الصديقة الرائعة(لبيبة_منقولة)

الحلقة 10

#الصداقة_الرائعة

الحلقة العاشره

محمود:وين ماشي ي ولدي اقعد تغدا وبرا
هاني:لا صحيت والله مواعد صاحبي يوم تاني
محمود:تمان ياولدي وتو نرد عليك
سلسبيل:سراج معاش نقدر نخلي ف قلبي الكلام هذا كلة سراج نحبك والله نحبك نبيك تكون معاي ف كل وقت بديت نستنى فيك ب التانية باش تفتح نت ونهدرز عليك يومي ميمشيش إلا بيك اول مره نحب ونفتح قلبي لشخص وانت الشخص ل فتخته صح بتقول كيف ب السرعه هذي حبيتك مش بيدي والله حبيتك من اول ما شفتك ف المستشفى كيف اهتميت بيا حبيت رجولتك وكلامك حبيت شخصيتك وحنيتك وضحكتك حبيت عصبيتك والله 🥺
سراج:😳 معاش عرفت شن نقول صدمتيني بجد 😥 بس اني مدايرك كيف اختي ومنبيش يصير بينا هدا ملة لأنى ف قلبي شخص تاني والبه انتي بنت حلم كل ولد محترمه بس عقلي معاها مش متخيل نحب غيرها اسف بجد والله ي سلسبيل ماعندي فيك ما نقول تستاهلي خير مني والله
سلسبيل:توقعت كلامه هذا وعارفة انه يحب غيري بس معاش قدرت اه اني ل اسفه وانسى ل قلته سراج وكأن مصار شي بس نبي نعرف حاجه وحده بس
سراج:اوك تمام قولي
سلسبيل:البنت ل تحبها رتاج صح 😥
سراج:اي هيا رتاج
سلسبيل:كأن حد ضربني ب موس لما قالها قلبي عصرني ودموعي نزلو 🥺 تنهدت 😔 توقعت في شن خير مني رتاج في شن هيا تكرهك وتكره جنس ادم ليش اخترتها هيا 😣
سراج:تعرفي ليش حبيتها
سلسبيل:اي نبي نعرف ليش خترتها هيا بدات 🙄
سراج:حبيتها من طولة لسانها حبيت عصبيتها حبيت جنانها ضحكها بجد بدت عندي ادمان تخيلي بديت نمشي ع خاكرها للكلية ونشوف فيها ومتحسش عليا خايف نعترفلها وتردني لكن مستحيل نبعد عليها ومستحيل ياخدها غيري
سلسبيل:تمنيت نموت وما نسمع كلامه بحد قهرني 😢 خلاص خلاص معاش تكمل بالله عليك 😭😭
سراج:صدمتني سلسبيل اهدي خلاص الو الو اوف سكرت 😣
سلسبيل:سكرت ف وجه خلاص معاش قادره نتحمل نقولة نحبه وهوا ولا مدور ورقدت ع السرير وقعدت تبكي 😭
سراج:اوووف وضرب الدركسيون حط راسه عليه وشوي اتصل فراس نعم
فراس:خير دعوتك تتكلم هكي وين انت
سراج:قي نفس لمكان تعالى
فراس:تم اوف خيره توا شن فيه زعما ولع سيارته ومشي وكل الطريق يسكر ع وحده ويكلم التانية 😂 وصل قدام البحر ونزل قعمز بجنب سراج خيرك ي صاحبي
سراج:تنهد بنتفجر معاش قادر نمسك روحي بنمشي نقولها خلاص 😣
فراس:انت مركب ع روحك امشي اعترفلها وخلصنا من النكد بالله 😒
سراج:شاف ل فراس بربع عين 😒 سكرلي خاربك خير ما نعزقك ف البحر
فراس:هههه هذا الواقع شن بدير متقدرش تغيره امشي واعترفلها ومتخليش حد ياخدها منك وبدات البنت حلوا واي حد يشوفها تعجبه
سراج:توربي العباد ما واخدها غيري ولو نقلب الدنيا عليهم 😡
فراس:تمام نوض امشي اعترفلهاي راجل 😂
سراج:نعنشكلك ودفه جي طايح ف البحر ونقز حتى سراج وقعدو يغرقو ف روحهم 😂😂 طلعو من البحر وهما يضحكو زي المهبلة 😂 وجو كان سقع رمبو سياراتهم ومشو
رتاج:ماما شن رايك نغيرو الأتات
سارة:😒😒 نوضي تعلمي اطيبي خير 😒 وخلي الأتات عليا
رتاج:اوف ي ماما شفتي شن درت ف الشهر لفات متعلمتش حاجه كويسة ولنديرها نحرقها 🙄
سارة:طيح سعدك ي بايره ياربي شن درت ف حياتي باش تعاقبني ب بنت بايره زيها 😫
رتاج:دوري من يغيرلك جوك اصلا البايره ديما بلوه ع الناس ومشت لدارها
سارة:هههههه هكي تبي باش تمشي تتعلمي ي مصيبه وشوي دخل عليها محمود
محمود:سارة وين رتاج .
