الصديقة الرائعة(لبيبة_منقولة)

الحلقة 5

#لصداقة_الرائعة

الحلقة الخامسة

رتاج:نفجعت من صوت سلسبيل قتلها به وسكرت منها بدلت ع السريع وطلعت مشت مع الشوفير تشوف من الروشن لين وقفو في التقاطع شافت 😳 احمد 😂😂 ووووه عليا قداش ليا مشفتاش 😂
هذا احمد كان يقراء معاهم ورتاج وسلسبيل كانو يناشبو فيه ومكرهينه ف عيشته 🤦🏻‍♀️
رتاج فتحت شباك السيارة وبدت تصيح قدام الناس 😂
رتاج:ووووه عليا احمممممد 😍 وين كنت رايح استاحشناك ي كلب انزل من السياره
احمد:كنت نستنى ف الإشارة لين سمعت صوت بنت تنادي فيا استغربت شفت جنبي ننصدم ب رتاج لي كانت تقراء معاي 😳 ي نهار احرف كيف شافتنى المجنونه هدي اكيدا معاها اختها المجنونه 😂 وووه عليا عليك ماضي بيناتنا فتحت الشباك من وين طلعتيلي ي ام كرش 😁
رتاج:سكفمك اني ام كرش خليني ساكته خير انت وين رحت من صف التاسع اختفيت 😒 كسدت اني وسوبا ف غيابك ي كلب
احمد:ارتحت منكم سجلت ف النفط وكنت فرحان انكم مش معاي 😂
رتاج:اخسسس عليك هكي تبيع الصحبه ي قرد 😒
احمد:😂😂 صحبة شن تي كنتو مسودينلي عيشتي وين نشوفكم نهرب منكم اني
رتاج:لكن كانت احلى ايام صح ترا قول لا باش نضربك بوكس ف نص خليقتك لي رايحة بكلاوه 🤤
احمد:صح 😂😂😂 قاعده زي قبل متغيرتيش
رتاج:احح منتغيرش اني 😌
احمد:مختشه 😂 شن وين لمصيبه التانية 🙂
رتاج:كان تسمعك تقتلك 😂 في الكلية تستنى فيا
احمد:بدينا كلية وجو 😉
رتاج:اي 😌
احمد:شن تخصصتو
رتاج:صيدلة ي قلبي
احمد:بالله اني ماشي غادي 🙂
رتاج:شن عندك ولا جاي تعاكس 😂
احمد:لا شن نعاكس 😁 عندي اختي تقراء غادي
رتاج:حق 🙂شن اسمها اختك
احمد:رانيا
رتاج:منعرفهاش سنه كم هيا
احمد:سنه تالتة 😌
رتاج:اه لا منعرفهاش ع المهم انت جاي صح حتعرفني عليها 😁
احمد:اي اكيد
رتاج:ووووه عليا مش مصدقه تعرف غير امتى نزصل باش نقول ل سوبا عليك ت لما تفرح 😂
احمد:😂😂 وووه عليا مجنونة زيك حتى هيا
رتاج:يب 🙂
احمد:خلاص تأخرت ع رانيا اني نتلاقو ف الكلية
رتاج:تم ي سمح 😁
احمد:😂😂 ختشه وربي فكرت اني معاش بنتلاقى معاهم قداش الدنيا صغيره
عند ليث 🔥
اميرا: متردده تمشي ل مكتب ليث اوووف كيف بنقولة توا ياربي ساعدني خدت قرارها وقفت قدام المكتب جت بتفتح نفتح الباب ويطلع ليث 😂 اه استاد ليث 😥
ليث:وعلامات الأسفهام ع راسه 😅 خير في شي
اميرا:كن كنت جاية نقولك ان قطع عليها ليث
ليث:تكلمي مش فاضي
اميرا:اه لا خلاص مش مهم 😥 ومشت وعلامان الحزن ع وجها اوف ياربي مستحيل نقدر نطلب منه إجازه اسبوع هلبا ومش ح يقبلها لكن ماما شن بيصير فيها 😢 سمعت صوت وراها
