و انا بحكي لي ياسر قاطعني بي صدمة "يسرا خطفوها زمان!"
"اي يا ولدي"
كان مصدوم شديد و مقلع عيونه..ضحكت على رياكشنه و قلت ليه "كدي خليني اتم ليك الحصل..قوي قلبك"..
الماضي،،
ترددت على مسامعي تلك الكلمه الاخيره التي قالتها لي امي "مخطوفه"..
مهلا ثواني..من هي تلك المخطوفه؟؟ يسرا؟؟ ابنتي؟؟
من هذا الذي يتجرا و يخطف ابنتي؟ و في تلك البلد الغريبه!!
رميت الايسكريم لا اراديا و قلت بعصبيه "دي منو المخطوفه دي؟ كيف يعني؟"
في اللحظه ديك تلفوني ضرب و كانت هي..كانت يسرا..فتحت الخط بسرعه و جاني صوتها الكان حيتقطع من البكى "مامااااا ساعديني يا ماما"
مسكت التلفون بيديني الاتنين و قلت "يسرا؟ يسرا دا شنو دا منو الحيوان الخطفك دا يسرا انتي كويسه؟!".
بعداك جاني صوت زول غريب بتكلم انجليزي "اظن انك سمعتي صوت ابنتك جيدا و تعرفتي عليه...و ال.."
قاطعته بعصبيه "ايها الوغد التافه من انت!! و ما شانك بابنتي؟!!"
"ششش اهدئي دعيني اكمل..الان عليك ان تسمعي ما ساقوله لك جيدا..معك ايام محدوده ستدبرين فيها مبلغا يليق بابنتك و ترسليه لي..و الا لن تريها ثانية"
كنت مصدومه شديد لدرجه ما قادره استوعب اصلا هو بقول في شنو..يعني هسه جدجد بتي مخطوفه و في واحد بطالبني بي فدية عشان يرجعها؟..بتي المشت تقرا الجامعه هسي مربطنها و حياتها مهدده بالخطر؟؟
سالته بعصبيه "كم المبلغ!"
"مليون دولار..خلال ١٥يوم"
اطرافي اتجمدت و مخي قرب يطلع من محله..كيف حاجيب للمتخلف دا مليون دولار حاجيبها ليه من وين اصلا؟ و حاسلمها ليه كيف؟
"ايها المجنون اتريدني ان آتي الى نيويورك و دفع هذا المبلغ المستحيل في اسبوعين؟"
"لا يوجد وقت لتفكري فالزمن ضيق كما ترين..شغلي عقلك و تصرفي"
قفل الخط و انا لسه كنت سامعه صوت صراخ يسرا من التلفون..بقيت ما قادره افكر في شي رميت التلفون في الارض و مسكت راسي بيديني الاتنين...
بعد مسافه سالت امي و ابوي "انتو كيف عرفتو؟"
امي ردت و هي بتبكي و بتمسح في دموعها "نفس الزول دا ضرب لينا برقم يسرا قبل ما تجي..و سمّعنا صوت يسرا و قال لينا انا خطفت بتكم"
"يا رب..يا الله يا رب دا شنو الحصل دا..دا شنو الحصل دا!"
جا ابوي مسكني قعدني في الكنبه و قال لي "براحه روقي احنا زاتنا متوترين و ما فاهمين حاجه"
