دليلي بسيف هجرانك قسمته
اليحبك ضاع بدروبك قسم تاه
اخذ كل واحد من اللة قسمته
وقسمتي وياك أحبك للمنيه
....................................💔
همام : بخوف :هااا دكتورة بشري اشصار
الدكتوره : اسفه فقدنه المريضه البقيه بحياتك
همام : من سمعت كلام الدكتوره وگعت مصدوم
وضلت بس كلمه وحده ترن بذني
( فقدنه المريضه)......
(فقدنه المريضه).......
احمد : من همام وگع رحتله دخل بحالة صدمه
اريد اخذه ماكو فاصل واگع بلگاع ساعه احاجي
ماكو ضربته راشدي كل قوتي وگع بلگاع وضل
يبجي رحتله وحضنته
همام : ماادري اشكد مر وقت واني عل نفس الحال
فاصل عن الدنيا ألى أن حسيت احد ضربني
وعيت عل نفسي وتقبلت والواقع وضليت ابجي واحمد
شالني ورحنه للمقبره وهناك دفنت احلى شي صار
بحياتي وبذيج اللحظه وعدت ليلى راح اكون أب ؤ
أم وأكون كلشي بحياتها لليل يلا رجعت احمد ويايه
احمد : همام امشي البيتنه الصبح نرجع البيتك
همام : لا اروح للبيت وانت هم روح تعبتك ويايه
احمد : انت صدك تحجي جئ أنه اذا ماأوكف وياك
ويامن اوكف ويلا امشي البيتنه متشوف حالتك
همام :شكراً الك خويه متقصر
احمد : أظن انو ماكو شكر بين الاخوه موو
همام : انشالله ماكو رحنه البيته ورحت سبحت واحمد انطاني من ملابسه لبستهن ورحت يم ريهامي
اعاين عليها ملامحها نفس ملامح ليلى كلش تشبها خليتها بحضني واني احجي وياها وعد مراح اخليج تحسين
بنقص ايي شي وراح اصيرلج أم وأب واخت واخوه
كلشي اصيرلج اللة عوضني بيج والي مصبرني هوو
انتي نمت واني احاجيها گعدت الصبح اعاين عليها
نايمه بست راسها وكمت غسلت ورحت يم احمد
احمد : صباح الخير اشونك اليوم
همام : صباح النور اشلوني هاا انت شتشوف
أم احمد : يمه گول يااللة كلنه على هذا الطريق وانت
الله عوضك ببنيتك اشكدما راح تبجي او تحزن مراح
ترجعلك صلي واقرالها قرأن واهتم ببتيتك وربيها
بحنان ولاتحسسها مالها أم صير الها كلشي وعيش حياتك.
همام : ماشي يمه. انشالله بفضل دعائج
احمد : تعال يمي اكعد
همام : خلي اروح اسوي الريهام حليب
أم أحمد : اكعد وليدي انه اروح انتو تريكو بين مااروح اجيب ريهام واشربها
همام : مشكور يمه. خلصنه روحنه البيتنه وسوينه فاتحه وجانت اصعب ايام تمر عليه واكثر شي اذاني
البيت كل شبر بي ذكره النه. وهيجي مشت الايام والحزن عم عليه وممتنظم بين الجامعه وبين ريهام
وبين الشغلي ملاحضه ( طبعاً همام من جان يرجع من الجامعه يروح يشتغل بمطعم).
أنت تقرأ
. _ظلم ابي _.
Acakرحت للمزرعه وكعدت بعد تفكير دام الى 4 ساعه اجيت الغرفت امي جانت تصلي عرفت هاي اخر مره راح اشوفها وبقيت اباوع الها علما كملت واجيت تمددت عل رجلها خطيه لا سئلت ولا اي شي .
