الصديقة الرائعة(لبيبة_منقولة)

الحلقة 12

#الصداقة_الرائعة

الحلقة 12

مها:خدت شنطتها وقربت باست اميرا وليث وطلعت
ليث:شاف يمينه ويساره ملقاش حد قرب من اميرا وكانت مسافة ل بينهم شعره بس قرب لودنها وهمسلها نحببببك وباس خدها وطلع
اميرا:واقفه ومصدومة من الكلمة لي قالها ليث قرصت خدها اني نحلم صح 😨 لالا مش حلم هذا قالها 😩 واااك شن هذا قعمزت ع الكرسي وتفكر فيه ههههههه لالا مش ماشيين مع بعض نهائي 😂😂 اني وليث 😂😂
في الليل
رتاج:كنت راقده ع السرير ونفكر في كلام سلسبيل 😥 اكيدا فيه شي ولازم نعرفه لازم ناضت لبست عبايتها ويشاحها وخدت فونها ونزلت لقت الصالة مفيها حد مشت للباب ولقيت مفتاح سيارة نزار خديته وطلعت ركبت السياره ومشت قعدت تمشي بسرعه لين وصلت قدام فيلة سلسبيل نزلت وكان الجو ضلام ومطر فتحت باب السور ودخلت قعدت ترن ع الجرس فتحتلها مروه
مروه:رتاج 😳 شن جابك ف هلليل ي بنتي شن فيه
رتاج:تمسح ف عيونها نبي سلسبيل
مروه:ادخليلها فوق ف دارها ومتروحيش باتي الليله اهني جو مطر
رتاج:رقت ل سلسبيل ومعطتش كلام مروه ولا اهمه فتحت باب الدار
سلسبيل:انتي 🤨 كيف جيتي اهني مش نهيت كل شي معاك لاش جايه 😡
رتاج:دموعها ينزلو 😭 وتتكلم بهستيريا ليش قلتي هكي سلسبيل فهميني مش نحنى صحبات مش نحتى خوات كيف هانت عليك صحبتنا اكيدا في سبب قولي تكلمي شن فيه متخليش صحبتنا تنتهى 😭
سلسبيل:رتاج اطلعي روحي افصل خير ما نطردك 🙄
رتاج:هه لهدرجه كرهتيني 🥺 ليش فهميني مستحيل نطلع لين تقوليلي تكلمي وقولي هيا 😭
سلسبيل:لا هكي اوفر الصراحه 😡 تبي تعرفي السبب
رتاج:اي نبي نعرف 🥺
سلسبيل:ع خاطر سراج 🙂 كرهتك كرهتك اول مره نحب ويطلع يلي نحبه يحبك واعترفتله قلي انتي زي اختي بس قلبي مع رتاج فاهمه سراج يحبك ي رتاج واني مستحيل نخليه ليك وحنخلية يكرهك صدقيني ولو ع قطع رقبتي سراج بدي كل شي ف حياتي انتي خايتيني نكرهك انتي السبب منبيش نأديك ع خاطر الصحبه ل كانت بينا ف اطلعي خير واي ياريت معاش توريني وجهك مش ح نضمن روحي
رتاج:يعني انتي ع خاطر الزفت سراج نهيتي صحبتنا 🥺 ع خاطره كيف انتي بعقلك لو جيتي وحكيتيلي راه اني تصرفت ليش هكي ليش 😭🥺
سلسبيل:حتى لو كان حكيتلك هوا مدمن فيك تعرفي شن مدمن
رتاج:ساهله ح نقولة ينساني ونهزبه خيرك وبعدين انتي عارفه اني مش متع حب 🥺
سلسبيل:اووووف اووووف 😩 قتلك مدمن فيك باش تفهمي ياسر انتي طيحتي كرامتك هلبا ليك ساعه تترجي فيا لمي بقايا كرامتك واطلعي بنرقد 🙂
رتاج:كان كلام سلسبيل نحس فيه اماس ف قلبي لهدرجة كرهتني بسببه كرهتني هيا بسببه تمام لكن انتي الخاسره ي سلسبيل والله وطلعت ودموعها ينزلو
