خويه شكلك الصبح طلع جنه العافيه مبي شي خابرته كال بل كافتيريه مااجي لين الكافتيره
شويه قريبه عل بيتنه والعصر گاعدين وانگ الباب
بقوه وركضت فتحته ابن جيرانه كلي
عباس : علي الحك اخوك اندعم الحك
علي : وينه ولك وين وشلون. رحت واشوف حسين دمه بطوله اخذنه للمشتسفئ وصلنه الدكتور فحصه وكال ميت من ربع ساعه. جبنه ورجعنه وهذا
كلشي صار
همام : زين منو الدعمه
علي : الدعمه اهل اجو للفاتحه واعتذرو وكالو الي تردوُ يجرالكوم. وتخلص الفاتحه ويصير الگعده.
همام. : خلصت الثلاث ايام بصعوبه جبيره. بين دموع امي وعلي وابويه اصلاً ميتحاجه. ونكول حقه
ابنه مات وصعب على وگلبه مكسور بس وين احنه
وين هووه المهم مرن اسبوعين واليوم الگعده.
(ولهنه ويخلص Part)
(بقلم أستبرق براهيم)
أنت تقرأ
. _ظلم ابي _.
Acakرحت للمزرعه وكعدت بعد تفكير دام الى 4 ساعه اجيت الغرفت امي جانت تصلي عرفت هاي اخر مره راح اشوفها وبقيت اباوع الها علما كملت واجيت تمددت عل رجلها خطيه لا سئلت ولا اي شي .