سوسن:تقدري تمشي واني ناخدلك ادن منه امك اهم من الشغل وصدقيني استاد ليث حيوافق 🙂
اميرا:من كتر من انها مشغولة ع امها وافقت بدون تردد لأن بالها كله عندها تمام قربت من سوسن وحضنتها شكرا بجد مش ح ننسالك معروفك والله
سوسن: في داخلها هه اكيدا مش ح تنسية لأن بتقعدي تتفكري فيه طول عمرك تقلب 😈 ف عيونها لا عادي مش بينا نحنى زملاء بشغل وهذي امك
اميراء:اوك عن ادنك حبيبتي 😊
سوسن:تبتسم بخبت 😈 حيكون اخر يوم ي سنيوره اميرا جبتيها لروحك وساعدتيني 😏
اميرا:فرحت بجد لما قالتلي سوسن انها حتقول للأستاد ليث مزال فية ناس ادير ف الخير وقفت تاكسي وطول للمستشفى وقلبها قابضها وخايفه ع امها لأنخا عي بس قعدتلها في الدنيا هيا سندها هي بيت اسرارها وكل ما تبكي تجي في حضنها 🥺 نزلت نجري وقلبي يدق بسرعه مش عارفه ليش خايفة لهدرجة ضغطت ع زر الأصنصير مباش يفتح رقيت من الدروش وقعدت نجري وكانت غرفة امها ف الدور الرابع تجري وتدعي ان لي ف بالها غلط ويطلع خوفها ع الفضي 😥 اوف وصلت للدور الرابع ونتنفس بصعوبة شفت غرفة ماما واقفين عليها هلبا دكاتره زاد الخوف ف قلبي ومعاش عرفت نمشي او نقعد ف مكان الخوف سيطر عليا نزلو دموعي وحاولت نمشي مشيت خطوه خطوه وصلت لدكاتر عفوا خيرها ماما 🥺
الدكتور1:اه اهلين بنتي
اميرا:خيرها ماما ليش كلكم قدام غرفتها 🥺
الدكتور2: ي بنتي قعمزي واهدي شاف للممرض عفوا جيبلها امية
الممرض:حاظر دكتور
الدكتور3: اهدي ي اميرا وخليك قوية
اميرا:قعدت نسمع فيهم وخلاص ودموعي ينزلو
الدكتور1: امك عطاتك عمرها ي بنتي وتوا هيا عند لي خير مني ومنك وخلتلك ورقة كتبت فيها وقالت نعطوهالك
اميرا:شنووو مم ماما ماتت 😳 بيت اسراري ماتت راحتي ماتت كيف شن تقولو 😭😭😭 هذي ماما مستحيل تمشي وتخليني هذي اختي وبوي وخوي وصحبتي كيف تمشي وتخليني 🥺😭 وقفت ودخلت للغرفة لقيت ماما راقده ع السرير ومغطيينها ب الأبيض قربت عليها ودموعي نهر وقلبي محروق ماما حبيبتي نوضي هيا انتي مش ح تمشي وتخليني صح 🥺ماما نوضي هيا 😭😭😭 حضنتها ماما نوضي هيا نوضي نبي نقولك اليوم شن صار نوضي ي ماما ترقيت ف شغلي نوضي هيا نوضي نوعدك ب ان معاش نضرب مها ع خاطر لقراية هيا نوضي 🥺😭 قربو منها الدكاتره وحولوها من امها وفجأه داخت عليهم ورفعوها
رتاج:اول ما دخلت للكلية شفت سلسبيل مقعمزه وشاده فونها ومش منتبها جيت وراها بخخخخخخ 😈
سلسبيل:اااااه 😫 وااكلية كلها شافولها 😂😂
رتاج:😂😂😂 ووووك عليا هههههه اخ
سلسبيل:نعنفيتك ي زفته 😡 اتفوه 💦💦 عليك 😭 فجعتيني والله
رتاج:😂😂 احليلو 😂 منو
سلسبيل:اخس عليك هكي اديري فيا شوفي الكلية كلها تشوفلنا 😢
