.
.
.
.
مرات من گد الألم
لا تشتكي ولا تشعر
وما يبقى عندك حل وسط
لو تنكسر لو تكسر
_________________________________
#شيراز
شيراز:بعد ما طلع الانسان الي اكدر اكول
علي اقذر شخص بالكوكب وخلاني اصارع
الموت وحدي حرفيا شكد ما احجي ع الي
صار بيه ميوصف حالي طلع وخلاني بألمي
وبدمي الي ترس الجربايه اثر النزف الي صار
نزلت من الجربايه واني جسد بلا روح نزلت واني
طافيه الدنيا كله بعيني نزلت واني احس نفسي مقرفه ونك...ه وقذره شفت حمام بالغرفه مديت ايدي ع الباب
مال الغرفه وبعد ماحسيت بشي
:: كعدت واني بالمستشفى وملابسي متغيره وشهم
لازم ايدي وكاعد يم السرير نترت ايدي منه ودرت وجهي
شهم: ها حبيبتي شلون صرتي
شيراز (بكلبي): شبي هذا شهالصلافه هاي
ضليت ساكته ماحجيت لان حرفيا جان الالم
فضيع ومينوصف
الدكتوره: كتلي مزوجين جديد مو?
شهم: يي خويه
شيراز: ضليت باهته شنو مزوجين جديد شديحجي
الدكتوره: شوف عيني لازم متتحرك هواي
حته لينفتحن الخياطات لان اذا انفتحن راح
تتاذه وبصعوبه تطيب مره ثانيه
شهم: مشكوره دكتوره ماقصرتي
الدكتوره: العفو عيني واجبي
شيراز: راحت الدكتوره واني عقلي واكف
فززني صوته من حجه
شهم: يله عمري كومي نرجع للبيت ومابيج
شي رجعتي بنيه وجم يوم وتطيبين وابوج
اني خابرته كتله لكيته الصبح ضايجه وطلعته
تغير جو وهسه كومي يله نروح نتغده ونرجع
شيراز: كلمه ماحجيت جان كل همي ارجع للبيت
طلعنه من المستشفى اني ومغتصبي الي هوه ابن
عمي الي المفروض يصير سندي واخ الي بس للاسف
طلع احقر وانذل شخص اعرفه
::صعدت بالسياره واني كارهه نفسي وشهم
والدنيه كله بودي اموت واخلص من عذاب الحياه
الي اني بيه
شهم: شيرازتي بعدج متوجعه ?
شيراز:......
شهم: حبيبتي مو دا احجي وياج ليش متردين
شيراز:..........
:: وكف السياره كبال مطعم وقفل السياره
وراح يجيب اكل فتحت الجكمجه مال السياره
ولكيت بيه سلاح ما اجه ابالي غير بس اول ما
يصعد طلقه براسه واخذ حقي شفته بي طلق
سحبته ورجعته المكانه وسديت الجكمجه اجه
هوه حط الاكل وره وكلي انزلي نزلت صعدت وره
كام يسويلي لفات وينطيني اكلت وحده جنت فعلا
جوعانه لان حرفيا جنت بمعركه انطاني عصير شربت
شويه ورجعته نزلت وصعدت بمكاني كل هذا واني ما
حاجيه حرف وياا لم الاكل بالعلاكه ورجع صعد بمكانه
اندار عليه وكال
