رسائل من احبـاب قِد تبكيني مـن جمال ذكرياتها .

البارت الثاني والثلاثين

تكمله ......

ام جمال : ابشرو بي والله لا اخليها تتبهذل وانا بنت ابوي

جمال وهو مفتخر بعائلته  : حيييي والله اني ما اخلي اختي وولدها يتبهذلون والله لا اخليها تندم على فعلتها ولا اخليها تبكي حسررره وعيالها اولهم

ذكرى وهي ساكتهه وتبكييي  بس تشوف وش بيسوون لان حب حياتها تخلت عنه بسبب وحده حاقده عليهم.

ابو جمال بعد ما اخذ نفس ورجع سكره الي ارتفع : اسمع يا جمال ابيك تروح تبلغ على عذراء وحط فيها النون وما يعلمون ( يعني كل بليه سوتها لهم ) وابيك تدق على ابو عبدالله يجي يوقع هو وولده على الطلاق

ذكرى بكت ونسمه ونوره وام جمال شهقوا

ابو جمال : ذكرى ابي منش القرار الاخير
تبين تكملين مع عبدالله حياتش وولدش ولا تكملين مع شخص ثاني ؟

ذكرى وهي تشاهق: لااا ،  جاء عمي ناصر ابو عبدالله واكلمه بموضوعنا 

ابو جمال وهو يشوف حب وعشق عبدالله بعيون ذكرى

: اجل كيفش انا ماني مدخل بحياتكم بس انتي اطلبي عيوني وانا اقول تم عيونش غاليه يا بـنيتي ، واذا على هلدموع شكلك تبين تكملين معه وضحك

ذكرى ضحكت ضحكة الدموع ( اهخخ الي مجرب ضحكة الدموع للاسف اننا خفيفين 😭) :
والله يا يبه اني مدري القلب محتار

ام جمال وهي ميته ضحك بعد الرسميه  : نعنبوش فيه احد ما يبي عبدالله مهبوله انتي

ذكرى : اجل القلب مفضوح بس عذراء عساها لدقش بعيونها ( العماء) والله ماخليش وانا بنت ابو جمال

ابو جمال : اجل يا جمال اركض جب جوالي
جمال وهو بس ساكتتت ويخطط : سـمّ

راح جمال يجيب جوال ابوه من المجلس الرجال

وجاء جمال وعطاه

ابو جمال دق على ابو عبدالله الساعه ١١ ونص : الوووو
ابو عبدالله : سلام وراك داق هل حزه الناس رقود
ابو جمال : تعال يا ابو عبدالله انت وعبدالله واهلكم بكرا الصبح الخميس باكر الصبح يويلك ان ماجيت
وطقها حمرا بوجهه

ابو عبدالله متفشل وكان منسدح بلحوش بس مسوي نفسه ما يعرف السالفه

عند نجد وعبدالله :

اول ماوصلو راحو لبيتهم بلقصيم

وصلو عبدالله لبيتهم وطقوا الباب عَ الساعه ٦:٣٠ المغرب على اقامه الصلاه
سيف وهو ماكان يدري : جايك جايك
وفتح الباب وصرخ : عبدددددداللههههههههه
عبدالله انخرع ويتكلم من ورا خشمه: وصمهههههههه الا
سيف : وش بك ؟
عبدالله وهو منفسس: اقول يا القصمنجي وخر عني هنا
سيف : كل بعر وش سويت لك انا !
عبدالله دفه ودخل ولقى ابوه بوجهه