العقل وما يهوى

البارت السادس عشر

#العقل وما يهوى

للكاتبه/زينب الخفاجي

💜لتنسون تصوتون وتعلقون وتنطون رئيكم💜

حساب التيك توك /kfag2

💚....................................................💚

.
.
.
.
چوي روحك من تِحن ، گللها عيب .

......................................................

#شيراز

شيراز: كعدت واشوف نفسي بالمستشفى وشهم لازم ايدي الي بيه كانونه ومشكليلي مغذي وامي كاعده من الجهه الثاني مال السديه

شهم: حمد الله ع السلامه شيرازتي والله ماجان قصدي

شيراز: سحبت ايدي منعده وكل همي يكلولوي ابني مابي شي التفتت ع امي وكتله

:يمه ابني مابي شي مو ?
احجو لتضلون ساكتين شبيكم

ناديه: الله يعوضكم يمه كولي يا الله

شيراز: ههههههه ادري دا تجذبون علي كومي صيحو الدكتوره
عطت ع شهم
مدكووم شبيك

راح هوه واني ما اريد اصدك فقداني الابني الي هوه الشي الوحيد الي جان مصبرني صح بالبدايه جنت كارهته بس تعودت علي ببطني صارله 3 اشهر مع العلم حته بعده صغير بس ماكدر اوصف شنو شعوري بذيج اللحضه الم نفسي وجسدي وكره وخذلان وكسره خاطر كلهن جانن بيه كلهن عشتهن بموقف واحد
اجتي الدكتوره واني كلي امل دكلي ابنج عايش

الدكتوره: حمد الله ع سلامتج ماما ربي يرزقج غيره ان شاء الله بس انتي خلي ايمانج قوي بربج وكلشي بخير وهاي كتبتلج مسكنات ومهدئات حته ترتاحين هاليومين ومابيج غير العافيه

شيراز: انطت الدكتوره الراچيته الشهم وراحت واني راحت روحي وراه

شهم: اني راح اجيب العلاج علما تخلصون حته نرجع

شيراز: كامت امي لبستني صايه ملبسنياه شهم من جايبني ضلينه كاعدين الحد ما اجه انطه العلاج الامي واجه يريد يسندني دفعته وبقيت امشي وحدي الحد ما طلعنه رحنه للسياره صعدت اني وره وحته ماباوعت بوجهه لان بس احجي ويا انهار وحتلو حجيت ويا مراح يفيد ابني وخسرته. المهم امي صعدت يمي واني حطيت راسي ع الجامه وغمضت عيوني مانايمه بس غمضت ما اريد اشوف اي شي شويه واسمعه يحجي ويه امي يكلله