رسائل من احبـاب قِد تبكيني مـن جمال ذكرياتها .

البـارت الثـالث

اتمنى تحطون نجمه ياحلوين لاني تعبت وانا اكتب 😭🤍🤍

بعد مادخلت نسمه  للمدرسه شافت الناس والعالم الكثيره مجتمعين ع شكل دائره. راحت تشوف بنات من صباح الله خير يتهاوشون والمعلمات والمديره يفكون بنات ٤ على ٢ والواضح انهم حاقدين على البنتين
وسألت وحده
نسمة : لو سمحتي ماتدرين وش السالفه ؟
البنت : الا فيه وحده من البنات ذولي وتأشر ع البنات الـ ٤ بثاني متوسط
تهاوشت مع ذولي وتأشر على نوير صديقه نسمه
وصغرت عيونها  تشوف 😑الا صديقاتها يتهاوشون مع بنات من ثاني متوسط طارت عيونها هي مو من النوع المشكلجي لاكن ماتسكت عشان صديقت الطفوله من اول ابتدائي ونزلت عباتها وشنطتها ورفعت كمومها  ومسكت صديقتها نوير وتحاول تفتك ويسمكون شعرها وتصفق الي مسكت شعرها والي تطيحها عشان تضرب نوير والي تبقس بطن الثانيه  وذيك تهبد ذيك وذيك  تهبد ذيك  وفكو بعض كلهم بعد صراع
نوير : ليش تدخلتي ياحم* ـاره
نسمه : ياكـلون ز*ق انتي من زمان حاقده عليهم بس والله يوم شفتك تدخلت ترا والله حيو*انات ووحـ*وش مو اوادم
شفتيها يوم سحبت شعري وتقطع بيدها
تضاحكوا لما شافو صدورهم تطلع وتنزل ويشاهقون
نوير : طلعت نفس اختك نوروه جنيه وراسها ياابس
نسمة: اختي تلقين مسدحه كل المدرسه ومفككه روسهم
نوير : امشي راحت الحصه الاولى
راحو والمديره تناديهم ومطنشين ودخلو الحصه
الاستاذه : على وين انتي وهي ؟؟؟
نسمة : استاذه جينا متأخرين سواقنا نايم
الاستاذه : بصدق الحين ؟ والاختبار مذاكرين اختبركم ؟
نوير ونسمة بنفس الوقت : اييه
الاستاذه : تمام امشيه المره الاولى المره الجايه للمديره  وانتم تعرفون المديره زين.
نسمة ونوير طلعو اقلامهم والفصل كل يناظرهم ويتساسرون
وحده دافوره (شاطره ) : استاذه ذولي قبل شوي شفتهم .. مسكت نوير قلم وضربتها مع راسها قالت بهمس الكل سمعه
: اسكتي لدفن قبرك هنا
الاستاذه : بسسسسس احترمي وجودي ياوقـ*حه
سكت الفصل وجلست تختبرهم وخلصت الحصه الاولى
جت الحصه الثانيه والثالثه الفسحه(مدري وش تسمونها 😭)
سوو خطه يروحون لسطح ويجلسون
وفعلً راحو وجلسوا يفطرون .. ويسمعون صوت خطوات
ركض وتمشي مليون الا بنت جت وتلهث من الركض
البنت : المديره تقول تعالو وترا مادرت انكم بسطح
ونوير ونسمة يتفرقعون وينزلون وتفركش نسمة وتطيح وتزلق رجل نوير وتطيح فوقها وتذكرت ابوها لما طاح الصبح ابتسمت وقامو يعرجون ويركضون
وصلو الا المديره معصبهه ونفسيتها شوي وتطلع مع خشمها
المديره : خير خير ع وين ؟ انت نسمة وانتي نور ؟
نوير : لا لا.. انـا ا..... ن... نوير
سددت لها المديره كف خلها تدور حول نفسها عشر مرات 🙂
جلست تهزئهم وكتبو تعهد ع المطاقق الصبح ورجعوا الفصل وجا وقت طلوعهم طلعه ( الصرفه  )
نسمة جالسه تلبس نقابها ونوير تلبس حجاب وتحط غطاء ع راسها
نوير : يالله يانسمة اخلصي كلها نقاب
نسمه  : يابنت اصبري يجي ملوك تعرفين اخوي الي احبه يجلدني فديته
نوير. فطست ضحك وطلعو يحترون جمال يجي .
عند ذكرى كان يومها جدآ عادي بس لما جت بتطلع من المدرسه
ذكرى : يوه بنات نقابي وينه كانت شلتها ٤ بنات في ، ريناد ، كادي ، رهف وهي الخامسه . (بنات ابو جمال ناسين نقابتهم من خرشه الصبح 😜)
في: مدري عادي اطلعي بدون نقاب حتى انا نقابي ضاع
ذكرى : لا مقدر اخوي يجلدني تعرفينه  
طلعو وذكرى حطه الغطاء ع وجهها وفي ماتتغطى اصلا بس حاطه حاجبها على شعرها
جمال جالس ينادي اسمها
ذكرى  ؛ يويلي اخوي جاء
في : امشي اقول له عادي ولا ازبد لك
ذكرى  راحت لاخوها ومعها في ، وهاذي ثاني مرا تروح معهم
جمال  : خيرررر وين نقابك
طاحت غطاء ذكرى  وكان ولد جمبهم قال : يويلي وش ذا م شالله
وجمال طاح نفس الولد و شاف الملاك الي ورا اخته ويناضرها ويتامل
وناظر جمال الولد وصرخ بوجهه: خير ان شاءءالله !بككككوفي حنا ولا حديقه ؟؟ وقدامي بعد طسس عننن وجهي 
الولد استغفر وراح وشافهم ولحقهم  ليننن وصول السياره ولحقهم بيعرف الملاك ذا  وين بيتها (جمال الله يصلحك بس 😙)
في دقت ع اخوها ومارد ركبت معهم لان ماعند اهلها مانع وركبت ذكرى  ورا هي وفي وسوالف وحش  وكان جمال  طاح ومحد سماء عليه يلف المرايه ويشوفهم
حط عينه بعينها وناظرته وصد على طول ويستغفر لان اول مرا راحت معهم كانت عليها نقاب والحين بكامل زينتها جاء بينزلها وو..

...........................

                              يتبع /..............