سارة:توا دخلت لدارها خير شن فيه
محمود:قعمز ع الكنبه اخخخ شن بنقولك جي هاني طلب مني رتاج
سارة:هاني نفسة ولد وليد
محمود:اي نفسه ومش عارف كيف نقول لبنتك العنايدية هدي
سارة:بنسبة ليا موافقة هاني ونعرفوه ومربيينة ونكزن متريحه لو خداها
محمود:اي والله ولدي ومربية ونعرفه مش ح يقصر معاها شوفيها انتي وقوليلي ومتزريش عليها خليها ع راحتها منبيش نغصبها ع شي
سارة:ان شاءالله شن نحط لغدي
محمود:اي والله جعان وين نزار
سارة:يتصيع ف راس الشارع تو نوري عمه الكلب فرحت انه معاش يمشي واليوم يقولولي في راس الشارع
محمود:نبي نعرف من ليقولك انتي 😂
سارة:😂😂 سر هذا
محمود:من امتى صار اسرار بينا ي سارة😂
قعدو يهدرزو لين نزلت رتاج
رتاج:ماما جعانه مزال
سارة:مزال نستنو ف نزار قال جاي تعالي بنقولك
رتاج:خير شن فيه 🤔
سارة:انتي كبرتي ي بنتي ونبي نفرح بيك اني وبوك هاني اليوم جي وطلبك من بوك
رتاج:شنووو 😱 شن تقولي ي ماما اني قاعده صغيره ومنبيش نتزوج يمشي يدور وين يلعب 😡
سارة:سكري فمك وتحشمي قدام بوك ي فرخه وشن فيها لو تزوجتي ندادك بصغارهم ي بايره 😡
رتاج:وانتي قلتيها كيف تبي اابايره هدي تفتح حوش وشافت ل بوها ي بابا قوله مش موافقه ومنبيش نتزوج ورقت لدارها وخلت ساره ومحمود مصدومين منها 🤦🏻‍♀️
محمود:متوقعتش ردها هكي لكن خليها ع راحتها مش ح نقوله الولد زيدي شوفيها غدوا انتي ولو قالت لا خلاص ننهي الموضوع
سارة:تمام ودخل نزار
نزار:يااااام جعاااااان والله
سارة:جيت ي صايع ي متع لبنات شن قلت اني مش قتلك معاش نبي نشوفك ف راس الشارع 😡😡
نزار:بسم الله من قلك 😱
سارة:تسحابني منعرفش ي فرخ امشي درق وجهك غسل ومزال كلامي معاك
محمود:😂😂😂 تستاهل
رتاج:هاني صار وربي لما نوري دينمك ي زفت طالب يدك يمشي ان شاءالله تموت 😡 وخدت فونها ودارت ع رقم سلسبيل واتصلت الو وينك ليا سنه نتصل ي بنت خيرك ترديش 😡
سلسبيل:ها ي توجا مريضه مش قادره نرد عليك طبعا تكدب تبيش ترد عليها 🙄
رتاج:سوبا ي عيوني خيرك سلامتك شن فيك 🥺
سلسبيل:شي برده خدبت دولء وتوا نتحسن عليه
رتاج:ي روحي سكري تو نجيك وقبل ما ترد عليها سلسبيل سكرت ف وجها 😂
سلسبيل:اوف ي رتاج مخاطريش نشوفك 😭😫
رتاج:نزلت تجري ل امها ماما ي ماما
سارة:خير دعوتك شن تبي
رتاج:سوبا مريضه ونبي نمشيلها
سارة:تمام امشي ومتعطليس
رتاج:اوك ومشت تلبس
سلسبيل:ياربي ساعدني معاش نبي نشوفها رتاج كرهتها ليش حبها هيا واني لا ليش 😭
رتاج:لبست ونزلت مشيت ف سيارتي شن هدا ليبيا كلها ف الشارع هدا 😡
ريان: بشوي ي حلو 😂 را يطقلك عرق
رتاج:تعرف تسكر خاربك ولا نجي نوريك
ريان:ياريت والله نبي نشوفك عنقرب 😍
رتاج:عيل وسكرة الشباك وشوي وخفت الزحمه ومشت واول ما وصلت تلاقت مع ليث
ليث:اسكني معانا خير 😒
رتاج:ياريت والله 😂 اختك مريضه
ليث:من قالك مريضه 🤨
رتاج:كلمتها قتلي مريضه ودخلت يلمت ع مروه ورقت ل سلسبيل وقفت ع الباب وقعدت ادربك سوبا الوووو انا جيييييت افتحي هيا استاحشتك 😂 سوبا
سلسبيل:فتحت شن الإزعاج هذا 😒.