مروه:استنى ي رتاج انتي ي بنت متطلعيش الجو برا مطر متقدريش تسوقي 😥
رتاج:طلعت ركبت في السيارة ومشيت وكل ما تنزل دمعه نمسحها كان الجو مطر قعدت نمشي بسيارة لين وقفت قدامي سيارة شديت فرينو لين ضربت راسي ف المرش اه راسي 😥 قعدت نشوف ف راسي لين سمعت حد دق ع شباك السياره شفت لقيته سراج تفكرت كلام سلسبيل نزلت بغل وقفت قدامه وقعدت نضرب فيه ودموعي ينزلو 😭 كله منك كللللله منك ليش ليش درت هكي ليش 😭 سلسبيل معاش بتكلمني بسببك اني نكرهك نكررررررهك فاهم ستحيل نحبك ولو تكون اخر واحد مستحيل نفكر فيك انت فرقتني ع اختي 😭😭
سراج:كنت ماشي ف الطريق لين شفت رتاج ف السياره وتجري بسرعه قعدت نمشي وراها وحسيتها كل شوي تزيد ف السرعه سرعت سيارتي وجيت قدامها نزلت ومشيت وقفت نزلت وكانت تبكي بهستيريا نصدمت فيها قعدت تضرب فيا بيديها و تقول ف كلام مش مفهوم زين ولي فهمت من كلامها ان سلسبيل معاش تبي تكلمها ع خاطري وان تكرهني مسكتها بيديا رتاج اهدي خلاص 😡
رتاج:ارتخيت نكرهك نكرهك سراج اني مستحيل نحبك فاهم انساني معاش نبيك تبي سلسبيل اني 🥺
سراج:رتاج اهدي خلاص اسكتي وح نحله الموضوع لكن اني ننساك هدي متفكريش فيها بكل انتي ي ليا ي ياخدك ربي فاهمه مستحيل تكوني لغيري 😡 مسحتلها خدودها من الدموع خلاص هلكتي العيون السماح ب الدموع 🙃 بعدين كيف سلسبيل فاتاتك هيا قتلي انك انتي معاش تبي تكلميها وع اساس البطيخه خطيبك معاش يبيك تكلميها
للكاتبة :فوفا الجعفري ❤
رتاج:شنو 🥺 شنو تقول اني مانديرها وماعمري فمرت اني نفوتها هدي اختي ي سراج اختي في حد ينسى اخته 😭
سراج:فهمت من كلام رتاج ان سلسبيل كدبت عليا واني ضلمتها هه خديت رتاج ف حضني وركبتها ف السياره وجيت ركبت ف سيارتها ومشيت بيها وهيا كانت تبكي الطريق كلها متوقعتش انها تحب سلسبيل لهدرجه اول مره نشوف صحبات هكي وجعتني كيف ضامه رجليها وتبكي لب لحضه كرهت روحي لكن مستحيل نفرط فيها
وصلت قدام حوشها ونزلت ونزلتها دخلتها لباب الحوش ورنيت الجرس وطلعت برا السور واستنيتها لين دخلت ومشيت
ساره:رتاج 😳 وبن كنتي ي بنت س 12
رتاج:دخلت وعطيتها مفتاح السياره ورقيت لداري
دخلت ل دراي وكأن لي صار حلم ارتميت ع سرير وغمضت عيوني منبيش نبكي
بعد شهرين
رتاج:كنت مقعمزه في البلكونه ونفكر ف كلام سلسبيل وفات شهر ومشفتهاش ولا سمعت شي عليها مكنتش نمشي للكلية نزار يجيبلي ف المحاظرات من صاحبه وخلاص
سارة:لمتى بتقعدي هكي منكده ع روحك وعلينا 😡
رتاج:ماما ياريت تخليني ف حالي
سارة:تنهد ب حيره نبي نعرف شن هوا لمخليك هكي😡
رتاج:متعاركه مع سلسبيل تريحتي توا 🙂
