رسائل من احبـاب قِد تبكيني مـن جمال ذكرياتها .

الجزء الخامس .

العـصـر عند عذراء :
عند ام روان (الساحره الي ودي احذفها )
عذراء : رواننننننن مامي تعالي اليوم خطه جديده
روان : هلا بلحلو وش تبي
عذراء : انا امك حبي مو الي ع خبرك
روان : ههههههههههه ماما تعودت وش اسوي
عذراء : روان ماما اسمعي انا شايفه ان بنت الكل* ب ذكرى بنت ابو جمال مصادقه في اختك(بتنصرعون بلبارتات الجايه ) الي قلت لك عنها فا ابيك تخربين علاقتهم لان علاقتهم عسل على سسمنن ابيها تصير سوداء ابي تشوف نجوم الظهر بـ في كرهيها فيها فهمتي بطريقتك والمغرب وانتي عندي عشان ننفذ الخط...ه ....وغمزت لها وجاء سلطان ابو روان وغيروا الموضوع
: الا يا روان شعرك لا متى بتقصرينه كل شوي كنك ولد البنت حلاوتها ب شعرها وجمال شكلها ؟ لاين متى وتطولينه ولبسك بعد
روان ناظرته بقذاره كأنه مو ابوها : وانت وش عليكك ؟ كيفي وبعدين من زين البنات عاد تتميع وش ذا المصاخه الوحده تمصرع كأنها دوده وضحكت امها عذراء وقالت:معليك هاذا زينك ومعليك منهم بس اذن طين واذن عجين
ناظهم وتقرف من قانون زوجته المتلوث وقاموسها الي حافظته مو فاهمته وتحسب عليهم ومشى ولقى بوجهه ايناس واشر لها ب شووفواا الزين ذي
سلطان : هاذي الصح شعرها طويل ويجنن وهاديه وتجنن بعد وعسل كلامها ولا تطلع الا بأذني مو تطلع (وناظر بنته وكأنها ولد مو بنت بشمئزاز وقرف ) مو تطلع ولا ترجع الا الصبح مندري ارضها من سماها واستغفر ربه وطلع
روان : مريض صدق وبدوي ذا ستايل يا الغالي يععع ملحجه ناظرت امها وقالت: انا جيك المغرب اوك واشرت امها ب 👍🏻
وايناس تناظرهم بحسره وغبنه وقهر حرفيا تحس جالسه تمر بحاله مايعلم فيها الا ربها وتحب امها رغم انها تجبرها تصير نفس اختها وبتخليها تروح تخرب ذكرى لاكن الي سوته شي 😥....
والمغرب عند عذراء و روان الي جالسين يسوون السحر والخطط على ذكرى
روان : ماما الحين متى بنبدا بال السالفه اول شي .........

المغرب عند ناصر ابو عبدالله :

ناصر : نجديييي تعالي يابوك افلحي هنا بكلمكم
نجد : والباقي وينهم ماجو ؟
جملاء امها من وراها :بوووووعووووووو
نقزت نجد وضربت امها بخفيف تحسب غزيل او سيف
نجد : وجع غزيل مو وقتك متخلفه !
لفت شافت امها
نجد : هههههههههههههههههههه ماما معليش احسب غزيل او سيف محد يخرشني غيرهم وباست مكان الضربه مع يدها
جملاء : عادي ي امي يلا بنادي اخونك وجي
جلسو يتحالفون من تقوم وقامت نجد تجرهم (تسحبهم) وبصراخ :تعالووووووو يالتوام وعبود والعنود ابوي عنده موضوع سنه عشان منادتك
تجمعو وجلسو
ناصر : اسمعو بنروح نبيت ف ابها كم يوم عند ابوجمال ونمشي الفجر *(نسيت اقول لكم وين ساكنين وش اسوي حست ام الروايه بحكم انهم كانو بالقصيم وسلطان ابو روان ب جده وابو جمال ابها 😀)*
تانقزو حتى امهم نقزت من الفرحه من كبر حبهم ل اهل ابو جمال وحبهم لهم ومنها تغييير من القصيم
راحو يرتبون شناطه ولازم ياخذون اللبس الجنوبي عاده عندهم (ممنوع عند ابوجمال يلبسون جنز يكون يوضح الجسم او تنوره بس جلابيه/دراعه مدري شتسمى)
وحتى عبدالله يلبس ثوب وتجهزوا وتعشوا ١٠ الليل ونامو بعد ما قالو ل ابو جمال بنجيكم الفجر .

عند ابو جمال : وكان العشاء استأذن من مديره بعد ماجلسه شهر وعشر ايام عنده وطلع و لله الحمد
عند ام جمال : كانت ميته من الفرحه بتجي اختها جملاء وحطو غرفه لهم وجهزوا لهم فرش بحكم انهم بيجلسون سبوع كامل وكان حماس عند ذكرى وووناسه واستبخال بيجي من نسمه وكرهه عند نوره الي ماتبي الهنوف وعند جمال حب الطفوله نجد حماس وكان حبه ل في اعجاب فقط لاغير !!! ونامو بعد تعب وتنظيف بيتهم .

عند روان وامها بعد ماخططو كنسلو بعد مادروا ان بيجون اهل ناصر ابو عبدالله كنسلو ل بكرا لما يجون عشان جمال بعد خطط واشياء شيطانيه بيسوون عنده اشياء جديده .

الفجر ٦:٥٨ عند ابو عبدالله ناصر :
عبدالله : يالله صباح الخير وشاف الناس نايمه وهدوء طلع اخذ شور سريع وصلى وراح يقوم اهله بحكم انه مستانس وسهر لأشتياقه ل حبه واستهباله كله عند الديره
،،،
راح وشاف الناس ماهيب موجوده جلس ينادي ويصارخ محد رد مافيه الا صدى صوته راح غرفت خواته طق الباب محد فيه شاف سيف ماهوب بسريره ولا امه ولا ابوه موجودين
نزل وشاف ورق ورديه مكتوب (رحنا عنك رح للمطبخ وشوف وش فيه وكذا 😜) انجن وبغى يكسر الباب فتحه لقى سله دائريه 🧺كذا وفيها فطور وورقه مكتوب (كل اكلك نعرفك تحب تبلع ولا خلصت اللبس وطلع الشناط عند الباب ) صرخ من برود الرد ميدري وينهم وعرف ان فيه السالفه مقلب وسلك ومشى يفطر وافطر اسرع. من البرق وطلع الشناط وجلس ينتظر وشاف ورق بلحوش طايحه مكتوب ( رفعنا ضغطك صح ؟ تحمل بس شوي حنا رحنا لسوق نشري لامي حلا لاختها اكيد ونجد والعنود يشترون ل صديقاتهم هدايا وانا وغزيل نمقلبك وحنا بسطح تبينا تعال فيه عودنا والشاهي وتحياتنا سيف ، غزيل ) جلس يضحك وهو يشوف ظلهم بشمس جالسين بسطح وضل روسهم فوق مات ضحك وراح فوق لهم جلسون يناظرون بعض وجلسو يضحكون من سخافه عبدالله يعني صابر ومنضغط ومشتاق لديره ويفطر وسامع الكلام رغم الأعاقه 😀 جو اهله ومشو للمطار وركبو الشنط والى الطياره وتوجهوا لابها الجميله

..
بعد ماوصلو ........

يــــتــــبـــــع/......