.
.
.
.
انه شمسوي هيجي يصير بيه
انه اختنك كل مغربيه
التمن عليه كل اذيه
اهلي والدنيا عليه
......................................................
# شيراز
شيراز: من كالت هيج الدكتوره سودت
الدنيا بعيني باوعت ع شهم اشوفه
طاير من الفرح جن واحد منتضر يصير
هيج من زمان راحت الدكتوره وجان
شهم يكول
شهم: من اليوم كلشي راح يصلح وبعد
ما اسوي اي شي متردي بس خل نرجع للبيت
شيراز: ماحجيت ولا كلمه كل الي
اريده ارجع لفراشي وانام طلعنه
من المستشفى ورجعنه للبيت عفت
شهم وصعدت فوك كبل نمت كعدت
باليل نمت فوك ال 10 ساعات
طلعت تراك اسود وطبيت سبحت
وطلعت صليت وضليت ابجي
واشكي همومي الرب العالمين
لان ماعندي احد غيره كعدت
بالساعتين ع السجاده خلصت
وكمت شلت السجاده ونشفت
شعري ومشطته وجنت كلش
جوعانه فتحت الباب لكيت
شهم كاعد بالكاع كبال الغرفه
نزيت من شفته بس ما اهتميتله
نزلت جوه وهوه يمشي وراي
طبيت للمطبخ فتحت الثلاجه
اخذت مي شربت وكال
شهم: تعاي اكلي
شيراز: لكيته مخلي لفات ع الميز
وعصاير كعدت اكلت لفتين كص
وشربت عصير خلصت ودا اريد اكوم.
شهم: اوكفي شيراز بس خل احاجيك
شيراز: كعدت واني قرفانه منه
: خير
شهم: احنه لازم نزوج ميصير
نضل هيج لان انتي تتاذين
بعد جم شهر تكبر بطنج شدكولين
للي يسالج خلينه نزوج الله يخليج
شيراز: انطيني جهازك
انطاني الجهاز بدون ميحجي خابرت ع ابوي وكتله باجر راجعه اني
شهم: باعي دركت كلبي دوامج اني ماخذلج اجازه وبس نرجع اسويلج احلى عرس
شيراز: اهلي يدرون ?
شهم: لا كلشي ميدرون
شيراز: ضليت ساكته
شهم: راح دكليلهم ?
شيراز: ليش هم تريدني اضم مثل
المره الاولى لك انته تضل نك...س
وزاني حسبالك انته رجال لا غلطان
عار ع الزلم انت خل يكون بعلمك
الله لا يوفقك ان شاء الله الله ياخذك
لك دمرتني انت بس عسى حوبتي
متتعداك بحق الامير علي تتلكاه
ان شاء الله متروح
شهم: حقج والله كلشي تحجين
بس اسمعي مني وخلينه نزوج
وشتردين تسوين بيه بعدين سوي
شيراز: احجزلي باجر اريد ارجع وسيارتي ترجعه للعراق
شهم: ميخالف