سارة:طيح سعدك انتي وياها وطلعت 😒
رتاج:اوووف خديت قراري ندير زي مدارت نست صحبتنى يلا دخلت وسكرت البلكونه وراي وخديت دبشي ودخلت للحمام دوشت
سارة:كأني شايفاتك 🤨
نزار:اي ي حلو 😉
سارة:فقصه ف عيونك 😒 ومشت وخلاته 🙃
نزار:😂😂 لقيتك واخيرا
امجد:ع من تحكي 🙃
نزار:😒 شن دخلك انت خليك ف شغلك ودخل لمكتبه
السكرتيره:عفوا استاد في بنت تبي تشوفك
نزار:بنت 🤨 معرفتيش من هيا
السكرتيره:لا نخليها تدخل
نزار:اوك دخليها
دخلت وقعمزت ع الكرسي احممم عفوا استاد
نزار:رفعت راسي انتي 😳😳
سارة:انت المدير 😱
نزار:هههههه اي خيرك مستغربة 🙂
سارة:شكلك مش شكل مدير 🙂
نزار:جرحتي مشاعري الزفت 😒
سارة:😂😂 اسفه ي استاد
نزار:نزار استاد نزار ولا مش لازم استاد قولي نزار بس 🙂
سارة:تمام نزار وسلمت عليه
نزار:اي احكيلي شن فيه
سارة:بصراحه اني نبي نشتغل اهني
نزار:🤨 تشتغلي كيف هدي 🙂
سارة:كيف بنحكيلك
نزار:من الأول
سارة:قعدت تحكيلة من اول ما شافاته
نزار:اوووف هذا كله صار معاك
سارة:للأسف ☹ ها شن بتخليني نشتغل اهني
نزار:اوك بس بشرط
سارة:شن هوا
نزار:انتي زي ما قلتي تبي تقهريه صح 🙂
سارة:اي 🙃
نزار:خلاص عندي غكره وح نساعدك لأن مش طايقه الفرخ هذا
سارة:وكيف
نزار:نكونو مرتبطين شن رايك 😉
سارة:شنو 😳
نزار:اي ح تقهريه بزياده هكي
سارة:سكتت شوي تمام موافقه 🙂
نزار:تمام حبي 😉
سارة:😂😂 انت شن قصتك مع الغمزه 🙂
نزار:هههههه عيني متقدرش تقاوم الحلوين 🙂
سارة:احممم يلا شن بتعطيني شغل توا
نزار:بنخليك سكرتيرتي 🙂 شن رايك
سارة:بس عندك سكرتيره 🙄
نزار:عارف بس ح نعطي اجازه لسكرتيره وانتي تكوني ف مكانها
سارة:اوك 🙂
رتاج:طلعت من الحمام جففت شعري وولبست جينز اسود وفلينيا حنيه وشاح اسود ودرت ميك اب خفيف وشوز ابيض وخديت شنطي وفوني ونزلت
سارة:وين ع خير 🙄
رتاج:قربت باست امها مش تبيني نطلع من داري طالعه نغير جو
سارة:تمام اربحي وديري بالك ع روحك وروحي متعطليش لليل
رتاج:حاظر وجت طالع تلاقت مع نزار اووووو ي برو 😉 شن رايك تمشي معاي للملاهي 🙂
نزار:رجعت زي قبل تقول عايش مع ولد الزح 🤦🏻‍♀️😂 هي اطلعي فرحت لما شفتها طالعه من دارها وتضحك
رتاج:خود سوق بيا 😁
نزار:سواق بوك توا 🤨
رتاج:لا سواقي 😂
نزار:نعنجد حناطك 😒 اركبي اركبي خير ما نمشي بلا
رتاج:😂😂 هي امشي
وصلو للملاهي وكانو شادين ف بعض وليشوفهم يقولو مش خوت هدين 😂 قعدو يلعبو مع بعض ويضحكو
رتاج:نزور نبي غزل البنات 🤩
نزار:نعنفيتك فلستي بيا اليوم 😩
رتاج:تي هيا عاد نرجع كيف ماكنت راه 🥺
نزار:لالالا خلاص نعطيك كل شي غير غير اسكتي 😩
رتاج:اوباااااا ومشت خدت منهم وعنك نزار يخلص وراها وكل شوي تشوف حاجه تاخد منها 🤦🏻‍♀️ ونزار يخلص 😂
