الصديقة الرائعة(لبيبة_منقولة)

الحلقة 7

#الصداقة_الرائعة

الحلقة السابعة

يخافو منه لكن توا كأنه شخص تاني ابتسمت ولما شافلها ليث
ليث:🤨 ليش الأبتسامه هدي كلها
اميرا:ها شن ليك علاقة بيا نبتسم او لا هيا مهوش ندخلو شوي ونروحو
مها:نلا بيش نمسي معاك تو يدلبني الراجل 🥺
اميرا:بعصبية 😡مها قدامي يلا
مها:نكلهك اني نكلهك ودخلت تبكي
ليث:علاش عصبتي عليها 😡 شن دخلها هيا
اميرا:ياريت متدخلش بينا وخليك بعيد اختي ومليكش علاقه ودخلت وخلاته
ليث:هه الأيام بينا ي ست اميرا 😏
اميرا:مها قعمزي اهني بنشي نغسل الصحون ونجي متطلعيش من اهني
مها:😒 كانت زعلانه منها تبي تكلمها
رتاج:اوف لينا ساعه ف الطريق ي همي هيا مليت اني 😒
الشوفير:اسف بس الطريق زي متشوفي
رتاج:تأففت وشافت يمينها لقت الجو مطر وجو حلو نزلت الباك وطلعت يديها وجها وخدت شهيق وزفير 😂 كانت ريحة لمطر تقتل ورتاج تحبها
سراج:شاف جنبة لقي بنت مطلعه يدها وطلعت راسها وتضحك وخدودها حمر نزل الشباك ونصدم لما عرف انها رتاج قلبه قعد يدق بسرعه تقول كان ف سباق ابتسم هديكا الأبتسامه ل تقتل 🤤 اححح ي قليبي 😍 هدي انتي ي مجنونه ادخلي مطر 😂
رتاج:شافت جنبها وتفاجأت ب سراج انت 😳
سراج:عندي اسم راه 😏
رتاج:مبرد عمك الزح خليك ف حالك 😒
سراج:😂😂😂 وووه وربي ماليك حل انتي اسمعي حوليني من الحظر خيرلك راه
رتاج:انبح ودخلت وسكرت الشباك 🤦🏻‍♀️
سراج:منصدم من كلمتها ل قالتهاله وفي عقله ان كيف بنت تقولة هكي وكيف متكلمش ولا هزبها عقد حواجبه وبعدها ادمر خدودها وخسمها ل رايحات حمر من الصقع 😂 وربي طحت ي سيرجو 😂 وشكلة طحت ف هبلة وعنايدية 😂
رتاج:حقير نبي نعرف علاش وين نمشي نلقى زومته قدامي 😡 وخدت فونها وكسدت ع النت
سلسبيل:اوووف نبعتله فولو 😥 ولا لا ياربي ليش يصير معاي هكي 😭 مش ع اساس مش ح نحب حد مش ع اساس بنقعد اني وتوجا مع بعض للموت ياربي 😭 قعدت تبكي وفي عقلها الف حاجه قلها يقول ابعتيلة وعقلها يقلها لا قعدت حايرة
نزار:امجد وينط اني عندي اجتماع توا ونبيك تكمل الأوراق هدين اول ما نجي نبيهم ع الطاولة
امجد:حاضر استاد
نزار:جي بينزل ويتلاقى ب بنت ع الدروج اوف اوف اوف هذا زين ولا رضى الولدين 🤤
سارة:تعرف تسكر خاربك ومشت وخلاته لمهزب 😂
نزار:😂😂 جالطه من اولها غير عندي اجتماع توا ح نفضالك بعدين 😏
سارة:عفوا نبي استاد امجد
السكرتيرة:تفضلي ف المكتب الأستاد
سارة:تمام يسلمو
امجد هذا ولد عم ام سراج ويحب سارة
سارة:حبي 😍
امجد:عقد حواجبة كيف جيتي اهني وليش جاية 😡
سارة:رايفتلك هلبا 🥺 هكي تستقبلني 😒
امجد:يلا وريني عرض كتافك ورجع راسه ف الأوراق ل قدامه
سارة:كيف اني نقولك رايفتلك ي امجد ليش هكي انت فهمني 🥺
امجد:سارة:قتلك اطلعي روحي احسن مايصير كلام تاني 😡
سارة:مزال في كلام تاني هوا 🥺 مش ح نطلع لين تقولي ليش بديت تتصرف معاي هكي تكلم امجد قول 😭 سكتت شوي حبيت غيري 🥺
امجد:....
سارة:امجد تكلم جاوبني ريحني مليت من تصرفك هدا مليت من تجاهلك ليا 😭 شن درت اني باش تتصرف معاي هكي 🥺
