.
.
.
.
ولا جنك حبيب الروح جنك منجبر بيه
...........................................................
# شيراز: شدتسوي هنا انت وميلك المفاتيح مال البيت
شهم: ماهان عليه اخليج تجين بدوني
والمفاتيح اخذتهن من ابوج
شيراز: يا صبرك يا ايوب لك بابا انت
شنو من بشر ماعدك كرامه عيفني
وطلع وابوي شلون قبل ينطيكياهن وخلاك تجي
شهم: مو قبل متطلعين وياي وعادي قبل واذا يعني
شيراز: الحجي وياك ضايع
عفته وصعدت الغرفتي واني افكر شلون
راح اخلص من هاي الورطه وابوي شلون
هيج يسوي جاب علي الجنطه مالتي وكتله
شيراز: شنو سالفته هذا ابن عمك
علي: شبي
شيراز: لتخبلني شنو شبي مدتشوفه
شديسوي ولا كانما مسوي شي
علي: شيرازه شهم. مريض يعني مو بيده الي ديسوي
شيراز: شنو مرضه
علي: سايكوباث
شيراز: ......
علي : شو سكتي
شيراز: متاكد هذا مرضه لو تجذب عليه علي
علي: يي متاكد وحته اكثر من مره
نحجي ويا نريده يروح يتعالج يكلب
البيت علينه ويكسره تكسر ويضل يصيح
اني مو مريض انتوا المرضه وميروح
ف عفنا بعد محد حاجا بس تدرين هوه
ذكي وقوي بشكل مو طبيعي
شيراز: ضليت صافنه هذا بعد ميعوفني لو اموت
اني بطبعي احب اقره عن كلشي ف
اعرف هاي الامراض السايكو والسادي
والمازوخي وغيرهن كلهن قاريه عليهن
واعرف صاحب المرض شلون يصير بأثناء
صفنتي طب شهم للغرفه
شهم: شدتسوي هنا علي
علي: ماكو شي بس جبت الجنطه مال شيراز من السياره
شهم: يله مو مشكله انزل ارتاح حته العصر ترجع للبصره
شيراز: هيي وين يروح خلي هوه غير اجه وياي
تقرب عليه صرنه وجه بوجه وكال
شهم: اني موجود علي مو لازم
شيراز: طلع علي واني ضليت بحيرتي
شراح يصير وشلون اضل ويا وحدي
واني شردت منه مناك واجه لحكني هنا فززني من كال
شهم: شيرازتي بعدج زعلانه مو كافي
ضربتيني طلقه وردت اموت
شيراز: لو ميت احسن للاسف ما متت اطلع بره اريد انام