رتاج:طز فيهم ميهمونيش 😏 جايبتلك خبرية حلوووووا😍
سلسبيل:انطقي شن هيا 😑
رتاج:المقابل 😌
سلسبيل:نعنشكلك وقتك وقت شرطك توا 😒
رتاج:امشي مش حنقولك
سلسبيل:به شن تبي
رتاج:نبي بان كيك 😌
سلسبيل:فجعانه وربي ي بايره لما نوريك من غدوا نعلمك كيف اطيبي
رتاج:به غير شن بديريلي
سلسبيل:اي هيا شن هيا انطقي
رتاج:شفت احمد 😍 احححح كان تشوفيه كيف صار يجنن
سلسبيل:شنووووو 😱 احمد احمد نفسه لي زمان
رتاج:هوا بزبط 😌
سلسبيل:وين شفتيه ي بنت
رتاج:في التقاطع تبع الإشارة 🙂 اححح دبت في جماله ي سوبا اي قال بيجي للكلية اهني اخته تقراء وايمها رانيا سنه تالته
سلسبيل:الله نوضي نبي نشوفه سهفتيني 🥺
رتاج:😂 هيا ومشو قعمز في مضلات لي قدام الباب لين دخل احمد ومشوله يجرو
سلسبيل: تصيح عبقرينو 😂
احمد:نهار احرف لمصيبه التنية جت وووه عليا وين بنهرب توا منهم 😂
رتاج:ابو نضارة 😂 وصلت نحسابة صارلك شي ف طريق 🙂
احمد:وصلت تقوليش هذي سلسبيل
رتاج:بزبط 😌 هذي سوبتي .
سلسبيل:نعنشكلك ي عبقرينو كيف وليت ت صاروخ الزح 🤤
احمد:نعنجدكم تحشمو شوي وانتي وياها بلا طارقات ديما 😂
رتاج&سلسبيل:مع بعضهم شنوووو ورافعات الحاجب 🤨
احمد:بخوف شي 😥
سلسبيل:وين كنت ي ولد رايح خليت مكانك تعرف
احمد:😂 نسحابش روحي مهم لهدرجة 😌
رتاج:متصدقش غير ملقيناش من يحللنا واجب الرياضيات هذا ليش 😂😁
احمد:تفوه ع وجك 😑 بدل ماتشكرني
سلسبيل:😂😂😂 ووه عليا وضرباته بوني 👊🏻 ع بطنه تي وربي ليك وحشه ي طيري
احمد:اححح ي كلبة بطني مقوى ضربتك 😣
سلسبيل:تي عادي انت بطل شوف عضلاتك ميحوش شي من عضلاتي كيف درتلهم كنت زمان زي ثل سته نهار احرف وتوا عملاق 😂
احمد:😎شن حبيتيني هي سجلي .......091
سلسبيل:ووووه وانت متصدق هني روحك احني مش متاعين حب 😁😌
رتاج:اي صح سنقل ي حلو 😉
احمد:اصلا من يتجراء يقربكم انتم 😒
سلسبيل&رتاج:😂😂😂 لين جتهم بنت
رانيا:عفوا من انتم وانت ي صايع حشم حالك واقف ماهم قدام الناس كلها وتضحك
رتاج&سلسبيل:😂😂
رتاج:احمد الصايع ووووه هلبا هذي 😂
سلسبيل:ي صايح شن واقف علينا 😁😂
رانيا:علامات الأستفاهم ع راسها ومفهمت شي 🤔🤔
احمد:سكفمك انتي وياها وانتي هدين رتاج وسلسبيل لزمان 😑
رانيا:شنو متقولش ل عاطيينك طريحه زمان 😂😂
رتاج&سلسبيل:شافو لبعض وادكرو الموقف ونفلقو ب الضحك 😂😂 😂😂
احمد:شاف ل رانيا تو من كتر المواقف لي صارو بيني وبينهم ما ادمرتي كان الموقف هذا 😑
رانيا:مش قادره تتكلم 😂 ش ششن بندير جي في بالي هذا طول 😂😂 اخ ي بطني
خلود&موده شافو رتاج و سلسبيل واقفين مع ولد وكان شخصيه طول وعرض عضلات ولحية سوده وضحكته تاخد العقل ولبسه يقتل
