#بـَغض و هيام
بقلمي: دُعـاء
خُذني إليك
فليسَ ثمةَ في صَدري
سِواك من الأمنيات
خُذني
فلقد تصادفنا و تعارفنا
تلائمنا و تلاحمنا
خُذني إليك
فأنا أخشى أن تأخذني
نوبةُ حُزنٍ عابرة
أو ضربة حنينٍ موجعة
أو غصّةً ما.
_________________________________________
ميرال: انتظرت ايهم يرجع الوقت تأخر
سمعت صوت اذان الفجر
قربت للشباك واسمع صوت التكبيرات بكل طمأنينة
گمت اتوضه فرشت السجادة
الصلاة ملاذ الي ما أكدر اتغاضى عنها تنطيني راحة نفسيه وتنفس من خلالها
ماكو افضل من شعور السجود و الخضوع التام إلى الله
والدعاء المستجاب بعد كل الصلاة
لقاء الله بكل صلاة تحسسني بقربي اكثر من الله اذا تفوتني صلاة احس روحي ضايعه
الصلاة عزة وقوة للمؤمن السجود لله رفعة وسمو
لا معنى للحياة بدون صلاة
ماكو احد يستقبلك بكل حالاتك غير ربي العالمين
كملت صلاتي سبحت وقريت آية الكرسي
اخذت نفس طويل وزفرته حسيت براحه وگمت
-ايهم كلش طول هل مره
اخذني النعاس ونمت
كعدت الصبح واتأكد ايهم من البارحه ما داخل البيت
دائما يتأخر بس مو هيج شما يتأخر بس يجي للبيت ينام
اتصل عليه يرن بس محد يفتح خط
انتظرت للعصر وماكو تخبلت هذا شصار بي اكيد تاذه
قبلها جي ايده مضروبة هسة معقوله شصار بي
ادك ومحد يفتح دا اريد اگطع الاتصال و رد عليه واحد بصوت خشن عرفته مو صوت ايهم
-الوو ايهم
-السلام عليكم
-ايهم وين انت منو
-لا يضل بالكم ايهم بخير
-هوه شنو لا يضل بالنه انت منو وايهم وين
- اني صديقه
-ايهم صاير بي شي احجي وينه
- اهدي ايهم انصاب بس هوه بـ خير
رديت عليه وحسيت كلبي وگف
-شنووو
شنوووو أنصاب تحجي صدك گلي أخوية ويننن
- راح ادزلج عنوان بس شوية بعيد
ميرال... سد الاتصال وگعت بالكاع ودموعي نزلت حرگن خدودي
اخخ ايهم شسويت بروحك ولك حاجيتك تبطل سوالفك المكسره
اهتز مبايلي وصلني العنوان
لبست بشت وشال على السريع وطلعت من البيت وكل جسمي يرجف احس ماكدر امشي
عبرت من البستان مالتنه رحت لبيت جيرانه
-عمه الله يخليج ابقي يم امي رايحه اشوف أخوية
أنت تقرأ
بَغض و هيام
Actionينظرَ إلى نفسهِ بالمرأةِ ينظرُ إلى حالةِ الموجعِ ، ينظرَ إلى عيناهُ عيناهُ التي تجمعَ السوادُ منْ حولها عيناهُ اللتانِ فقدتْ الرغبةُ والأملُ فقدتْ القدرةُ على السيرِ وإكمالِ حياتهِ التي لمْ تصبحْ حياةٌ بلْ أصبحتْ عذاب هالكٍ ، سجنُ لنْ ينجوَ منهُ بعد...