رتاج:قربت سلسبيل حبيبتي ي قليبي وضمتها خيره وجهك هكي ليش شاحب شن فيه 😥
سلسبيل:اول مسألتني نزلو دموعي 😢
رتاج:هييي 😱 خيرك شن فيه خوفتيني ي بنت
سلسبيل:شي بس مضايقة 🥺
رتاج:ترا شوفيلي 🤨
سلسبيل:مسحت عيونها خلاص 😁😁 تعالي نهدرزو
رتاج:مع اني مش مصدقه لكن عادي قعدو يهدرزو لين تكلمت رتاج
رتاج:هيييي ادكرت 😂😂 جوني خطابة اليوم 😂😂
سلسبيل:خافت مم من هما 🥺
رتاج:هاني المغرور 😂😂
سلسبيل:ارتحت لما عرفت انه مش سراج كيف صار
رتاح:اليوم جي وكلم بابا وروح ولما قالولي تعاركت معاهم ورقلتلهم لا منبيش 😁
سلسبيل:اها وليش قلتي لا شن يمنع انك تنخطبي
رتاج:😂😂 تي اني نعرفش حتى نطيب تبيني ننخطب وبعدين منبيش نوجع راسي وانتي عارفتيني شن 🙂
سلسبيل:😂😂كلبه وقعدو يهدرزو
مع س 8 روحت رتاج وقعدت سلسبيل تفكر كيف توصل الخبر هذا ل سراج
ليث:زعما نمشيلها ☹ لا لا تو تقول تعود انه يجي هه عادي اصلا مديرها ف الشغل اني 😌 وفعلا دور ومشالها
اميرا:بصوت عالي مهااااااا 😡
مها:سن تبي 🥺
اميرا:انتي كسرتي الطاسة صح 😡
مها:نلا مس اني هذا احمد 🙂
احمد:هي 😱 تكدب والله ما كسرتها 🥺
اميرا:تعلمتى تكدبي ي مها 😡 وشدت ودنها من وين تعلمتيه هذا 😡
مها:😭😭😭 حلاص معاس نعاودها 😭
ليث:وصلت للباب ونسمع ف مها تبكي استغربت دقيت الباب
اميرا:احمد افتح الباب
احمد:به مشي فتح الباب اه عمو ليث 🙂
ليث:ليش مها تبكي
احمد:ضربتها ع خاطر تكدب 😁
ليث:بعد ودخلت لقيتها شاده مها من ودنها خيرك معاها بعدي عليها وقرب خداها
اميرا:🤨 كيف دخلت اهني 🙂
ليث:كيف ما يدخلو الناس مهوش عنوني خلاص اووووس معاش تبكي
مها:ميرا ضلبتنى 😭😭
ليث:عاجبك هكي 😡
اميرا:دارت الغلط بنضربها
ليث:مهما يكون مش تضربيها 😒 مسمومه
مها:متمومة☹
اميرا:اني مسمومة باهي ي مها دوري من يرقد معاك ف الليل
مها:بيكش تننى معاي عمو ليث يننى معاى وشافت ل ليث تتنى معاي عمو
ليث:اه ليش انتى تخافي 😹
مها:اي حاف 🥺
ليث:ترددت ف الأول لكن يلا ع خاطرك وشاف ل اميرا وغمزلها 😉
اميرا:صدمني 😳 خيره هذا 🤨
مها:هييييي عمو ليث ننى معاى 😍😍ومشت ل احمد
ليث:لو مفيش مانع
اميرا:اه عادي تقدر ترقد ف المربوعه ومها تو نرقدها معاي
ليث:اوك بس مها ترقد معاي لأن بايت ع خاطرها
اميرا:تمام تفضل قعمز ندير قهوه ونجي
ليث:مفيش داعي اتعبي روحك
اميرا:عادي تعبك راحه 😮 حي عليا شن قلت 😟
ليث:سمعت كلمتها 😅 لكن درت روحي مش مركز معاها
اميرا:غبية اني ودخلت للمطبخ
سلسبيل:الو
سراج:اهلين سلسبيل
سلسبيل:شن الجو
سراج:تمام وانتي
سلسبيل:كويسة وفرحانه هلبا
سراج:دومها وليش شن السبب
سلسبيل:هه توجا نخطبت اليوم
سراج:شنو 😥 ممتأكده من لتقولي فيه
سلسبيل:اي متأكده
سراج:اوك نهدرزو بعدين سكر عليها وحدف التلفون ع الحيط وطلع ركب سيارتة ومشي بسرعه ومن كتر ما هوا معصب لين لقي روحه قدام حوش رتاج
سلسبيل:هه ح نخليك تكرها رتاج وحتشوف ي سراج 😏
سراج:اوف نزل من السيارة ووقف قدام الباب لقاه مفتوح