خلود:اطمن ف روحه هه لا اصلاً جنتل زي هذا مش ح يشوف ل رتاج ولا ل سلسبيل ويخليني اني 😏
موده:هه اني احلى منك اصلاً غير مشافنيش كان هذا راه قعد يجري وراي 😌
الكاتبة فوفا: ووووه عليا واخدات ف روحهم مقلب 😂
رانيا:ههه خلاص عرفني عليهم 😑
احمد:هذي اشر ع رتاج وهدي سلسبيل هدول فولة ونقسمت نصين نفس الطبع والتفكير 😥
رانيا:اهلين تشرفت بيكم 😂 ماضي خويا المرير 😂
رتاج&سلسبيل:وبيك حبيبتي
رتاج:😂😂 اسسس خلاص بطني معاش نقدر شن بتروحو
رانيا:اي بنروح خطوبتي اليوم خديت ادن من الدكتور وبنروح نجهز روحي
رتاج&سلسبيل:ربي يكملك ع خير
رانيا:تسلمي ان شاءالله عقبالكم 🙂
سلسبيل&رتاج:مع بعضهم لا لا 😳
رانيا:نصدمت منهم شنو 😳
احمد:😂😂 تي هدين من لي بيتحملهم من اول يوم تلقيهم مروحات 😒
رانيا:مش لهدرجة 😒
رتاج:هاهاها مبردك الزفت
رانيا:تمام نتلاقو بكرى
رتاح&سلسبيل:اوك
احمد:هي تشاو ي ماضيا الأسود 😂
رتاج&سلسبيل:تشاو ي ماضينا الجميل 😂
مشي احمد ولحقاته رتاج تجي احمد احمد ي مصيبه استنى
احمد:ها ي هم خير شن تبي
رتاج:هات رقمك
احمد:مش متبوش تاخدوه 😉
رتاج:ت هات ي هم احنى خوات وبلا تفكير مسخ 🤨
احمد:ههههه عارف ي ختشه سجللها رقمه وخدي ارقامهم هي تشاو توا حشم حالك اول مره نشوف بنت تطلب رقم ولد 😂
رتاج:تعيش وتشوف درق عليا خليقتك توا 😌
رتاجو سلسبيل كانو معتبرين احمد كيف خوهم يبصرو عليه ومسودينله عيشته لكن يحبوه لأن طيب ومش خبيت زي ولاد توا وهوا نفس الشي صح كانو مسودين عيشته زمان لكن ميرضى فيهم شي
رتاج:رجعت تجري ل سلسبيل وفرحانه جبتة جبتة 😂
سلسبيل:هاتي رقمه ي هم 😍
رتاج:عاطته ل سلسبيل وقعدو يضحكو عليه ويدكرو في ايامهم والمحاظره طبعاً فاتت عليهم 🙂
رتاج:شن رايك نمشو نتغدو ف مطعم
سلسبيل:فكره 😉😍 هي نوضي نكلم الشوفير
رتاج:لا خليك خالد برا هي اطلعي
سلسبيل:اوك
ليث:بعصبية وقال الشركة كيف تطلع من الشركة بدون ادني 😡😡 قوليلها معاش نبي وجك ف الشركة ولو شفتها يمكن يصير كاام تاني ودهل لمكتبه ومعصب 🥺
سوسن:ب ابتسامة نصر 😈 من عيني هي قبل هي ومشت تتمختر وقعمزت ع مكتب اميرا والموضفين يشوفو ف سوسن ومتقززين منها لأن عارفين ان طلعت اميرا وراها سوسن وكل هذا من تخطيتها 😒
ملك:مش حرام عليك توا وصلتي لي يلي تبية توا والبنت قعدت بدون شغل حرام تربي ف خوتها
سوسن:هه 😏 بهزوه متهمنيش هيا ولا خوتها في الف شركه و الف حاجه تشتغل فيها واصلا من بيوضفها هذي غير لبسها عاار مستواها عاملة نضافة ف الشارع 😏