امجد:اي حبيت غيرك حبيت بنت ناس وخطبتها اخرى توا تقدري تمشي 😏
سارة:واقفه ومصدومة من كلامه ومش قادرة تصدق كيف حب طفولتها يدير معاها هكي كيف بعد الحب ل حباته لية يخونها ويخطب غيرها 💔 مسحت دموعها وتتكلم وصوتها يرعش قق قصدك اااني مش بنت ناس🥺امجد:كيف ما كلمتيني تكلمي غيري شن يضملي بعد ما نتزوجك ماتكلميش حد غيري 😏
سارة:كل كلمة قالها نزلت عليا زي السم كأن حد ضربني ب سكين نزلو دموعي ومش قادرة نصدق ان امجد قالي هكي كيف طاوعه قلبة يقولي الكلام هدا كيف طلعت من المكتب بدون ما نرد عليه نمشي ف الممر ودموعي ينزلو وكلهم يشوفولي وفي راسهم الف سؤال طلعت من الشركة ومكنتش مركزه ف شي كل تفكيري كان ف كلام امجد نمشي ف الطريق وماحسيت إلا ع يدي حاوطت خصري وجبدتني طحت ع الأرض وقعدت نبكي بصوت كأن طفلة خدو منها حلوتها 😭😭😭
نزار:كنت ماشي ف السيارة وتفكرت ان مجبتش تلفوني رجعت واول ما نزلت شفت نفس البنت طالعه من الشركة وكأنها تبكي قعدت نراقب فيها استغربت كيف ماشيه ومش حاسه ب الطؤيق لين وصلت للسريع وكانت ع قريب ضربتها السيارة لو ما لحقت عليها طحت اني وياها وتفاجأت بدموعها وبصوتها لفيه حرقة دموعها ع شي مفهمتاش شن هوا مش حرام العيون السمحات يبكو 😍
سارة:كانت تبكي ومش سامعه شن يقول تفكيرها كله ف كلام امجد وكيف هانها زادت تبكي وقعدت تضرب ب يديها ع صدر نزار ليش ليش شن درتلة اني حبيته من كل قلبي حبيت كل شي يحبه كان بنسبة ليا كل شي كنت نموت الف موتة لو ميكلمنيش ليش دار فيا هكي 😭😭😭
نزار:تفاجأت لما بدت تضرب فيا وعرفت من كلامها انه الموضوعةف ولد وقفتها خلاص اهدي مش مستاهل تنزلي دموعك ع شي تافه ومدارلكش قيمة بصوت رجولي 🤤 امسحي دموعك يلا 😡
سارة:خفت منه مسحت دموعي اسفه وشكرا وجيت بنمشي مسكني من يدي
نزار:استنى وعكاها كرت مكتوب فيه رقمه هذا لو احتجتي لي شي اني موحود في اي وقت 😉 واعتبريني كيف خوك كان نزار ل اول مره يحكي بجد 😂 مفكرش يستغل ضعفها وياخد رقمها ويعاكسها اكتفى ان يعكي رقمه بس لو احتاجت ل شي لأن كان منضر ساره يوجع 💔
سارة:خديت الكرت تمام شكرا ومشيت وقلبي مكسور الف كسر وندعي ف قلبي ان يكون كابوس ونوض منه خديت تتكسي وروحت للحوش
رتاج:روحت للحوش لقيت ماما وبابا يتغدو وقفت وحطت يدها ف نصها ووووه شن الخيانه هدي 🤨 متقولوش ف بنت قاعده برا الحوش في الصقع وبلا غدي واصلا فكرت او لا 🥺
محمود:😂😂 تعالى كولي بلا دوه زايده عارفينك مروحه من الكلية وين بتكوني يعني
سارة:اي تعالي هيا
رتاج:اخسسس قلبي تفترش ي بابا هكي تقول ل بنتك حبيبتك 🥺
محمود:ناض وقف ومشالها بنتي نور عيوني منرضى حد يزعلها حتى لو كنت انا يلا تعالي قعمزي تغدي باش نمشو للملاهي اليوم 😉
رتاج:الله يااااه 😍 انت احسن اب والله وقربت باساته ومشت قعمزت
سارة:كان بوك يبوسو فيه 😒
رتاج:😂😂 نبع الحنان غارت وناضت باستها بوسة قوية😘
سارة:ووووه عليا ياريتني ما تكلمت 😂
رتاج&محمود:😂😂😂
