Copying Immortal Cultivation - FOD Arc 12 Translation (completed) (U&Z)

12.6

12.6

မိုယူနှင့် ကျို့ယီမင်က ဆရာသခင်ချီရှောင်၏ တပည့်တွေဖြစ်ကြပြီး ဝိညာဉ်ကြောတစ်ခုတည်း ရှိကြကာ သူတို့၏ ပုံမှန်အင်အားကလည်း သာမာန်ထက် လွန်ကဲပေသည်။ ပထမပွဲစဉ်အတွင်း စတင်ဖို့ ခေါင်းလောင်းမြည်ကတည်းက သူတို့ဟာ အားထုတ်စရာ မလိုဘဲ ပြိုင်ဖက်တွေကို အနိုင်ပိုင်းကာ အကြင်နာတရားကင်းမဲ့စွာ ပြုမူခဲ့ကြသည်။

တကယ်လို့ ထိုတပည့်များသာ မြန်မြန် အရှုံးပေးကြောင်း ဝန်မခံမိပါက သေခြင်းနှင့် အဆုံးသတ်သွားလိမ့်မည်။

တချို့တောင်ထိပ်သခင်တွေက အလောင်းအစားတွေ လုပ်နေကြသေးပေမဲ့ ပွဲကြည့်စင်ပေါ်က တပည့်တွေက ဒေါသထွက်နေကြသည်။ သို့သော် ဘာမှမပြောရဲကြပေ။

" ဂိုဏ်းရဲ့ မဟာသိုင်းပညာပြိုင်ပွဲက အမြဲတမ်း သေရေးရှင်ရေးနဲ့ ကြုံတွေ့ရတာပဲ။ သူတို့နှစ်ယောက်က ဘာစည်းကမ်းမှ ချိုးဖောက်နေတာ မဟုတ်လို့ အပြစ်ပေးစရာ အကြောင်းမရှိဘူး။ တကယ်လို့ ပြိုင်ပွဲကသာမပြင်းထန်ခဲ့ဘူးဆိုရင် တပည့်တွေက သူတို့ကျင့်ကြံဆင့် ဘယ်လိုလုပ် တိုးတက်ပါ့မလဲ။

အဲဒါဆို သူတို့အပြင်သွားခဲ့ရင် တခြားသူရဲ့ ပစ်မှတ် မဖြစ်တော့ဘူးပေါ့ " ဆရာသခင်ချီရှောင်က ပြုံးပြီး ပြောလိုက်သည်။

တောင်ထိပ်သခင်တွေက ဂိုဏ်းစည်းကမ်းရေးဆွဲသူဖြစ်လို့ သူတို့က တိတ်ဆိတ်နေနေကြသည်။

စုန့်ယွီဖေးက ရွှေအမြုတေအဆင့် နောက်ဆုံးကို ရောက်ရှိနေပြီး ဒီအုပ်စုထဲမှာ စွမ်းအားအကြီးဆုံးလို့ သတ်မှတ်နိုင်သည်။

ထို့ကြောင့် သူ့အောင်မြင်မှုတွေကလည်း သက်တောင့်သက်သာ ရခဲ့သည်။ အကြောင်းအရင်းမှာ အစပိုင်း သူ့အခြေခံအုတ်မြစ်က အပေါ်ယံမျှသာဖြစ်ပြီး သူ့ဆရာကလည်း မျက်နှာသာမပေးပေ။

သူ့အနေနှင့် စိတ်ကြီးမဝင်ရဲပေ။ သူ့ပြိုင်ဖက်တွေကို အရှုံးပေးဖို့ အတင်းကြပ် လုပ်ဆောင်ခဲ့တာပဲ ရှိသည်။ သို့သော် သူ များစွာတိုးတက်လာတာကို လူအများက သတိပြုမိခဲ့ကြ၏။

ယွင်ရှန့်က ပြိုင်ပွဲကွင်းထဲ တစ်ခါမှ မဝင်ရောက်ပေ။ နောက်ဆုံးပြိုင်ပွဲကို စောင့်မျှော်နေသလိုမျိုး မဟာအကြီးအကဲ နောက်ကနေ မတ်တပ်ရပ်ရင်း ပြိုင်ပွဲကို ကြည့်ရှုနေလေသည်။ သူက ပြိုင်ဖက်တွေ မောပန်းနေသည့်အချိန် တိုက်ခိုက်ဖို့ စောင့်နေသည့် အပြုအမူက တပည့်တွေကြားမှာ ဝေဖန်သံတွေ တကျီကျီ ပွက်လောရိုက်လာခဲ့သည်။