ملك:تشوف ل سوسن ومصدومة من عقليتها وكيف تتكلم وحاقده ع اميرا حست ان صحبتها ب سوسن غلط ولازم تبعد عليها لأن اشكالها ميجوش صحاب وتكلمت سوسن
سوسن:نعن ملوكه
ملك:لاعاد نعرفك لا تعرفيني انتي مش صحبتي ل نعرفها
سوسن:اها يعني هكي انتي وقفت بالناقص من صحبتك اصلا جت منك احسن ومشت وخلت ملك حاله فمها كيف كانت مصاحبه وحده زي هذي
ليث:كان قارن حواجبه ومش ميتوعب كيف تطلع بدون ادنه بحكم انها سكرتيرته كلم مازن وقله يعطي ل اميرا حقها ويقلها انك مطروده ودار مازن كيف ما قال ليث
اميرا:نضت واول ما فتحت عيوني ادكرت ماما قعدت نبكي مش مستوعبه انها ماتت شريط حياتي من صغري مره قدامي ادكرت ان معنديش فلوس هلبا حق الغرفتين اطرت اتنوض من السرير وتطلع تقعمز برا ومفكرتش ف صحتها جتها الممرضه
الممرضه:عفوا امك غسلناها وحنكلم الإسعاف يساعدوك ويوصلوك للحوش
اميرا:بغصه تمام شكرا
بنوتة الجعفري 💛
طلعت من المستشفى وتمنت ان معاش ترجع للمكان هدا لأن امها ماتت فيه وكرهاته وصلوها للحوش واول ما وصلت قدام الحوش الناس استغربو وطلعو وشافو التابوت عرفو ان ام اميرا توفت جوها وقعدو معاها ويصبرو فيها وفي خوتها وقفو معاها وقفت اهل وماخلوها جو الرجاله بيرفعو بيدفنو امها وقفت هيا وخوتها ودموعهم ينزلو
مها:اميرا ماما ليش حاطينها ف صندوق وين بيرفهوها
اميرا:تسمع ف اسألة مها وكأن اماس ينغرسو فيها معاش عرفت كيف تجاوبها نزلتها وحظنتها
دفنو امها والناس شوي شوي بدو يروحو وقلبهم محروق علي ام اميرا كانت حنينة وتحب جيرانها وتساعد فيهم وعشرت عمر بينهم وع صغارها لي قعدو لا ام لا اب وكيف اميرا ح تساعدهم
اميرا:كانت مقعزه وتفكر كيف كانت حياتها مع امها وكيف كانت تحكيلها ف كل شي ابسط حاجه كانت تحكيلها فيها نزلو دموعها كانت مها في حجر اميرا وكل شوي تسأل في اميرا وين ماما وامتى بتجي وليش مامشيناش معاها واسألت الصغار لي تخليك تحير شن تقوللهم 🥺 جتها بنت وقتلها ف ولد برا وقال نبي اميرا بنعطيها ورقه
اميرا:تمام جاية شافت مها لقتها راقده حولتها وحطتها ف سريرها وغطتها وطلعت استغربت لما شافت مروان اه اهلين مروان خير شن فيه
مروان:معاش عرف شن يقول لأن قعد ف موقف اخي البقية ف حياتك 😥
اميرا:حياتك الباقية خير شن فيه
مروان:تفضلي هذا راتبك وقلك استاد ليث انتي مفصولة من الشركة
اميرا:نصدمت من كلام مروان وان كيف الإستاد ليث ترضها وان هيا خدت ادن نسودت الدنيا ف وجها
مروان:تفضلي الورقه