رتاج:تغديت مع بابا وماما وكل شوي نضحكو دخلت لداري بدلت ودخلت غسلت و صليت فرضي ودخلت لسريري 😍 احححح انت بس لتحبني ونحبك ي قليبي 😍 اول ما حطت راسها جت ف بالها صورة سراج 😂 ناضت اووووووف 😡 شن الزح هذا حتى ف نومي طالعلي 😡 خدت فونها وفتحت نت جاها طلب مراسلة ع الفيس دخلتلها ولقت
.... اقبلي الطلب خير ما يصير كلام تاني ي ام لسان 😏
... هيا ليا ساعه نستنى تقبلي الطلب 🤨
تمام نتلاقو ف الكلية غدوا 😏
رتاج:من التيس هذا شن يحساب روحه عليك عيل وربي ميسحابنيش اني ب100 راجل الغبي حدفت الطلب ودخلت هدرزت ع سلسبيل واحمد وسكرت ورقدت
سلسبيل:خلاص ح نبعت الطلب 🙂 وفعلا بعتت الطلب وقعدت تراجل قريب خمس ساعات وجاها ان قبل الطلب وبدت تنقز من فرحتها ع السرير
مروة:خير دعوتك طعيتي ي بنت اعقلي قريب نزوحك وانتي عقلك عقل صغار 😡
سلسبيل:من فرحتها قربت امها وبدت تبوس فيها زي الهبلة 😂 قبلة ي ماما قبلة لووولي ورجعت لسرير تنقز 🤦🏻‍♀️
مروة:تنهدت ربي يهديك ي بنت وطلعت 🤦🏻‍♀️
ليث: واقف ع شباك مكتبه ويتفرج ع المطر تكلم ب صوت حاد مروان نبيك تجيبلي كل المعلومات ع اميرا حتى لو معلومة تافها نبيها
مروان:حاظر استاد
ليث:نهايتك ع يدي ي ست اميرا😡 ليث كان كل تفكيرة ان كيف اميرا ترد الفلوس وترده وتتجراء تقول الكلام هذا كان حاقد عليها ومش مداير ف بالة انها يتيمة وضعيفة 💔
للكاتبة فوفا الجعفري
سراج:لوح التلفون ع الكنبة بتجنني الفرخه هدي تفهر الزح نعن₩¥£ 😡
فراس:له له له هدا كلة ع خاكر معطاتكش وجه 🤔
سراج:ترا هنيني بسكوتك انت 😒
فراس:هه 🤐
سراج:طلع وقف قدام المسبح وتفكيرة مشوش مش عارف ان اعجاب او حب مسح ب يديه ع وجه ورمي تيشرته ودخل للمسبح
فراس:نعنجده المريض الجو صقع 😱
تاني يوم ناضت رتاج ول اول مره تنوض بلا عياط وعركات مع نزار 😂
محمود:كأن ف شي غريب اليوم صح
رتاج&سارة&نزار :كيف غريب 🤔
محمود:مفيش صوت عياط مفيش صوت عركاتكم خيركم شن فيه 🤨
رتاج:بابا لو تبينا نتعاركو عادي راه
نزار:اي ي بابا اصلا ندور ف من نفش خلوقي
محمود:هني روحك انت وياها ويلا كل واحد يمشي لشغله
نزار&رتاج:شافو لبعض وضحكو 😂😂
سارة:اليوم عطلتي بنمشي ل بوي وانتي ي رتاج اول ما تروحي تعالي غادي
رتاج:لا مانبيش نمشي نشوف خليقت هشام
سارة:تحشمي ي فرخه ولد خالك 😒
رتاج:ي ماما تقيل دم ويخفف ف دمة بسيف ووزياده كولة وعيل فوقها
نزار:اول مرة نتفق معاك ف شي 😂
سارة:تحشمي انتي وياه ومزلت نلقاكم تقول ف الكلام هذا نهاركم احرف 😡
طلع كل واحد لشغلة ورتاج الطريق كلها وتفكر ف الولد ل امس بعتلها الرسايل وتسأل في داخلها من وليش يتكلم معاي هك وكأن يهدد فيا 😡 اصلا لو صار شي بنطر نطلع جنوني فيه طبعا رتاج كانت واخده الحزام الأسود 😂😂 نزلت ونفس الشي سلسبيل وصلت حتى هيا حضنو بعض ساعات تقول كانو مسافرين 🤦🏻‍♀️ دخلو مع بعض ونصدمو ب 🔥

يتبع🔥

نتلاقو غدوا تفاعلو ع الحلقة منقعدش كل ما نتم من كتيبت حلقة نقلكم تفاعلو 🙂 وشكر خااااص ل يتفاعلو معاي بق لوف 😘