البارت التاسع
مَحد يحتَرك گلبه علِيه
ويمَد إيده ويطفِي النَّار بيه
إذا الي بيتِي ضِدي شحَال جَاري
يَلم فُوگي الحَطب ويزيد نَاري
......................................................
#شيراز
شيراز: بعد ما تعبت من البجي شفت نفسي بحضن شهم
كمت منه بسرعه وكتله
: شكو حاضني?
شهم: غير انتي نتهيتي من البجي
شيراز: بعد لتعيديه
عفته وصعدت شفت الساعه ب 1 ونص
غسلت وتوضيت وصليت صلاه الضهر
والعصر ونمت كعدت الساعه ب 8
طلعت تراك بنفسجي وطبيت سبحت
وتوضيت وفرشت اسناني وتوضيت
وطلعت صليت ومشطت شعري وضفرته
ونزلت ميته جوع شفت شهم كاعد بالصاله يدخن جكارتين سوه
شهم: صح النوم
شيراز: صح بدنك اكلك جوعانه اني
شهم: يخسي الجوع تعاي اكعدي اصلا اني
جبت اكل بالمطبخ خل اجيبلجيا
شيراز: ميحتاج هسه اني اجيبه
رحت للمطبخ لكيت لفات صاج وبيتزا
وطلعت ببسي ورحت للصاله حطيتهن
ورحت جبت الابتوب ورجعت كعدت
وفتحت فلم وضليت اباوع واكل وادري
بشهم يباوع علي خلص الجكارتين وهم ورث ثنين
شيراز: تره هواي تشرب جكاير
شهم: عادي ميهم
شيراز: دا اختنك
طفاهن بسرعه وكال
شهم: بعد ما اعيده
شيراز: كملت اكلي والفلم وهوه مستمر
بنضراته الي ماعرفت افسرهن دكت علي جوان
شيراز: لك ها كبد شونك
جوان: هلا بيج حبيبي ولج يكولون باجر النتائج
شيراز: عزاا ذبيت الاكل وطفرت بره واني خارطه العافيه
ولج شلون خاف ما اطلع معدل
جوان: واني هم ميته خوف بس ان شاء الله خير ادعيلنه دعائج مستجاب
شيراز: هههههههه يمه فحطت يا ريت دعائي مستجاب
جوان: كولي يا الله يمعوده
شيراز: يا الله يله باي باجر نحجي اروح اكمل اكلي
سديت الاتصال ويه جوان ودا ارجع وشفت
شهم واكف وراي نهبطت من ورا
شيراز: يمه نززتني شعدك واكف هنا ?
شهم: سم الله عليج بس شفتج اول ما فتحتي الاتصال طلعتي تركضين شصاير
شيراز: ع الاساس باجر النتائج وخايفه خاف ماطلع المعدل الاريده