اميرا:رجعلة الفلوس ومش ح ناخدهم وقولة حسبي الله فيك اني خديت ادن ومع هدا طردتني فلوسك ميلزمونيش وسكرت الباب ودخلت وعددموعها ينزلو ان كيف نضلمت وانها ماتت وقعدت هيا وخوتها روحو الناس وقعدت اميرا وخوتها بس حست روحها مضايقة دخلت توضت وطلعت تصلي سلمت وقعدت تدعي ل ربها ان يساعدها ويعطيها القوة باش تكون ل خوتها ام واب واخت وتخليهمش يحتاحو لأهي شي ودعت ل امها يتبتها ع السؤال ودموعها ينزلو 😭قعدت تقراء ف القران لين سمعت الفجر ادن صلت وجت بترقد واخده قرار انها حتكون قوية ومتخليش خوتها وتكون سندهم ف كل شي ورقدت
قبل 5ساعات
رتاج:اووووف كساد الهم وادكرت احمد مفيش غير الكلب احمد واتصلت بيه اتصلت مرتين ومردش الزفت هءا وين رايح ودخل عليها نزار انتي نوضي ديريلي قهوه
رتاج:برفعة حاجب 🤨 واشرت ب صبعها اني انوض نديرلك قهوه 😳 انت بعقلك ولا كيف
نزار:وراسك نوضي مراد صاحبي برا وامي مهناش مفيش غيرك
رتاج: ت بعقلك اني منعرفش ندير قهوه ي حمار اخر مره درتها عسل 😂
نزار:اخر مره درتيها اني صبيتلها سكر هلبا 😁
رتاج:بصوت عالي شنوووووو😳 ي كلب ي زفت طلعتني بايره قدام مرت عمي يمعنشكلك اتفوووه 💦😭😭😭
نزار:اسف وربي اسف خلاص نوعدك نديرلك اي شي غير نوضي ديريلي قهوه امممم تمام درق وجهك وين اطيب اناديك
نزار:نجيلي اختي لعسل 😍
وطلع لصاحبة
رتاج:نزلت وبديت ندير فيها ونغني وفرحانه مع ان نزار صدمني ب كلامه الكلب صبيتها ودرتله مقروضات وناديته
نزار:اووو تسهف ريحتها نجك ليا
رتاج:طبيعي اني درتها 😏 ورقت ل دار نزار خدت منه تبة شلرية جديد قاساته جي عليها وطلعت دساتة ف دارها
واما نزار جاب القهوه ل مراد و ب فخر تفضل هي
مراد:تسلم والله ريحتها سهفتني شربها وعيونه دمعو 🥺 اححححح تاريتها رتاج المجنونه مدايره فيها فلفل احمر واسود 😂😁
نزار:شكلة من كتر ما عجباتك دمعو عيونك 😂 اشرب اشرب
وعمكم مراد معاش عرف شن يدير 😂😂 قعد يشرب ف القهوه وخلاص مسكين وجعني 😂 بعد ما كمل طاسته قرر ينسحب لأنه خلاص معاش يقدر بيعيط احححح ي كلدي فلفل احر حتى هوا هي نتلاقو نزار
نزار:غير لا اقعد ي راجل تو نقول ل رتاج ادير فشار جايب فيلم
مراد:ف تفكيره بديره فشار حلو المره هدي مش مالح لا لا بارك الله فيك عندي موعد توا
نزار:تمام ي را نتلاقو غدوا
مراد:اوك سلام
نزار:سلام رجع لمكانه وشرب القهوه واول ما شرب دمعو عيونه حتى هوا 😂😂😂 وقعد يشرب ف المية رتااااااااااااااج 😡😡😡🥺😭 ومش عارف يتكلم ولا يبكي ولا يعيط ولا يهزب تخلطت الدنيا عليه😂😂
رتاج:نفجرت القنبلة ي حلوين 😂😂😍
نزار:.....😡
رتاج:.....😂

يتبع 😉

نتلاقو غدوا وفكرو شن بيدير نزلر ف رتاج 😂😂 ولو ملقيتش تفاعل مش حنزل الحلقة علقو الهم عيوني وين نكتب فيها لين ينحولو 🙂