مناقشة حرة..
نقول بسم الله، ونبدأ كدا معانا بأول شخصيه وهي..
_ البرت 🦂 ، البرت هو اكثر شخصيه واخده حقها تالت ومتلت في الروايه ورغم كدا مكنش عارف يحدد مشاعره، بيحب مين وبيكره مين، بس عايزة اوضح نقطة هو محبش جيرمي هو بس تعلق مرضي مش اكتر، والدليل ان لما لونا كانت موجوده مكنش بيفكر ف جيرمي غير لما جاتله رساله من المستشفى فيما معناها انها بتودع الحياة وعايزة تشوفه، ورغم انه عارف انها هتموت الا انه كان رافض فكره انها تسيبه لان برضو كان خايف لونا تسيبه بسبب تصرفاته معاها، وظلمه ليها، البرت كان عارف ان لونا قريبته ومرضاش يقولها علشان يعرف هتفتكره ولا لا، وعلشان هو كمان اناني وعايزها تحبه وخلاص بغض النظر عن الطريقه الغلط اللي بيستخدمها معاها، فألبرت كان شخص اناني وtoxic مش هقدر انكر، وبالرغم ان لونا مفتكرتهوش الا انها حباته وكأنها كانت تعرفه من زمان، فألبرت هو تاني شخص عنده حب التملك والهوس المرضي بعد لوكاس ( الراجل ده حواراته كتيرة) ...
_ جيرمي 🐍، جيرمي هي شخصيه toxic جداً وشخصيه سايكو لابعد الحدود، عندها استعداد تعمل اي حاجه لارضاء نفسها ومصلحتها بغض النظر عن العواقب، وللعلم انها كانت مصابه بالسرطان، وده مكنش عقاب ربنا ليها، ده كان ابتلاء وهي للاسف مقدرتش تقاومه، ربنا يعافينا ويعافيكوا ويشفينا ويشفي مرضى المسلمين جميعاً، جيرمي عملت علاقات بعدد شعر رأسها، مع باتريك وجابت منه طفل، ومع الحرس وكانت عايزة تعمل مع ديفيد وكلاوس ورونالد ومعرفتش، فانا شايفه جيرمي هي مثال للشخصيه الطماعة الغبية والجشعة وده كله يوضحلنا انها محبتش البرت اساسا وان كلها لعبه منها علشان بس تعرف تنقل اخباره لكارولين، ولما حبت تشوفه قبل ما تموت، كانت حابه توهمه انها حباته وان تومي هو ابنه وعلشان تأكد كلامها بأنها عملتله تحليل DNA واتاكدت وهي كانت بتتعامل مع مستشفى معينه وكانت كوسة بقا وقتها وتحاليل كلها مضروبه وكذب ف كذب ف طبيعي لما البرت هيعمل نفس التحاليل ف نفس المكان هتكون مضروبه برضو علشان كدا قرر يعمل التحاليل ف مكان تاني لحد ما اكتشف المفاجأة ...
_ ديفيد، ديفيد هو اكثر شخص اتاذى من كلوديا رغم انه كان بيحبها، وحاول ان يحافظ على الحب ده بقدر الامكان ولكنه فشل لما عرف ان كلوديا هتسافر لتركيا وهتسيبه، وفكر لما رجعت من تركيا انها جايه تصلح علاقتهم لحد ما اكتشف ان عندها طفل وفكر ان الطفل مش منه بسبب ان مفيش شبه بينهم اساساً، بس التحاليل اثبتت العكس وحاول انه يرجع علاقه بكلوديا بعد ما باظت، حتى لو ع حساب كرامته لانه عرف انه جهعليها واذاها ..
_ كلوديا، شخصيه لازم تتعاطف معاها مهما كانت، رغم انها اذت ديفيد بسبب حبها له، الا انها ماذتش كلوي او حد تاني بل حاولت تساعدها وتمنع لوسيا من التمادي في افعالها اللي كانت هتخليها تضيع كل حاجه، كانت ام كويسه جداً رغم ان امر الامومه جه بالغلط ولكن ده كان الطريق الوحيد ليها علشان تقدر انها تحمل من ديفيد لان مفيش فرص تانيه لان للاسف معنى ان جزء استئصل من الرحم بيبقي في صعوبه في عمليه الانجاب لمدي الحياه وقد تكون مستحيلة، من اكتر الشخصيات اللي عجبتني قصة حبهم وانا بكتبها، رغم غموضها في البدايه الا ان علاقتهم حلوة حلاوة مش طبيعيه وكأن الروايه معموله ومتفصله علشانهم هما وبس ...
أنت تقرأ
in the fist of Lucifer (+18)✔
Açãoحاصلة على مركز اول في #kill بتاريخ 1/8/2023 حاصلة على مركز رابع في #lucifer بتاريخ 22/8/2023 🔴 الروايه بالعربية الفصحى.. " احضروها حية، لا تلمسوها بسوء..." قالها بنبرة جهورية دبت الرعب بأوصالها كونه رجل لا يبدو عليه المزاح ورغم بعد المسافه بينهما...