سلسبيل:وين مغيبه رتاج اول مره نقعدو شهر ومنشوفوش بعض 🙄 شافت فونها وقعدت تتفرج ع صوراها هيا ورتاج
رتاج:كنت نمشي اني ونزار لين شفت سراج ادمرت اخر مره لما شفته تمنيت نمشي ونضربه شافني وكأن يبي يحكي معاي شفت ل نزار نزوري نبي الحمام شوي ونرجع
نزار:اوك متعطليش
رتاج:توانيىبس ومشيت كنت عارفه انه حيلحقني تلفتت وراي شن ادير اهني ولا تراقب فيا 🤨
سراج:استاحشتك 😩
رتاج:بكل وقاحه تقولي فيها 😡 انت متبيش تفهم نكرهك اني راه
سراج:شاف يمينه ويساره ملقاش حد قرب منها وباسها مستحيل ننساك فاهمه وزي ما قتلك ي ناخدك ي ياخدك ربي 😉 ومشي وخلاها مصدومه
رتاج:نعنجده التيس كيف خليته يبوسني 😥 واني ليش قلبي بيطلع من مكانه اوووف ياربي شن هدا نقعد شهر منشوفش حد ولما نطلع تخليني نشوفه هوا 😩
نزار:خيرك عطلتي 🤨
رتاج:اه شفت بنت كانت تقراء معاي
نزار:اوك هي لو خلصتي امي تتصل من بكري
رتاج:اوك هي طلعت وكان قلبي بيطلع من مكانه مش عارفه ليش شفت واقف قدام البوابه طنشته وطلعت اني ونزار
سلسبيل:كنت مكسده ونتفرج ع صوراي مع رتاج ونضحك كيف كنا لين جتني رسالة ع الواتس فتحتها لقيتها صوره دخلت فيها وننصدم لقيت بصوره سراج يبوس في رتاج حدفت فونها ع الحيط لا لا لا 😡😡😡 الهم ليش هيا ليش قعدت تبكي وترعش وكأن جتها الرعشه سلسبيل حبت سراج حب متملك 😩
ح نخليك تندمي ي رتاج صدقيني 😡 ليش حبك انتي ليش 😭
مها:ميرا نبي ليث تاحشته 🥺
اميرا:اوووف ي مها عنده شغل ليث
مها:علاس معاس يجينا 🥺
اميرا:كانت ادور ف المطبخ ولما سمعت كلمت مها اي ليش زعما واصلا متغير عليا وكأن يتهرب مني كل منشوفه ويتجنب فيا مهوش حبي خلاص اكيدا عنده شغل
مها:نلا نبي ليث توا وقعدت تبكي
اميرا:معاش عرفت شن ندير مها معاش بت تسكت خلاص اسكتي امسحي دموعك تو نكلمه يجي
مها:حق 🥺
اميرا:اي شوفي هي
ليث:اميرا ليش تتصل شن فيه بخوف ولهفه الو فيك شي مها فيها شي 😥
اميرا:لالالا بس مها معاش سكتت تبيك
ليث:تنهد براحه 😩 خيرها
اميرا:ترددت في الأول رايفتلك 😥
ليث:هيا بس رايفتلي ولا في ناس تانية 😁
اميرا:حبت تغير الموضوع شن بتجي
ليث:اوك جاي جاي مديريش غدي جايب معاي 🙂
اميرا:لا لا درت طاجين حوت تعالى تغدا معانا
ليث:اوك تمام جاي
اميرا:ارتحتي توا بيجي هي امشي بدلي وتعالي نديرلك شعراتك
مها:من عنوني ومشت تجري فرحانه
اميرا: يارب نشوف فرحتها ديما ونفرح بيها ادكرت امها ونزلو دموعها
مها:ميرا تعالي لبسيني معرفتش نلبس ☹
اميرا:مسحت دموعها وابتسمت ههه تمام جايه هي
لبست مها ودرتلها شعراتها دق الباب مشيت فتحت وننصدم ب

يتبع ❤