دخلت لكن ملقيت حد قعدت نمشي لين وصلت للجنان الخلفي شفت شخص مقعمز ع الدرجيحه وعرفت انها رتاج قربت منها وحطيت يدي ع فمها ولصقتها ع الحيط
رتاج:صوت يرعش مم ممن انت 😰
سراج:ليش وافقتي عليه
رتاج:سراج انت صح 🤨
سراج:اي كيف عرفتيني
رتاج:وكيف ح ننسى صوت الشخص لنكرهه 😏
سراج:قهرتني ب ردها ليش تكرهيني نبي السبب بس
رتاج:حول يدك خير ما نعيط ونلم عليك الناس
سراج:تفصلي عيطي باش يجوزوك ليا بدون تعب
رتاج:سخيف وقعدت تفك روحها منه لين حست ب انفاسه ع وجها معاش قدرت جسمها كله تخدر منه وتاني مره يصير معاها نفس الشي قلبها قعد يدق بسرع وسراج قعد يقرب منها لين تخالطو انفاسهم قرب ودن رتاج وهمسلها نوعدك ان مفيش واحد واخدك غيري وانتي حتكوني حلالي حلال سراج فاهمه اي نسيت نحبببببك بعد عليها شوي ورجع باس خدها بوسة خفيفه ومشي
وخاى رتاج متجمده ف مكانها معاش عرفت شن تقول عقلها تخدر وجسمها تخدر وكلام سراج ف ودنها يتردد ومش مستوعبه كيف خلاته يقرب منها وفوقها يبوسها لين سمعت صوت
نزار:شن اديري هني 🤨
رتاج:اه 😥 لا شي نشم ف هواء حاسة روحي مخنوقه بس ودخلت تجري لدارها
اما عند سارة كانت تبكي ع سريرها وخلاص وتتفرج ع صور امجد قلبها كان محروق كيف يخليها بعد الحب هدا كله كيف فضل غيرها دارت ع رقم امجد واتصلت لين رد
امجد:قداش مره قتلك معاش تتصلي بالله خليني ف حالي خير ما نطلع من طوري ونبدا نفيلم عليك توا الزح افهميها اني نحب في خطيبتي وان شاءالله بتكون مرتي وام ولادي
سارة:بصوت يرعش كيف هنت عليك بعد السنين هدي تسيبني
امجد:تبي الحق ماعمري حبيتك كنت مدايرك تسلية ضياع وقت بس وانتي كلمتيني وحتكلمي غيري معروفه
سارة:وجعها كلامه وخلاها تفيق ع روحها كيف مدايرتله قيمه وتبكي ع خاطره لكن هوا مش محترمها نهائي ومدايرها لعبة تكمت وبصوت فيه الخنقه انت عيل والله عيل وصدقني ياداير يالاقي وحتجيني نادم وتقولي اسف لكن وقتها مش ح تلقاني صدقني وخليك معاها ل فلضلت حبي عليها وسكرت ف وجهه وقعدت تبكي ب عبرتها صااااااعبه والله تحب حد وفي الأخير تطلع لعبة ف يده تقهر والله امجد طلع عيل مع سارة ومصانش حبها وصدقوني ياداير يالاقي ولداره ح يرجع ف مرته وصغاره واخته ولا فيه وربي مش ح ينسى حد وكل واحظ ياخد حقة
تاني يوم ناضت رتاج ك العاده هيا ونزار وسسبيل ناضت كأنها منتصره وبدت ف مشوار جديد وان شاءالله خير
سلسبيل:اه ياربي كيف بنشوفها توا يلا نتصرف معاها زي قبل
رتاج:سوبتي تاحشتك والله
سلسبيل:حتى اني 🥺
رتاج:نجك ي حب عمري
خلود:ناس معاش تتحشم يضبطو في بعض قدام الناس 😒.
رتاج:شن واجعك ي شحروره انتي الهي ف روحك خير
خلود:اوف ناضت وتقلب ف عيونها زي البومة 😶
سلسبيل:لازم يعني كل صبح تناذبيها
رتاج:وبلكي تبيني نسكتلها تحلم المزيتة 😒 قعدو يهدرزو لين رتاج رفعت راسها وتشوف 😳

يتبع ❤

نتلاقو في الخلقات الجاية معاش اطول وقريب الحلقات الأهيره وتفاعلو عليها وقولولي رايكم فيها 😍